Um helgina mun ég yfirgefa þiðnaða freðmýrarskerið og eyða viku í að leita að jóðlurum, smekklausum smekkbuxum og gosbrunnum í ríki því er kennt er við Austur. Má jafnvel vera að ég haldi í smáreisu til tónveiðilenda Mozarts þar í næsta nágrenni. Kemur allt í ljós.

Vegna lítils tíma til netvafsturs og allmiklar líkur á takmörkuðu netsambandi mun ég lítið sjást og láta enn minna heyra í mér.

Af því leiðir að ég mun eigi geta sinnt spámennsku alla næstu viku nema að tilkomi afleysingaspámaður /kona sem myndi birta spárnar í réttri röð.

Afleysingastarfið er laust til umsóknar þangað til á morgun. Ef enginn kandídat finnst er einfaldlega lagt á spáfrí í viku.

Í ríki Austur rennur til
raungóður og glaður.
Finnur Mozart mæran eftilvil
magnaður sá halur.

‹Dæsir mæðulega og lítur út um gluggann›

Úbs Þarf ég þá að vera tillitsamur í heila viku?

Reyndu nú að ná svolítilli þjálfun í að binda mál áður en þú veður fram á ritvöllinn, góði.

Skemmtu þér vel í Austurríki, Bjúing minn. Þetta er fagurt land og byggt vænu og áhugaverðu fólki.

Skemmtu þér félagi... spáum íða...