Mikið agalega hlýt ég að vera vitlaus. Ég skil ekkert í því sem hér fer fram. Sennilega hefði ég átt að taka betur eftir í barnaskóla.
Virkilega ánægjulegt, Koeman. Ég held það væri rétt að tengja leikinn núna við hinn svokallaða „raunveruleika“.
Við höfum massa m=1kg sem er hengdur er neðan í gorm með gormstuðulinn k=16N/m. Í upphafi er gormurinn togaður niður um einn meter og honum síðan sleppt. Eftir 2 sekúntur er massinn sleginn leiftursnöggt með hamri sem gefur atlagið 4N∙s. Lýsið hvernig hreyfing kerfisins kemur til með að þróast.
(Vísbending: Samkvæmt upplýsingunum hér að ofan verður hreyfijafna kerfisins y'' + 16y = 4δ(t-2), y(0)=1, y'(0)=0, þar sem δ er deltafall Diracs.)
Les þráðinn. Ælir Hvað eruð þið að tala um? Mig grunar að hér sé verið að planleggja einhverskonar valdatöku eða byltingu.
Mig grunar að hér sé verið að planleggja einhverskonar valdatöku eða byltingu.
Eigi óttumst vjer það en það er hinsvegar að verða afar freistandi að stofna Hátæknivopnaþróunarstofnun Baggalútíu og ráða vissa aðila þar til starfa Ljómar upp og sjer fram á að auðveldara verði en áður að vinna að heimyfirráðum Baggalútíu.
Flöt jörð, slétt föt, hrein trú!
Þetta eru engar stærðfræðiþrautir, þetta eru bara stærðfræðidæmi.
Hér fáiði þraut:
Á þingi nokkru eru 2n þingmenn en enginn þeirra á fleiri en n-1 óvin. Sýnið að hægt er að raða þingmönnunum þannig í hring um hringborð að engir tveir óvinir sitji saman.
Ég veit ekki alveg hversu mikinn greinamun er mögulegt að gera milli stærðfræðiþrauta og -dæma. Ég vil að minnsta kosti meina að sú netafræði sem beita þarf í þínu dæmi sé alveg jafnmikil stærðfræði og öll önnur. En nóg um það, snúum okkur að lausn þess.
Lítum á hvern þingmann, v_i, i=1,..,2n sem hnút í neti. Ef i er slétt tala látum við v_i tengjast v_i+2,v_i+4,...,v_2n,v_2,...,v_i-2. Ef i er oddatala látum við v_i tengjast v_i+2,v_i+4,...,v_2n-1,v_1,...,v_i-2 sem samtals eru n-1 hnútar, sérhver hnútur er því af gráðu n-1 (þetta gildir líka um sléttu tölurnar). Við sjáum að þeir hnútar sem hafa oddatölu-index tengjast aldrei hnútum með sléttrartölu-index[*]. Þá vitum við einnig að 2n er slétt tala svo mögulegt er að raða til borðs þannig að sléttar tölur og oddatölur skiptast alltaf á. Sem við og gerum og getum því búist við vinsamlegum samskiptum þetta kvöldið.
[*] Sléttar tölur má skrifa n=2k, ef við leggjum eitthvert heilt margfeldi af tveimur við hana verður hún líka slétt enda 2k+2j=2(k+j). Á sama hátt má sjá að útkoman er alltaf oddatala sé heilt margfeldi af tveimur lagt við oddatölu.
Sko, þraut er eitthvað sem maður á að geta gert án þess að hafa lært það í skóla.
Hmmm... áhugaverð skilgreining. Var þetta annars fullnægjandi svar hjá mér?
Örugglega. Ég skil ekki bofs í henni. Kom þú nú með eitthvað safaríkt. Hvort ertu að læra stærðfræði eða eðlisfræði, annars?
Verkfræði reyndar, þetta er svona afbrigðilegt áhugamál hjá mér, eins og öll mín áhugamál reyndar. Starir þegjandi út í loftið
Ég verð að viðurkenna að ég á í stökustu vandræðum með að koma með eitthvað safaríkt sem menn ættu að geta án þess að hafa lært það í skóla. Starir enn meira þegjandi út í loftið
Hvað ert þú að læra netafræði ef þú ert í verkfræði? Er það standard practice?
Nei, hún er úr einhverju stærðfræði-, tölvunarfræðidóti sem ég tók einhvern tímann til gamans.
Kæri félagi, áhugamaður um stærðfræðiþrautir, Kóvasevítsj. Mér þætti vænt um að fá að vita úr hvaða átt hamarshöggið kemur þar sem það hefur mikil áhrif á niðurstöðuna.Roðnar óstjórnlega og borar annarri stórutánni ofan í gólfið
Sko, þraut er eitthvað sem maður á að geta gert án þess að hafa lært það í skóla.
Hvernig væri þá þessi þraut: Helltu vatni í glas sem er 10 sentimetrar á hæð og með 5 sentimetra radíus. Fylltu glasið til hálfs. Helltu svo því vatni í annað glas sem er 20 sentimetrar á hæð en með 3 sentimetra radíus. Hver þessara fullyrðinga er sönn?
a) Það er meira í fyrra glasinu en verður í seinna glasinu
b) Það er meira í seinna glasinu en var í fyrra glasinu
c) Það er jafn mikið vatn í glösunum tveimur (á hvorum tíma fyrir sig)
Þessi þraut er þekkt fyrir að vera leysanleg af u.þ.b. fjögurra ára börnum, þ.e. áður en skólaganga hefst.
b Ath. samt ekki x-B.
Fjögurra ára börnum? Ég vissi ekki einu sinni hvað radíus er þegar ég var það ung.