Éta, drekka, dansa við
drós um steypibaðið
væri alveg einboðið
ef ég gæti staðið.
Staðið hefur stundum mér,
stóð mér líka nú í morgun.
En engin kona á mér sér
aumur nema fyrir borgun.
Borgið mér og bögu mun ég yrkja.
Annars mun ég hengja haus
og heilann ekki virkja.
Virkja skal nú vatnsföll öll
og veituskurði grafa.
Nýta síðan sjávarföll
og sjóðheitt vatn án tafa.
Tafir strangar má Þura þola
þvíumlíkt er bölvað slór.
Þarf að sækja baldin bola
bóndi heima jafnan rór.
Rór er bur og bur
bursins því oftast nær.
Heimaalinn herlegur,
hávær, tær læðist fjær.
Fjær er velsæld Fróni á,
en fátæktin og bölið.
-Ef ástandið er svart að sjá
er sælt að drekka ölið.
Ölið jafnan- yndislegt,
-öllum líkar.
Sælleg höfnum syndaspekt,
(hún) sárum flíkar.
Flíkin mín er fín á jólum,
falleg, straujuð, hrein og væn.
Þó er andlit þakið bólum,
þrútnum, rauðum - ein er græn.
Grænir eru guðdómlegir
gallalausir eðalmenn.
Vænir góðir varla tregir
voru líka til í denn.
Denni þótti dæmalaus
og dágóður með kanel.
Fingri hann svo fórna kaus
er fór að saga panel.
Panel mikið vænn er viður
veggi marga príðir hér,
Upp hann festi Smissi smiður,
Smári frændi komin er.
Er í haus á lappa ljóð?
Líkur til þess benda.
Glitnir má hans geima sjóð
og gjarnan burtu senda
Senda -kortin jóla- kann
kem mér ekki í það
kort síðan í fyrra fann
farinn er nú í bað
Baðið jóla bísna fljótt
býst þú við að taka
ég um þetta hefði hljótt
ef halda vildi í maka.
Maka laus er vont að vera
vesælt er það líf
Makalaust má gaman gera
gott með sínu víf
Vífið stykki visku er
viska fyllir sekki
Lífið dræmt í diska fer
diska þurkar ekki
Ekki skaltu óþekkur vera
er álpast sveinar af fjöllum
Því köttur jóla mun kerksna bera
karla úr veislu höllum