Og ein enn:
Alltaf finnst mér gott að fá´ða
ferðast títt um sjó og loft
í snjónum auðvelt er að sjá’ða,
á slíkt ungur fór ég oft.
Mér þykir Gríslingur vera ansi seigur að búa til vísnagátur... er þetta ekki örugglega frumsamið?
Far er rétt svar - og já ég sem þessar vísur sjálfur - og hér kemur ein í viðbót:
Í sjónvarpinu sést ég oft
spenntur er á mótum
í hljómsveit hafinn er á loft
með heljartak á fótum.
Bogi?
Í sjónvarpinu sést ég oft - Bogi fréttaþulur
spenntur er á mótum - í keppni í bogfimi
í hljómsveit hafinn er á loft - fiðlubogi
með heljartak á fótum. - gildra
Í sjónvarpinu sést ég oft
spenntur er á mótum
í hljómsveit hafinn er á loft
með heljartak á fótum.
Fínar gátur, vil þó benda á gnýstuðlareglur.
Ef við lítum aðeins fram hjá formsatriðunum í smá stund, var ágiskun ungfrú Júlíu rétt?
Einhvernveginn svona:
Út á velli snöggur snýst
snjall í sínu fagi
eins og skrugga fram hann skýst
skorar mörk í lagi.
þessi ætti kanski heima í mannanafnavísnagátudálkinum!
´
já fyrirgefðu Júlía - bogi er rétt -
það er ein á leiðinni - er ekki alveg búinn með hana
Eltist oft við bóndans fé
ekki sól - og þó,
kemur er ég koddan sé,
kynjadýr með kló.
Úlfur?
Eltist oft við bóndans fé - útlenskir úlfar plaga bændur
ekki sól - og þó, - hér er vísað í úlfinn sem eltir sólina skv. norrænni goðafræði
kemur er ég koddan sé, - kveldúlfur
kynjadýr með kló. - úlfur, seiseijá
Úlfur er rétt
í síðustu línunni er ég að hugsa um varúlf
takk fyrir
Bara sést ef björt er sól
bera dýrlingar
flesta aura fær um jól
stórfrétt uppi' á þar.
Baugur?
Bara sést ef björt er sól - rosabaugur um sólu
bera dýrlingar - geislabaugur
flesta aura fær um jól - Baugur græðir í jólavertíðinni
stórfrétt uppi' á þar. - Baugur; alltaf í fréttunum