Gjörsamlega mergjað...
‹sveiflar gengjamerki›

Svona voru sjónvarpsfréttirnar:

Andarnefja London leit.
Lítið Chelsea sóknin beit.
Mús í Fellaskóla skeit.
Skömm, hvað íslenskt mál er great.

Vændiskonur margar munu maka krókinn
(tel ég) með að taka í lókinn

Siðmenningu sæki í
suður fyrir landið vort
bruna gegnum bogin ský
bregð mér þvers um landakort
sæluvímu saga ort
sofa mun ég vært á ný
ráfa inn í ruslaport
rembist við að þylja pí
set þar niður ljúfan lort
já, loksins kemst ég heim í frí.
‹Fyllist tilhlökkun›

Barnamál - digital (ísl. stafræn) sippubönd óskast

gegt kúl, ýkt svo ógsla flott
alveg bilað flippið
ekki málið, meina nott!
meika ekki sippið.

Körlum hef ég kastað brott
konur bara skil ég.
Leiðist orðið typpatott
tussur bara vil ég.

Undarlegt er allt mitt kapp
upprifinn og flottur
upp á Skaga kallinn skrapp
yndislegar skottur

Vísur sem ég ætla að gefa frænku minni og vinkonu í afmælisgjöf. Ef þið hafið eitthvað út á hana að setja þá eru leiðbeiningar og athugasemdir vel þegnar.

Forréttindi finnast mér
Fá að eiga vin í þér
Njóta gæsku, góðvildar
Geðugt alltaf fá andsvar

Þú ert ljúfan, gull í gegn
Gott þú sérð í hverri fregn
Alltaf róleg, auðmjúk, mild
Ég stöðugt fagna þinni fylgd.

Ég þakka oft að þú sért til
Þekkja þig ég alltaf vil.
Þú gleði veitir, gefur ljós
góð og falleg, Linda Rós.

Þetta hljómar vel. Þar sem ég hef lítið sem ekkert að gera vil ég gera athugasemd við eitt.

Mér þykir orðið ég ekki bera höfuðstafinn vel í þessari línu:

Það krefur mann um að lesa ég með áherslu og skipta þannig allt í einu um hljóðfall. Það þykir þykir mér óþarfi þar sem vafalaust er hægt að skipta stöðugt út fyrir orð sem byrjar á sérhljóða (hvað með ætíð?)

Hins vegar er kannski umdeilt hvort fagna og fylgd valdi þarna aukastuðlun. Ég tel þó varla svo vera því bæði orðin standa í lágkveðu og geta því ekki borið stuðla.

Annars er þetta mjög gott.

Aha, takk Isak. Það voru akkúrat svona ummæli sem ég vildi fá.
Ég læt þetta ekki frá mér til hennar fyrr en ég er fullkomlega viss um að vísurnar séu þess virði. Þetta verður lagað í snarheitum.

Ég hugsa að flestir yrðu ánægðir að fá vísu að gjöf og eru fæstir að fetta fingur í það þó ekki sé alltaf rétt ort, ég get þó ekki séð betur en vel sé ort og vísurnar góðar. Athugasemd Ísaks á þó örugglega vel við en hann er mun fremri mér í vísnagerð.

Takk, en vísa dagsins afsannar þetta:

ritstjórn vor er giska glúró
gaman hafa þeir af júró
gunni og óli eru súró
en ekki magga (samt á túró)

Æ. það er orðið svo vorlegt allsstaðar. Svo eru þetta vísur en ekki bara ein vísa. Vonandi má það.

Þó að hverjum sýnist sitt,
sveitin verður betri
þegar kæra kotið mitt
kemur undan vetri.

Hrafnar allir hrökkva' í kút
og hlæja glaðir saman
þegar kemur kýrin út
kostuleg í framan.

Grösin fegnu eflaust öll
upp sig rifið gætu
er þau sjá um víðan völl
valsa heimasætu.

Vel kann Hildigunnur að banga saman bögu, en þó bera þær þess merki að hún sé fædd á þar síðustu öld og sé enn með hrífu í hendi. Hún er samt enn sérstaklega velkomin.

Margt vill efnahaginn hrjá,
herða sultaról ég má,
samt er vori sóað á
sveitir landsins okkar.
Þessu ráða fúlir bændaflokkar.

Sveitarómantíkin heldur áfram...

Lömbin sugu sætan drykk
sáru júgrin bitu
mjólk þau totta magaþykk
mýrarbrún af skitu.

Á blásvartann himininn hugfanginn leit
og horfði á skínandi götin
þá settist ég niður og skjálfandi skeit
og skeindi mér glaður í fötin.

Slegist var á úkraínska þinginu í tengslum við stjórnarskrárbreytingu.

Úkranskt þingið miðlar máli
miður, allt úr böndunum.
þarna mætir stálið stáli,
stýft er rætt með höndunum

Íslensku skáldin af andagift full
orðin á pappírinn skrifa
en þrátt fyrir atóm og alls konar bull
alltaf mun ferskeytlan lifa.