Jú jú, þetta er Bóbó liðþjálfi. Til hamingju Skabbi, þú hefur unnið þér inn ókeypis íbúð að eigin val á Varnarsvæði Nato á Keflavíkur flugvelli og 20 % afslátt af öllum veitingum nema áfengum drykkjum í officera-klúbbnum til marsloka.
Svo skora ég á menn að gera fleiri dróttkvæðar gátur, þessi var skammarlega létt!
Útlims kennd er íþrótt.
Enska þökkum lenskum.
Stemmur raula stuðnings
Stefin forn án refja.
Mundum ei má beita.
Möskva þenja röskir.
Germanskir fá gesti
guma lítt í sumar.
Þetta hlýtur nú að vera fótbolti:
Útlims kennd er íþrótt.
Enska þökkum lenskum.
Kennd er íþrótt fóta, sem enskir fundu upp.
Stemmur raula stuðnings
Stefin forn án refja.
Þeir tjanta stöðugt einhverjar þulur á þessum leikjum, til stuðnings sínu liði.
Mundum ei má beita.
Ég átta mig ekki alveg á þessu, er mundur heiti fyrir hendur eða verkfæri?
Möskva þenja röskir.
Þegar skorað er eru svo sannarlega þandir möskvar.
Germanskir fá gesti
guma lítt í sumar.
Þýzkir munu víst halda heimsmeistarakeppni og þá verður lítið um karlmenn á torgum, eða hvað?
Júbb, fótbolti var það heillinn. Mundur er hönd sbr. Guðmundur = hönd Guðs.
Þýskir munu ekki guma í sumar = þýska landsliðið munu lúta í gras á HM þótt á heimavelli sé og lítt guma af þeim árangri sínum.
Til hamingju, þó hefur unnið þér inn ársbirgðir af Maarud kartöfluflögum með papriku, tíu kippur af 2 lítra Pepsimax, þrjár nætur í bólinu hjá Katrínu Önnu form. Feministafélagsins og ferð á Mt. Blanc undir fararstjórn Haraldar Arnar pólfara Það er engin hóll í heiminum svo lágur að pólfarinn fari ekki á hann™. Njóttu vel.
Um hvað er rætt í þessu dróttkvæði?
Það er svo langt síðan ég samdi gátu hérna að ég man ekki hvort þetta er rétt hjá mér, en læt á það reyna.
Fólin fjólubláu
faðmlög - kyssast hissa.
Geta hvergi batnað
grænir fúlir spræna.
Frúmann sem og Frímann
féllu - gnýr og hvellur.
Náðu ei með níði
nautið svekkt því stautar.
Er þetta eitthvað um stjórnmál?
Já... mættir fara aðeins nánar í hvaða atburð er um að ræða...
Um hvað er rætt í þessu dróttkvæði?
Það er svo langt síðan ég samdi gátu hérna að ég man ekki hvort þetta er rétt hjá mér, en læt á það reyna.
Fólin fjólubláu
faðmlög - kyssast hissa.
Geta hvergi batnað
grænir fúlir spræna.
Frúmann sem og Frímann
féllu - gnýr og hvellur.
Náðu ei með níði
nautið svekkt því stautar.
Þetta er semsagt um stjórnmál, en ég er ekki nógu pólitísk til að komast lengra.
Bara smá vísbending... þetta er um atburð sem verður reglulega... og þann nýjasta af þeim...
Fólin fjólubláu (Rautt (Samfylking) og Blátt (Sjallinn) verður kannski Fjólublátt?)
faðmlög - kyssast hissa. (Þau voru hissa að ná saman?)
Geta hvergi batnað (Fylgið hrundi...)
grænir fúlir spræna. (... og því duttu þeir úr ríkisstjórn?)
Frúmann sem og Frímann
féllu - gnýr og hvellur.
Náðu ei með níði
nautið svekkt því stautar.
Fyrri hlutinn um stjórnarmyndun?
Seinni hlutinn svo kannski um þá sem náðu ekki kjöri, og/eða eru svekktir yfir að hafa ekki komist í stjórn?
Ég gef rétt fyrir þetta Billi... þetta var ekki flóknara en þetta... Frúmann er Ómar og Frímann var Jakob fríman... nautið er Guðni, grænir vinstri grænir...
Þetta voru sem sagt kosningarnar og eftirmálar þeirra...
Ég var með Jakob Frímann, en tengdi ekki við Frúmann, sem er náttúrlega slappt fyrst ég kaus hann. ‹Ljómar annars upp›
Væri ekki voðalega gaman ef einhver myndi skella einni gátu hérna inn, þetta er svo óendanlega skemmtilegt. Treysti mér ekki til neins sjálf, ekki alveg strax.