Mánans dagur bifast blítt
býður fagrar sættir
Slánans hagur lifnar lítt
líða magrar vættir

Böndin sléttu hafa hér
hamið daga mánans.
Löndin nettu sveipar sér
sólin daga fánans.

Það er nú meira bullið að vera að skipta um fréttastef hjá RÚV.

Stefin gömlu stemninguna skapa.
Sterkt er minnið sem að upp þau vekja.
En það er svona þegar angurgapa
þykir mál að breyta. En sú frekja!

Sit hér, það er konjaks-kvöld,
kláravínið drekk.
Nú er komin önnur öld,
útborgun ég fékk.

Limru þessa samdi ég fyrir misskilning (hvað sem það þýðir) rétt í þessu:

indæl er skötunnar angan
og yljar mér daginn þann langan
fer þrautum að linna
og þvogla ég minna
því þjáist af skorti á mangan*

* Íslenska orðið yfir frumefnið Mn

Ástar naut ég oft og tíðum,
uns að þraut mig líkamskraft.
-Gjarnan tróð ég göndli síðum
gegnum blóðugt meyjarhaft.

GOD OF OURKNOWN OFOLD.
LORD OFOUR FAR-FLUNG BATLE-LINE
BENEATH WOHSE OWFUL HAND WE HOLD
DOMINION OVER PALM AND PINE---
LORD GOD OF HOSTSBE WITH YET.
LEST WEFORGET---LESTWE FORGET!

Eftirfarandi vísa er samin með inspirasjón frá þessari stórkostlegu vísu:

svanna fá að sofa hjá
sú er þráin mest
(og minna áa) - alltaf má
öðru slá á frest

Fækkar árum, förlast sýn,
flest vill ama ljá’mér;
týnast hár og töggur dvín
í tillanum framan á’mér.

villta sauði vel má fá
á vinstristefnukveldi
gamlir úlfar ætla á stjá
undir grænum feldi

Lífsför mín er góð og greið,
gerist fátt til tafar.
Ævin ber mig alla leið
að endingu til grafar.

Skaufa í munn og skaft í botni
skildist að hún vildi aðeins
Heldur ég með hangi drottni
en hlusta á Guðbjörgu Kolbeins

Enga vísu á ég nú í innra minni.
Á harða diskinn held í sinni,
hugsa þar að ljóð ég finni.

Ullargoði, eðalskáldið,
á nú rafmæli í dag.
Honum því ég hampa dáldið,
hendi saman þessum brag.

Þakka vil ég þetta pár,
það mun deyfa trega.
Flóir út um augu tár,
alveg svakalega.

Skáldmæltur hann ætíð er
í öllu vísnahnoði
Brúkar mynd af Baudelaire
breyttur Ullargoði.

Þessum fína þræði oft ég gleymi
Þolir ekki meira hausinn minn?
Verst af öllu væri þó í heimi
verði ég að taka minna inn.

HÉR ER GOTT AÐ DVELJA STUTTA STUND
STÆRA SIG AF VERKUM LIÐNA DAGSINS.
EIGA GLEÐI ÁST OG FAGRAN FUND
FÆRAST AÐ Í BYRTU SÓLAR LAGSINS.