Enn lýsi ég Gestapó
Himnaríki heiðursmanns,
heldri manna staður.
Svíf þar um í æðistrans,
obboslega glaður. xT
Áminningar ýmsar fékk
ekkert samt hann mundi.
Skabbi oní ámu hékk,
í ákavítið hrundi.
Glottir eins og fífl
Ég er heiladauð... en hér er Gestapó
Glimrandi og glæsilegt með getnó tvisti.
Ótæmandi æðislisti...
6. Laumuefni: Hvað stendur upp úr á þessu ári?
Föður minn og móður,
moldin gleypti kalda.
Ljóða- safnast –sjóður,
sorgar- bókin -gjalda.
6. Leyniefnið: Það sem stendur upp úr á árinu.
Árshátíð ég eina nefni öðru betri,
þokka veitir þessum vetri,
þagna nú með smáu letri.
Þá skulum við vinda okkur í næsta yrkisefni, hvað langar ykkur í jólagjöf?
Mig langar í laglegan pela
með ljóma sem frostið og héla
sem drykki í set
og dágóðan met
og alldrei þarf fagran að fela.
Ekki veit ég hvort þessi útúrdúr stenst reglur hagyrðingamóta, en þar sem ég stjórna er mér alveg sama.
Lýsið nú Gestapó í stuttu máli.
Þá fyrst er Hagyrðingamót gott er útúrdúr sem þessi nær sér á strik.
í alnets erfiða þys
einn ég þekki stað
sem er bjartast blys
bera gestir það (það er að segja gestirnir bera uppi gestapóið og gera að besta og bjartasta stað gagnvarpsins alls.)
Áminningar ýmsar fékk
ekkert samt hann mundi.
Skabbi oní ámu hékk,
í ákavítið hrundi.
Glottir eins og fífl
Billi karlinn bilaður,
bætir vísna hagi.
Spurning ef að spilaður,
sé spjátrungur í lagi. Glottir
Sælt veri fólkið
Ég er með ritstíflu og fylgist bara með
Það sem bar af á árinu
Mikla gæfu gleði hlaut,
gáskafullur kútur.
Er hann fann hér ljúfa laut,
LIFI BAGGALÚTUR!
Næsta yrkisefni:
4. Hvernig viltu eggið þitt?
Það skal vera hvítt og hrátt með hálfum lauk
hrákasmíðin þarna fauk.
Jæja, ég ætla að kveðja og sinna skyldustörfum í raunheimum svolitla stund.
Elsku krakkar kveður frúin,
krossa heldur lúin.
Kvæðin öll nú alveg búin,
afar þreytt og fúin.
Takk fyrir mig.
Andþór getur grínast með
gamla virta póa,
eða mig, sem aurinn veð
upp í signa þjóa.
Árshátíðin var minnisstæðasti Gestapóviðburðurinn. Sýklavopnaárás óvina ríkisins er vjer urðum fyrir daginn fyrir árshátíð setti þó óæskilegan svip á þessa daga og kann að hafa haft áhrif á fleiri en oss. Hún skemmdi þó eigi hátíðina sjálfa:
Á Ásláki á árshátíð
ei bar krúttið hæst.
Vona jeg að verði fátíð
vopnin sýkla næst.
(Ég má ekki segja hvað mest stendur upp úr,
svo máske ég sný út úr síðasta lið).
Tróna' ekki urtir og ýmisleg strúktúr
enn uppúr jörðinni? Því býst ég við...
Ekki veit ég hvort þessi útúrdúr stenst reglur hagyrðingamóta, en þar sem ég stjórna er mér alveg sama.
Lýsið nú Gestapó í stuttu máli.
Alldrei það er ósköp kalt
undarlegt hvað það er svalt
frábært og frumlega snjallt
finnst mér að þar með sé allt.
Laumuefnið var það sem stendur uppúr á árinu. Því miður er Offari í svartsýniskasti núna og því stendur uppúr hjá honum það sem miður fór núna. Fyrirgefið þessi þunglyndis kvæði mín í kvöld vonandi verður bjartara yfir hjá mér næst.
Ömurlegt var árið
ónýt heilsan fór.
Seint mun lagast sárið
og seðlaeklan stór.
Hef samt ennþá hárið
haus minn er enn frjór.
Tendra mér við tárið
og teiga ennþá bjór.
Atburður sumarsins einn upp úr stendur
Arnarvatnsheiðar ég kannaði lendur.
Árshátið Gestapó gleðistund mesta,
gleðistund fyrradags tel ég þó besta.