Mér dettur horn í hug:
Eru mörg á húsum hér > horn í húsi
haft er líka í bílum. > flauta
Á stórum skepnum ýmsum er > horn t.d. nauta
einnig litlum sílum. > hornsíli
Þótt horn og dekk séu líklegri, þá ætla ég að giska á skegg:
Eru mörg á húsum hér - skegg, þakskegg.
haft er líka í bílum. - veit ekki
Á stórum skepnum ýmsum er - skegg á geitum og mönnum til dæmis
einnig litlum sílum. - síli ýmissa þyrsklinga hafa skegg.
Að sjálfsögðu er þetta horn.
Rétt hjá útvarpstjóra , Grýtu og Ísak.
Í garðinum það munda má.
Menn í sporti flíka.
Kokkar halda oft því á.
Er í spilum líka.
Spaði?
Í garðinum það munda má = einhvers konar moldarspaði? eða spaði í merkingunni hönd?
Menn í sporti flíka. = tennisspaði
Kokkar halda oft því á. = spaði notaður t.d. sem áhald við steikingu
Er í spilum líka. = spilaspaði
Hérna þekkist há og lág.
Í hári kvenna stundum er.
Við vopnið góða gera má.
Góða sögu uppi ber.
Hérna þekkist há og lág. = Spenna á rafmagni
Í hári kvenna stundum er. = Hárspenna
Við vopnið góða gera má. = Spenna boga
Góða sögu uppi ber. = Spenna og eftirvænting.
Haganleg úr hári gerð.
Á hálendinu víða.
Í tafli þetta varast verð.
Veggi sést upp skríða.
Haganleg úr hári gerð. = Flétta
Á hálendinu víða. = Jurtirnar?
Í tafli þetta varast verð. = Leikflétta
Veggi sést upp skríða. = Bergflétta
Rétt.
Annað hvort ert þú svona klár eða gháturnar mínar
allt of léttar nema hvort tveggja sé.
Ath. lína tvö er Skeggflétta algeng í yfir 600 m hæð.
Í ávöxtum sem oft við borðum.
Einnig það í bæjum lít.
Sagt og ritað er með orðum.
Áburður sem nefna hlýt.
Hér er komin vesældarleg tilraun til að starta nýrri tegund af gátum. Hún er bæði verulega vond og trúlega alveg skítlétt, en vonandi viðleitninnar virði. Spurt er um fimm stafa orð. Í hverri línu dettur einn stafur framan af orðinu, uns tveir standa eftir.
Hengja menn sinn hatt þar á
hunds er lausn frá bandi.
Áður mátti ungdóm slá
í átján holu landi.