Ég varð fyrir þeirri furðulegu lífsreynslu að könguló seig niður úr hári mínu um hádegisbilið í gær. Þetta var lítið kvikindi, hangandi á ósýnilegum þráð fyrir framan augun á mér. Ég drap hana. Síðar um kvöldið á veitingastaðnum Djúpsteiktur Kjúklingur frá Kentucky seig önnur könguló niður fyrir augu mín. Nú tek ég fram að ég bý ekki í fjósi og hef lítið samband haft við móður náttúru svo mánuðum skiptir.
Hvað er á seyði? Er ég að verða að einhvers konar kjörshíbýlavæði fyrir köngulær? Og þá af hverju?
Þetta hafa verið dordinglar.
Annað nafn á dordinglum er einmitt baggalútar, svo þetta hefur augljóslega verið fyrirboði um fæðingu erfingja Baggalútssamsteypunnar.
Í ljósi þess að dordinglarnir voru tveir, ætli geti verið að annar erfingi sé á leiðinni?