Takk, takk. Hrifningin tók af mér öll völd, ég óttaðist að þau hin hefðu ekki verið jafn ánægð, en þau samþykktu hvert orð, þessar elskur.

Reyndar má líka búast við gagnrýni frá Mús-Lí og Mosu frænku á næstunni, vonandi eftir helgi. ‹já, tuskist þið til að fara að skrifa, stelpur!›

Það var hlaupin ákveðin lágdeyða í tælenska matargeirann áður en Krúa Thai sneri hlutunum til betri vegar. Verð höfðu verið að hækka, Íslenskir viðskiptafræðingabjálfar að taka við virðulegum fjölsyldustöðum og eyðileggja o.s.frv. Krua Thai bjargaði málunum með eftirminnilegum hætti. Enda sýnist mér þeir hafa stolið nokkrum frá Núðluhúsinu í eldhúsið. Sá staður er reyndar enn ágætur en of dýr.

Við reyndum aftur að fara á Hamborgarabúlluna, en komumst ekki inn fyrir troðningi. Kunnum samt ekki við að fara á Krúa Thai aftur, enda förum við aldrei tvisvar í röð á sama staðinni - og reyndar sjaldan oftar en einu sinni á nokkurn stað, nema við séum því ánægðari.

Hvaða hamborgarabúllu áttu við? Grillhúsið? Er það ekki nafn þess annars?

Samt væri þess virði að fara aftur á Krúa Thai til að bragða hinar réttir. Karri var ekki með í hádegistilboðinu um daginn. Ekki að nefna súpu, sem er, held ég, aldrei á tilboð.

Fyndið þú skyldir nefna Grillhúsið, Hakuchi ....

Nei ég held að súpa sé aldrei á tilboði hjá þeim. Hef reyndar aldrei smakkað súpuna þeirra. Vissi reynar ekki að súpa væri á boðstólnum. Þetta þarf að athuga betur.

Nei, Hamborgarabúlluna á Geirsgötu. Tommi Tommaborgari er búinn að opna í pínulitla húsinu þar á horninu. Það var þarna sjoppa eða kaffivagn í den, húsið er mjög undarlegt í laginu og með turn...man ekki hvað þetta hét áður.

Núúúu já það. Er sem sagt búið að opna þar. Sá fyrir skömmu að verið væri að vinna í þessu skemmtilega furðulega húsi.

Mér hefur ávallt fundist arkítektúr hússins gefa til kynna að ísbúð henti því best, verst að staðsetningin er ekki góð fyrir svoleiðis fyrirtæki.

Maður verður nú samt að kíkja þangað við tækifæri.

Búðu þig undir átök. Einungis hraustmenni og garpar komast að í troðningnum þar í hádeginu. En þú ert náttúrulega hávaxinn og stæltur, svo þú ættir auðveldlega að geta rutt þér leið...kannski þú ættir að láta mig og stöllur mínar vita, svo við getum smeygt okkur inn á eftir þér. Hann Þöngull er enginn bógur til að standa í svoleiðis stórræðum, því miður.

Nú drekk ég kóka kóla.

Kaffi, eins og venjulega. Hef ég nefnt að ég nota líka mikla mjólk?

Var að ljúka við hálfs lítra kókflösku, sem ég er búinn að vera að lepja úr seinustu tvo tímana. Það var orðið hálf volgt í restina. Best að fara að hunskast heim.

Mjólk!

Rauðvín.

Svart kaffi.

Kaffi með mjólk og Canderel. (Verð að hafa sætubragð).

Ég er ekki að drekka neitt. Best að bæta úr því.

Það tókst. Nú drekk ég kók og snæði kókosbollu með.