-Mér varð litið yfir umræðuflokkana á Gestapó, ég sakna umræðuvetvangs fyrir heimsendaspámenn, draugabana, spámiðla, andalækna, og álfasjáendur -Er ekki hægt að særa fram slíkan vetvang?

Ég sakna mun meira vettvangs fyrir okkur aðdáendur bókanna um Prins Valíant. Þar var nú ekki verið teygja lopann endalaust að hætti Harry Potter.
Hinn þögli meirihluti íslenskra karlmanna heimtar umræðuvettvang um Valíant. Auk þess held ég að það félli í betri jarðveg hjá biskupi, þýðandinn var jú kirkjunnar maður. ‹Starir þegjandi út í loftið›

Prins Valíant var afar skemmtilegur, þ.e. sögurnar ekki hann. Valíant sjálfur var nú bara svona dæmigerð flatneskjuleg hetja. Sir Gawain var hins vegar skemmtilegur o seisei. Svo voru þær svo listavel teiknaðar og með sögulegu ívafi, þó tímaskyni Hal Fosters hefði verið ábátavant.

Og hver man ekki eftir bjánalegu prins Valíant pottagreiðslunni. Frábært.

Ég sakna hans hinsvegar ekki vitund, það eina sem þessir heimsendaspámenn gerðu var að bera út ódýran lýðsskrum hvert sem leið þeirra lá.
Hvimleitt.

Rauðbjörn, heimsendir er ekki ódýrt lýðsskrum heldur staðreynd. Skoðum nokkur atriði:

1. Það er stjarn- og stærðfræðileg staðreynd að á þessa okkar jörð mun rekast loftsteinn. Það hefur gerst áður, mun gerast aftur. Þótt kvikmyndin Armageddon hafi verið óttalegt rusl og væmin della þá var rétt sú ábending forstj. NASA (leikinn af Billy Bob Thornton) að loftsteinn á stærð við Texas væri Global-Killer, þ.e. myndi drepa allt líf á jörðinni.

2. Hvað er langt þar til sólin okkar klárar eldsneyti sitt, þenst út og gleypir jörðina? Það er vitað að það mun gerast. Og ég efast um að við munum lifa það af?

3. Hefur verið sannað að alheimurinn geti þanist endalaust út? Ef ekki, þýðir það ekki að hann mun á endanum falla saman?

4. Heimurinn er óstöðugur og tíminn helsta breyta óstöðugleika hans. Við vitum að efni og orka alheimsins er takmörkuð. Það væri fáránlegt að ímynda sér að tíminn væri ótakmarkaður. Miklu líklegra er að tíminn sé takmarkaður rétt eins og hitt tvennt. Og þá er alltaf að minnka það sem eftir er af honum.

5. Í biblíunni er spáð fyrir um að HANN muni stíga niður til jarðar Á EFSTA DEGI til að dæma lifendur og dauða. Ef HANN er yfirhöfuð til þá hlýtur hann að gera þetta því annars er spádómurinn markleysa. Og ef spádómurinn er markleysa þá er biblían öll markleysa.

6. Í norrænni goðafræði er líka gert ráð fyrir heimsendi. Þar farast Óðinn, Þór og fleiri góðir kappar. Þar sem Óðinn er hinn almáttugi Ás þá jafngildir það að Óðinn sé étinn af Fenrisúlfi því í kristnum trúarbrögðum að Guð væri étinn af Satan. Má ekki segja að það sé heimsendir ef Guð almáttugur er étinn upp til agna?

7. Ég þarf varla að taka fram allt sem hefur verið skrifað um sjálfseyðingarhvöt mannkyns, kjarnorkuvá og fallvaltleika heimsvelda. Allt frá því blessaðir Faróarnir ríktu suður í Egyptalandi og Alexander mikli lagði Persíu undir sig til Napoleons, Hitlers, kommúnsimans, kapítalsimans, Séð og heyrt væðingarinnar o.s.frv. Allt er þetta fallvalt. Það kemur og það fer. Við höfum þegar byggt vopn sem duga til að sprengja jörðina nokkrum sinnum í klessu. Hver veit hvernig staðan verður eftir hundrað ár. Verða komin enn öflugari vopn e.t.v í hendurnar á liði sem lætur drauma um 1000 ára ríki og alræði öreiga hljóma eins og eitthvað létt og skemmtilegt? Og ég vil benda á að nú þegar er alltaf hætta á slysum, mistökum, hryðjuverkum og mengun vegna tæringar og nagi tímans tannar. Varðandi mistökin og hryðjuverkin vil ég í því sambandi benda á stórmyndina Dr. Strangelove og nýlega mynd sem hét Fail Safe ef ég man rétt. Einnig kafbátamynd með Gene Hackman og Denzel Washington; Crimson tides minnir mig að hún hafi heitið.

8. Alls staðar í kringum okkur eru vísbendingar um að komið sé að leiðarlokum. Maður þarf bara að hafa augun opin. Sumir telja að veðrið sé að breytast og merkja það af hlýnun, flóðum og bráðnun jökla. Aðrir sjá vísbendingar í því hvernig völd í fjármálalífinu safnast á fáar hendur. En aðrir sjá aðrar vísbendingar. Hér eru nokkrar frá því í dag af vef mbl.is:
"Alpay kennir Beckham um ófarir sínar. Erítrea tekur við „dauðaskipinu". Skeljungsránið í Lækjargötu telst nú upplýst.". Maður sér ekki strax samhengið, en svo rennur upp fyrir manni ljós. Saudi-Arabar vildu ekki taka við dauðaskipinu vegna ótta um smit í sauðfé. Saudi-arabar eru Islamskrar trúar og það eru tyrkir líka. Ástralir eru hluti breska heimsveldins. Með því að neita móttöku á skipinu eru Islamskir að gera lítið úr bretum. Í rauninni að kalla breskt sauðfé pestargemlinga. Og hver er þekktasti bretinn í dag? David Beckham! Tengslin við Skeljungsránið eru síðan augljós. Saudi-Arabar framleiða olíu. Það var olíufélag, Skeljungur, sem var rænt. Nú fá þjófanir makleg málagjöld fyrir sín vondu verk, rétt eins og Alpay fær sín maklegu málagjöld fyrir að veitast að Beckham í leiknum. Þetta er e.t.v. ekki alveg augljóst, en ef maður staldrar við og hugsar smá þá getur maður dregið línu milli punktanna.

Með kveðju.
Voff

voff er snillingur og með næmt lyktarskyn

Rannsókn vor á laumapúkaþráðum er loksins að skila einhverju áþreifanlegu nær tveimur mánuðum eftir að hún hófst.

Þið eruð öll hálfvitar að vera að skrifa í þennan þráð... HAHAHA! Beygið ykkur undir mitt ægisvald og ég skal veita ykkur sársaukalausan dauðdaga!

Hvernig var þetta?

Ég er ósammála að hluta en sammála að mörgu leiti, en hvað um það...skál fyrir laumupúkum

‹vaknar › Ha já ... Einmitt ... Skál!

SKÁL !... ‹... fyrir vísindalegum athugunum á laumapúkaþráðum›

Kanarnir muna enda heiminn, þeir munu finna út að allir sem eru ekki kanar eri hryðjuverkamenn og drepa þá alla, með efnavopnum og öðrum eins vopnum MEGI KANARNIR FALLA!!! Og Skál með íslensku kóbaltvatni