— GESTAPÓ —
Picard setning hin meiri
» Gestapó   » Vísindaakademía Baggalúts
 • Svara • Vitna í •  Senda skilaboð Senda póst
Kóvasevítsj 13/1/05 22:59

Nú vitum vér hve tvinnfallagreining er meðlimum Vísindaakademíunnar hugleikin. Í gær vorum vér einu sinni sem oftar að velta því merka sviði stærðfræðinnar fyrir oss, þegar vér rákumst á reglu er nefnist Picard setning hin meiri.

Sú setning gengur í stórum dráttum út á það að nálægt verulegum sérstöðupunktum tekur fall sérhverja tölu óendanlega oft sem gildi hversu nálægt sérstöðupunktinum einangraða sem vera skal.

En nú er það stóra spurningin. Hverning komst þessi þekking frá Jean-Luc Picard til dagsins í dag? Flestum er kunnugt hve vasklega Picard stýrði fleyi sínu Enterprise á árabilinu 2364-2370, en jafnvel þá voru tímaferðalög oss dauðlegum mönnum vart töm. Þá höfum vér eigi rekist á neinar nothæfar tímavélar í nánasta umhverfi voru nú á dögum.

Oss þætti því afar vænt um að Vísindaakademían sæi sér fært að greiða úr þeirri hugsanaflækju er vér höfum komið oss í. ‹Starir þegjandi út í loftið›

 • Svara • Vitna í •  Senda skilaboð Senda póst
Steinríkur 13/1/05 23:24

Tímaferðalög voru alltaf að koma fyrir hjá þessum gaurum. Ein af Star Trek myndunum gerðist á miðjum 9. áratug síðustu aldar.

Ég hef hins vegar meiri áhuga á að komast að því hvernig þöngulhausnum Hómer Simpson datt þetta í hug:
http://mathworld.wolfram.com/SimpsonsRule.html

 • Svara • Vitna í •  Senda skilaboð Senda póst
Kóvasevítsj 14/1/05 12:40

Hvernig getur oss svo mjög dulist hið augljósa? Að sjálfsögðu hljóta að vera einhverjar leiðir að koma upplýsingum frá 24. öldinni til þeirrar 21. Eða hvernig hefðum vér annars getað fengið vikulegar fregnir af ferðum Picards og félaga á geimskipinu Enterprise birtar á sjónvarpsstöðinni Sýn um árabil?

Það er nokkuð ljóst að ef frásagnir af ævintýrum og hetjudáðum afkomenda vorra á 24. öldinni eiga greiða leið til nútímans, hlýtur það sama að gilda um stærðfræðileg sannindi.

 • Svara • Vitna í •  Senda skilaboð Senda póst
Kuggz 14/1/05 14:30

Þetta byggir á kenningu óþekkts útvarpsþuls um "tímalausa klassík".

 • Svara • Vitna í •  Senda skilaboð Senda póst
Þarfagreinir 14/1/05 14:49

Í þessu sambandi ber að benda á merka tímamótatilraun á þessu sviði sem framkvæmd var í fyrra.

Hér má finna upptöku af tilrauninni.

Greifinn af Þarfaþingi • Fullur símamálaráðherra • Yfiryfirheyrslumeistari Rannsóknarréttar Skoffínsins • Sjálfskipaður últraséntilmaður og öðlingur
 • Svara • Vitna í •  Senda skilaboð Senda póst
Hermir 18/1/05 10:52

Er búið að hrekja "Picard setningu hina minni"?

 • Svara • Vitna í •  Senda skilaboð Senda póst
Gvendur Skrítni 18/1/05 12:53

Hermir mælti:

Er búið að hrekja "Picard setningu hina minni"?

Nei síðast þegar ég vissi var Picard setningin hin minni í fullu gildi. Hún hljóðar svona.
"Aach, fiddlesticks, here come the Klingons!"

~~ ÞETTA SVÆÐI TIL LEIGU ~~ •  • X - Gvendur 2015!
 • Svara • Vitna í •  Senda skilaboð Senda póst
Kóvasevítsj 18/1/05 14:52

Hermir mælti:

Er búið að hrekja "Picard setningu hina minni"?

Nei, samkvæmt vorri bestu vitund er hún í fullu gildi. Hún kveður á um að ef fall f(z) er heilt og ekki fasti, er varpmengi þess annað hvort öll tvinntalnasléttan eða öll tvinntalnasléttan að undanskildum einum punkti.

Vér gætum jafnvel trúað að hún væri nokkurs konar grunnur fyrir Picard setningu hina meiri, þó vér höfum enn ekki lesið sönnun hennar. Hún ku víst vera með þeim flóknari.

 • Svara • Vitna í •  Senda skilaboð Senda póst
Hóras 18/1/05 17:25

Tvinnfallagreining er verk Djöfulsins

Hann biður að heilsa

Eigandi einnar af níu sálum Tigru • Eigandi Armani spennutreyju • Fjölmiðlaráðherra • Heilagur Ári Hreintrúarflokksins • Ekki hamstur
 • Svara • Vitna í •  Senda skilaboð Senda póst
Kóvasevítsj 18/1/05 18:28

Oss er eigi kunnugt um nokkra Setningu Satans, þó vera kunni að slík setning sé til.

‹Hugsar með sér um hvað slík setning gæti eiginlega snúist.›

 • Svara • Vitna í •  Senda skilaboð Senda póst
Hermir 19/1/05 10:39

Sonur Satans er til (sem hugtak). En Setning Satans... nei líklega ekki.

"Hermis setning hin mikla" hljómar nú ágætlega.

 • Svara • Vitna í •  Senda skilaboð Senda póst
voff 27/1/05 11:20

Þegar maður veltir fyrir sér ritunartíma Biblíunnar þá finnst manni skrítið að Abel sá sem Kain drap vegna þess að Guð hafði meiri velþóknun á fórnargjöf Abels til sín hafi verið kominn jafn langt áleiðis í stærðfræði og raun ber vitni. En þetta er samt staðreynd: http://mathworld.wolfram.com/AbelsCurveTheorem.html

Throughout your life advance daily, becoming more skillful than yesterday, more skillful than today. This is never-ending.
 • Svara • Vitna í •  Senda skilaboð Senda póst
Kóvasevítsj 27/1/05 15:08

Ótrúlegt! Þetta kollvarpar öllum fyrri hugmyndum um að örsmæðareikningurinn hafi þróast í Evrópu á síðari hluta 17. aldar fyrir tilstuðlan manna á borð við Newton og Leibniz.

 • Svara • Vitna í •  Senda skilaboð Senda póst
Limbri 27/1/05 15:18

Kovacevich mælti:

Ótrúlegt! Þetta kollvarpar öllum fyrri hugmyndum um að örsmæðareikningurinn hafi þróast í Evrópu á síðari hluta 17. aldar fyrir tilstuðlan manna á borð við Newton og Leibniz.

... og Limbra.

-

Þorpsbúi -
GESTUR
 • Svara • Vitna í • 
Úlfamaðurinn 25/5/06 23:52

Úlfaskilningarvit mín segja mér að tímavélar hafi verið notaðar svo lengi sem þær hafi verið notaðar. Ég á fimm bækur sem allar fjalla um notkun tímavéla á 20. öld. Þær voru allar misheppnaðar að því leytinu til að þeir sem notuðu þær gátu flutt sig fram og aftur um tímann, en taugakerfið vildi soðna í leiðinni. Fullkomin tímavél er engu að síður til en hún er einungis fullkomin að því leytinu til að hún er örugg. Því er allt tal um að tímavélar hafi aldrei verið prófaðar tómt bull. Sú staðreynd að við getum hugsað orðið ´tímavél´upphátt sannar tilvist tímavéla að einhverju leyti, a.m.k. sem hugforma,
Á öðrum hnetti er vitneskja um tímavél deild með hugum allra sem á hnettinum búa. Einn hugsar tímavélina í þegjandi hljóði, hinir taka á móti hugsunum viðkomandi, og fara svo að framleiða tímavélina eða mismunandi hluta í henni til að setja saman allt eftir því hvar á hnettinum þeir eru staddir. Á öðrum hnetti yrði hugtak eins og tímavél skilið samstundis án frekari skýringa eða vangaveltna því allt er hugsað í myndum og mögulegt þar af leiðandi að sjá myndirnar eða ´lesa hugsanir´hins aðilans. Þannig förum við að því að senda hugsanir okkar til baka þegar við hugsum til baka og til framtíðarinnar þegar við hugsum fram. Með því sönnum við að við getum notað hugann sem tímavél, og það mjög öfluga ef við kunnum að gera það rétt.

k.k.

matrixs@mi.is

 • Svara • Vitna í •  Senda skilaboð Senda póst
Úlfamaðurinn 30/5/06 13:07

Halló,

Kæru Vinir,

Ég er að semja drullu góðann póst um Star Trek, Picard og félaga. Vona að ég móðgi engann, ég veit ekki hvort pósturinn komist á síðuna, en ég veit að Star Trek aðdáendur kynnu að verða mér reiðir þegar þeir sjá póstinn flakka,

kær kveðja,

Úlfamaðurinn,

matrixs@mi.is

 • Svara • Vitna í •  Senda skilaboð Senda póst
Úlfamaðurinn 31/5/06 15:32

Picard Setning hin minni;

´KÆRU SKIPVERJAR ENTREPRISE, ÉG UNDIRRITAÐUR JEAN LUC PICARD TILKYNNI HÉR MEÐ UPPSÖGN. ÉG ER KOMINN MEÐ NÝJA FARTÖLVU INNANBORÐS Í SKIPIÐ MITT, HÚN HEITIR HAL. HLJÓMAR SOLDIÐ EINS OG ISAC HALIM AL, GAMALT NAFN FRÁ 20. ÖLD SEM VAR ALDREI SKRÁÐ Í GESTABÓKINA OKKAR EINHVERRA HLUTA VEGNA. HINS VEGAR VAR SKRÁÐ NAFN SEM HÉT SOPHIA HANSEN, EN AFTUR Á MÓTI ÁKVÁÐU RÓMÚLARARNIR AÐ HÆTTA AÐ NEMA HANA Á BROTT ÞEGAR ÞEIR KOMUST AÐ ÞVÍ AÐ SIGURÐUR PÉTUR HARÐARSON VÆRI MUN ÁHUGAVERÐARA VIÐFANGSEFNI´,

Stuttu síðar fannst U.S.S. Enterprize á reiki einhvers staðar í geimnum. Að sögn hafði lítið Borg geimskip rekist á Enterprize með borgara að nafni Halim Al innanborðs. Borgarinn drap alla áhafnameðlimi Enterprise, og lét Hal sjá um afganginn, þ.m.t. afganginn af Jean Luc Picard. Að sögn halda helstu handritastjórar Hollywood atburðinum leyndum og fá 40 milljarða á ári til þess. Besta leiðin til þess að viðhalda yfirhylmingunni er að láta líta út eins og að allir karakterarnir í Enterprize séu ennþá á lífi og að Sigurður Pétur sé ennþá með útvarpsþátt.

matrixs@mi.is

 • Svara • Vitna í •  Senda skilaboð Senda póst
Úlfamaðurinn 31/5/06 15:32

Picard Setning hin minni;

´KÆRU SKIPVERJAR ENTREPRISE, ÉG UNDIRRITAÐUR JEAN LUC PICARD TILKYNNI HÉR MEÐ UPPSÖGN. ÉG ER KOMINN MEÐ NÝJA FARTÖLVU INNANBORÐS Í SKIPIÐ MITT, HÚN HEITIR HAL. HLJÓMAR SOLDIÐ EINS OG ISAC HALIM AL, GAMALT NAFN FRÁ 20. ÖLD SEM VAR ALDREI SKRÁÐ Í GESTABÓKINA OKKAR EINHVERRA HLUTA VEGNA. HINS VEGAR VAR SKRÁÐ NAFN SEM HÉT SOPHIA HANSEN, EN AFTUR Á MÓTI ÁKVÁÐU RÓMÚLARARNIR AÐ HÆTTA AÐ NEMA HANA Á BROTT ÞEGAR ÞEIR KOMUST AÐ ÞVÍ AÐ SIGURÐUR PÉTUR HARÐARSON VÆRI MUN ÁHUGAVERÐARA VIÐFANGSEFNI´,

Stuttu síðar fannst U.S.S. Enterprize á reiki einhvers staðar í geimnum. Að sögn hafði lítið Borg geimskip rekist á Enterprize með borgara að nafni Halim Al innanborðs. Borgarinn drap alla áhafnameðlimi Enterprise, og lét Hal sjá um afganginn, þ.m.t. afganginn af Jean Luc Picard. Að sögn halda helstu handritastjórar Hollywood atburðinum leyndum og fá 40 milljarða á ári til þess. Besta leiðin til þess að viðhalda yfirhylmingunni er að láta líta út eins og að allir karakterarnir í Enterprize séu ennþá á lífi og að Sigurður Pétur sé ennþá með útvarpsþátt.

matrixs@mi.is

» Gestapó   » Vísindaakademía Baggalúts   » Hvað er nýtt?
Innskráning:
Viðurnefni:
Aðgangsorð: