— GESTAPÓ —
Kveðist Á
» Gestapó   » Kveðist á
        1, 2, 3 ... 145, 146, 147 ... 455, 456, 457  
 • Svara • Vitna í •  Senda skilaboð
Tobbi heimalningur 17/1/08 22:53

Dætur þessa dapra manns
dufla við á kvöldum
mannin saug hún móðir hans
margan fyrr á öldum

 • Svara • Vitna í •  Senda skilaboð Senda póst
Upprifinn 18/1/08 01:04

Öldum saman í okkar heim
allar konur lutu
Körlum sem að þrykktu þeim
þangað til þær gutu.

Ríkissáttasemjari Baggalútíska heimsveldisins. Vonbiðill hinnar keisaralegu hátignar, hirðskáld og varavaravarakeisari. Níðskáld hinnar konunglegu hirðar. Nánast óþægilega kurteis...Besserwisser og Negradýrkari.‹Ljómar upp.›
 • Svara • Vitna í •  Senda skilaboð Senda póst
Andþór 18/1/08 06:47

Getur skeð að guð sé til,
gamlamenni vona.
Feigur víti frekar vil,
fæst þar lauslát kona.

GESTUR
 • Svara • Vitna í •  Senda skilaboð Senda póst
badboy 18/1/08 07:41

Konan mannsins kyndir bál
kaldlynd þó í eðli
þungt hún þjakar hennar sál
þráin eftir seðli

 • Svara • Vitna í •  Senda skilaboð Senda póst
Andþór 18/1/08 10:04

Konan mannsins kyndir bál
kaldlynd þó í eðli
þungt hún hennar þjakar sál (varð að færa þjakar um einn braglið svo þetta yrði rétt, annars snilld)
þráin eftir seðli

Seðla dýrka sumir menn,
safna líkt og óðir.
Fatta munu fíflin senn,
að fyrnast þeirra sjóðir.

 • Svara • Vitna í •  Senda skilaboð Senda póst

ATH: Vísa Upprifins héraðofan endar á orðinu "gutu" (gjóta), en Andþór hóf annars prýðilega vísu sína á orðinu "getur" (geta).
Þetta er strangttiltekið allsekki sama orðið, svo ég leyfi mér hér að splæsa saman lausum endum . . .

Gotið læður geta víst,
gotið útúr tíkum brýst;
ungviðinu út skal þrýst,
enginn fær því nánar lýst.

- - -
Sjóðurinn fer sjatnandi,
sjenslaus staða, það er víst;
bágindin ei batnandi,
bömmernum fær enginn lýst.

 • Svara • Vitna í •  Senda skilaboð Senda póst
lappi 18/1/08 14:11

Lýst mér vel á Völu Matt
vösk er talin kona.
Nær að klýfa bjargið bratt
bráðum það ég vona.

lappi
 • Svara • Vitna í •  Senda skilaboð Senda póst
Heimskautafroskur 18/1/08 17:08

Vonarpening á ég einn
(ekki digur sjóður).
Á leiði mínu lítill steinn,
letrið: Hann var góður.

vér kvökum og þökkum
 • Svara • Vitna í •  Senda skilaboð Senda póst

Góður finnst mér gúlsopinn
gerjaður með humli;
þegar ögn ég á mér finn,
upp skal lyfta þumli.

 • Svara • Vitna í •  Senda skilaboð Senda póst
Upprifinn 19/1/08 18:56

þumalskrúfur þykir mér
þarflegt mjög að hafa
ef að sannleik uppúr þér
ætla ég að grafa.

Ríkissáttasemjari Baggalútíska heimsveldisins. Vonbiðill hinnar keisaralegu hátignar, hirðskáld og varavaravarakeisari. Níðskáld hinnar konunglegu hirðar. Nánast óþægilega kurteis...Besserwisser og Negradýrkari.‹Ljómar upp.›
 • Svara • Vitna í •  Senda skilaboð Senda póst
Andþór 19/1/08 19:25

Grafa skal upp glingur smátt,
gamalt junk á Kili.
Kaleik vona´ að kannski brátt.,
köld mold aftur skili.

 • Svara • Vitna í •  Senda skilaboð Senda póst
Herbjörn Hafralóns 19/1/08 23:14

Skilið áttu skáldalaun,
skarpur er þinn penni.
Eigðu hérna eina baun,
arður vex af henni.

Verðlaunaður séntilmaður. HEIMSMEISTARI í teningakasti 2007 og 2008. BLÁR.
 • Svara • Vitna í •  Senda skilaboð Senda póst
Hávarður 19/1/08 23:19

Henni skaltu skila aftur
skuldadagar nálgast brátt.
fylgir henni fítonskraftur
færir okkur norðanátt.

 • Svara • Vitna í •  Senda skilaboð Senda póst
Günther Zimmermann 20/1/08 00:09

Norðanáttin napra blæs
nætur jafnt sem daga.
Þykir fáum þófið næs,
þannig er sú saga.

Antiqvarius Imperii BACCALVTII - Vörzlumaður Fjársjóðskammers forsetaembættisins.
 • Svara • Vitna í •  Senda skilaboð Senda póst
Kynjólfur úr Keri 20/1/08 02:47

Ég tek Z. Natan mér til fyrirmyndar og splæsi saman lausum endum. Vísur hans enduðu á orðinu „lýst“ en Lappi gerist brotlegur og byrjar sína vísu á orðinu „Líst“ ranglega með ufsiloni. Það er tvennt ólíkt að „lýsa“ einhverju og „lítast“ vel á eitthvað.

Lýst fær enginn ljóðum þeim
lútinn sem að fylla.
Andagift spyrst út um heim
en öðru hvoru er villa.

Saga mín er svört og ljót
saga fárs og kvilla.
Saga um óþarft aukadót
því allt mitt kyn er villa.

 • Svara • Vitna í •  Senda skilaboð Senda póst
Andþór 21/1/08 08:26

Villur þær er vistast hér,
viljum allar laga.
Alltof gerist oft hjá mér,
þá endilega klaga!

 • Svara • Vitna í •  Senda skilaboð Senda póst
krossgata 21/1/08 14:03

Klöguskjóða kvartar oft
og kveinar máli höllu.
Þetta er víst þingeyskt loft,
þykir best með öllu.

Kvenskörungur forsetaembættisins. Hlerari við HB. Sporrekjandi ríkisins. Tilnefnd: Mesti laumupúkinn 2007 Gul ‹Drepur tímann› Ef þú getur lesið þetta ertu of nálægt. Laumuhluti: ÞráðurINN fundinn! 10. feb.. og annar 4. maí
 • Svara • Vitna í •  Senda skilaboð Senda póst
Heimskautafroskur 21/1/08 15:26

Öllu snúið upp á kant,
ekkert skil ég lengur.
Orða samt er ekki vant,
enda skarpur drengur.

vér kvökum og þökkum
        1, 2, 3 ... 145, 146, 147 ... 455, 456, 457  
» Gestapó   » Kveðist á   » Hvað er nýtt?
Innskráning:
Viðurnefni:
Aðgangsorð: