Ódýrt er kveðið en þar sem ég vil stuðla að viðgangi heimsveldis dirfist ég að stofna fyrsta kvæðaþráð minn. Eða erum við enn í hringlandahátt að koma hingað inn í leit að flótta undan raunheimaleiknum? Geta ekki aðrir gert betur en eftirfarandi?:
Kyrjum hérna kát og rjóð,
kvíðboga við bægjum frá.
Ráðalaus er ríkisglóð,
rögn hún horfa upp á má.
Allur máttur er úr stjórn
ærnar aðeins jarma.
Alþýða sér færir fórn.
Firring hefur sjarma.
Illa og nóg á skrílinn úðað.
allnokkrir svo bornir brott.
Ætli verði þeim úthúðað,
upp sem stóð gegn hottentott?
(Ég bið Hottentotta innilegrar velvirðingar á að líkja þeim raunheimastjórnvöld)
Við Þingið brennur ólgueldur,
emjar skríll af bjálfum.
Mótmæla við mættum heldur
mótmælendum sjálfum.
Eldurinn er hér tákn... og ég vil meina að eldurinn á Austurvelli sé einnig táknrænn...
Brennum tregann, tákn um hnjóð
því treginn sefur vær
úr öskunni þá upp rís þjóð
endurnærð og tær.
Mótmælum þá miklu kvöl
sem mjóbak lands um æðir
eymsli þings og allt það böl
eldurinn hann bræðir.
Brennum þraut því þjóðarfley
þingmenn ei að gættu.
Herrar sem að hlusta ei
hypja sig nú ættu.
Við Þingið brennur ólgueldur
hjá örvitum og bjálfum.
Mótmæla við mættum heldur
mótmælendum sjálfum.
Þetta'er hvorki spaug né spé
hann spillinguna ver.
Trega fólksins tæpast sé
en tært hann skín hjá þér.
Við Þingið brennur ólgueldur
hjá örvitum og bjálfum.
Mótmæla við mættum heldur
mótmælendum sjálfum.
Þetta'er hvorki spaug né spé
hann spillinguna ver.
Trega fólksins tæpast sé
en tært hann skín hjá þér.
Spillinguna segirðu. En hverjir voru það sem spilltu? Var það Alþingi? Því myndi ég svara neitandi. Á sama tíma og fréttir berast af gjörspilltri starfsemi Kaupþings vanvirðir fólk Alþingi Íslendinga með rúðubrotum og málningsslettum. Hvað bætir slíkt? Ekkert.
Vissulega er treginn tíður,
tárin eymdar streyma.
En hvað sem öllu öðru líður,
einu skal ei gleyma:
Sama hve þér hrópið hátt
og hendið skyri ótt, þér beinið
reiðinni í ranga átt!
Rægið þá, sem unnu meinið!
Ég ætla ekki framar að tjá mig á þessum þræði. Mér finnst reyndar að honum ætti að loka, því nóg er um að þetta bölvaða þras herji á mann úr öllum áttum samfélagsins. Hingað á Gestapó er réttara að koma til að flýja hitt.
Við Þingið brennur ólgueldur
hjá örvitum og bjálfum.
Mótmæla við mættum heldur
mótmælendum sjálfum.
Þetta'er hvorki spaug né spé
hann spillinguna ver.
Trega fólksins tæpast sé
en tært hann skín hjá þér.
Spillinguna segirðu. En hverjir voru það sem spilltu? Var það Alþingi? Því myndi ég svara neitandi. Á sama tíma og fréttir berast af gjörspilltri starfsemi Kaupþings vanvirðir fólk Alþingi Íslendinga með rúðubrotum og málningsslettum. Hvað bætir slíkt? Ekkert.
Vissulega er treginn tíður,
tárin eymdar streyma.
En hvað sem öllu öðru líður,
einu skal ei gleyma:
Sama hve þér hrópið hátt
og hendið skyri ótt, þér beinið
reiðinni í ranga átt!
Rægið þá, sem unnu meinið!
Ég ætla ekki framar að tjá mig á þessum þræði. Mér finnst reyndar að honum ætti að loka, því nóg er um að þetta bölvaða þras herji á mann úr öllum áttum samfélagsins. Hingað á Gestapó er réttara að koma til að flýja hitt.
Ég er samþykkur því að loka þessum þræði... ég er mikið meira en til í að halda þessu efni utan við Gestapó...
En ef það er ég sem loka þræðinum nú, þá lítur það illa út... Ég set það því í hendur Z.Natans eða annarra friðargæsluliða að loka þessum þræði... ef þeir vilja...
Eitt er víst að ei þú skilur
allan vanda landans.
Þú stefið ríkisstjórnar þylur
og styður þau til fjandans.
Þau sem seldu þjóðarsál
á þingi inni hanga
því er gott að brenna bál
bitra daga langa.
Það er þá best að drífa sig í að hnoða einhvern leir áður en lokað er:
Ýmsum finnst gaman að gasa,
og gasa þá sem að mest þrasa.
Næst Bjarnason, Björn,
með bófum fær törn
að hamast á Hamas á Gasa.
Ég er náttúrlega allt of lengi að hugsa, og hefði átt að mótmæla strax.
Ég vil fyrirfram mótmæla harðlega að svona þræði verði lokað fyrir orð eins gestapóa (og þó þeir væru fleiri).
Ekki vandar ritstjórn stjórnvöldum kveðjurnar á forsíðu. Það að geta ekki þolað krepputal á sérmerktum þráðum er ekki gestapóum sæmandi. (Annað mál væri ef þræðir almennt væru undirlagðir.)
Vinsamlegast lesið ekki þræði sem greinilega eru þannig merktir að þið vitið að þið hafið ekki áhuga á þeim!!!
Allnokkuð ég notað hef stæla
& nútímastefnumóts-mæla.
Ég mælti mér mót
við munnfagra snót,
sem kunni að glettast & gæla.
Til fjandans það fari & veri,
allt fásinnið á þessu skeri !
Ég mæli því mót
að mæla því bót
að mótmælum mótmæla beri.
Ég er náttúrlega allt of lengi að hugsa, og hefði átt að mótmæla strax.
Ég vil fyrirfram mótmæla harðlega að svona þræði verði lokað fyrir orð eins gestapóa (og þó þeir væru fleiri).
Ekki vandar ritstjórn stjórnvöldum kveðjurnar á forsíðu. Það að geta ekki þolað krepputal á sérmerktum þráðum er ekki gestapóum sæmandi. (Annað mál væri ef þræðir almennt væru undirlagðir.)
Vinsamlegast lesið ekki þræði sem greinilega eru þannig merktir að þið vitið að þið hafið ekki áhuga á þeim!!!
Sammála.
Svo ég Reykási smá... þá er ég hjartanlega sammála... hehe xT
Einn á móti margnum stendur
mæddur sánkti Davíð.
Verður inni' að endingu brenndur
sá -ingur fávísi þjóðníð-.
Því nú stefnir það í at;
þjóðin er ekki Golíat.
En er Golíat ekki þjóðin?
Það er ekki nóg að nenna
og nurla frá degi til dags.
Kreppan er Davíð að kenna
karlfíflið hengjum því strax.
Einhver sagði að Dabbi í seðlabankanum nú minnti sig á Adolf í búnkernum örlagavorið 1945.
Líkt og Adolf áður fyrr
ætlar sér að sitja kyrr.
Komma herir hópast að
huga á fiður og tjörubað.
Göbbels hafði Hitler þá.
Hamast á þingi Siggi K.
Hve dýrlegt er nú Davíðs vald.
Og dugmikið sigursælt undanhald.
Adolf fann sér undanleið frá öllu því.
Eina ráðið er að setja í hausinn blý.
Krónan er líkþrá og leggur upp tær.
Það leggur af henni náþefinn.
Íhaldið bíta nú ESB-flær.
Að sækja um - þar liggur efinn.