Mæl þú manna heilastur drullusokkur! Hárrétt og þú átt leikinn.
Kær kveðja
ljóður
Hvar eru fuglar þeir á sumri sungu?
Þeir suður flugu brimótt yfir höf.
Hvar eru blómin sæl frá sumri ungu?
Und snjónum hvíla þau í vetrar gröf.
Hvað er nú söngva? vindgnýr hærri og hærri
um hvítnað land, en þung með drunu-hljóð,
þar þögull sjófugl þyrpist brimströnd nærri,
hinn þrúðgi gýmir kveður stirðan óð.
Hvað er nú blóma? helblóm hörku viður,
sem hrímhvít skarta frosnum rúðum á,
og geislablóm, sem glitar máni niður
á glerskyggð blásvell vetrarheiði frá.
Nei, sönglíf, blómlíf finnst nú aðeins inni,
þar andinn góður býr sér sumar til
með söng og sögu, kærleik, vina kynni
á kuldatíð, við arin-blossans yl.
Svo dvelji söngfugl hver einn fyrir handan
og hylji fönnin blómið hvert, sem dó.
Vér eigum sumar innra fyrir andann,
þá ytra herðir frost og kyngir snjó.
Hver bjó þetta til?
Jæja, þessi er sennilega mjög létt.
Því var þerriblað
í þegna heimi
oft í eld hrakið
að entu starfi,
að það aldregi,
sem önnur blöð,
dugði til kamars
né kramarhúsa.
Þetta kannast ég við, en man ómögulega höfundinn.
Tómas Guðmundsson?
Grímur Thomsen?
Er þetta eftir Hannes Hafstein? Þerriblaðsvísur sem hann orti í orðastað þekktra skálda. Hér stælir hann líklega Bjarna Thorarensen.
Margir kannast eflaust við öfugmælavísuna
Fiskurinn hefur fögur hljóð
finnst hann oft á heiðum.
Ærnar renna eina slóð
eftir sjónum breiðum.
En hver orti?
Bjarni Borgfirðingaskáld?
Ójá Regína. Bjarni Jónsson Borgfirðingaskáld, uppi á 16. -17. öld. Þú átt leikinn.
Það var nú ekki ég sem vissi það .. en hvað um það:
Vort líf er svo ríkt af ljóssins þrá
að lokkar oss himins sólarbrá,
og húm hlýtur að dvína,
er hrynjandi geislar skína.
Hver orti þetta fallega ljóð?
Nei, ekki Megas. Þetta skáld er eldra.