Horfir aðdáunaraugum á Júlíu sína
Andvarpar ánægjulega
Vei þér sem heldur að þú getir þríöxlunarstillt hinn línulega veruleika sem tíminn bíður mér!
Ég kúka á lognið í samfellunni þinni sem búa til vindstig í minni eigin!
Vei þér sem heldur að þú getir þríöxlunarstillt hinn línulega veruleika sem tíminn bíður mér!
Það var heldur aldrei ætlunin, vjer ætlum oss að fjóröxlunarstilla hinn línulega veruleika enda tíminn fjórða víddin.
Þeir eru nú ekki alveg í nútímanum á VH1 eins og er...
Ég hef sjálfa mig grunaða um að nota tímavél í tíma og ótíma (ef svo má að orði komast). Það er ekki einleikið hvað ég er alltaf ungleg. Hörund mitt er eins og nýútsprungin rós, hrukkulaust með öllu, rétt eins og það hefur alltaf verið. Hið fagra og mikla hár mitt er sömuleiðs rétt eins litfagurt og lifandi og það hefur alltaf verið, örlar ekki fyrir gráum illhærum. Hið eina sem er til marks um aukinn aldur minn er sívaxandi viska mín og þroski, sem og síþykknandi bankabókasafn.
Fannst réttast að játa þetta fyrir yður, kæri forseti.
Tekur andköf
Hvað ertu eiginlega gömul??
Ég hélt að maður væri ekki þakklátur fyrir að hafa engar hrukkur eða grá hár fyrr en maður væri orðin.. eh.. allavega sjötugur!
Annars fá tígrisdýr ekki hrukkur svo að ég þarf engar áhyggjur að hafa af þeim. Er ekki alveg með þetta á hreinu hjá ykkur mannfólkinu.
Ég hef grun um að ritstjórn hafi beitt notkun tímavélar. Hvernig vissi Enter, sem dæmi, að Gestapóar þyrftu nauðsynlega á teningum að halda?
Það getur líka verið öfugt, að einhverjir gestir hafi skroppið aftur í tímann og sagt Enter hvenær þörf yrði fyrir teninga. Sje það tilfellið förum vjer hjer með formlega fram á að þeir gestir er um ræðir gefi sig fram hjer.
Varðandi tímavjelaverksmiðju er nefnd var er það reynsla vor að flestar tímavjelar annaðhvort virka ekki eða eru svikin vara. Þær sem virka eru síðan afar flóknar í notkun, oss hefur enn ekki tekist að ferðast um nema 8 mínútur í tímavjel vorri er oss áskotnaðist á háleynilegan hátt fyrir nokkrum vikum. Reyndar erum vjer einungis búnir að lesa rúmar 18000 blaðsíður (þ.e. rúman fjórðung) í handbókunum er fylgja henni þannig að e.t.v. mun betri árangur nást síðar.
Rógburður! Allar tímavélarnar mínar hafa fengið gæðastimpil frá æðstastrumpsembættinu!
Tekur andköf
Hvað ertu eiginlega gömul??
Eins og snillingurinn Hilmar Harðjaxl sagði réttilega á sínum tíma: 'Dama gefur ekki upp aldur sinn'.
Ah.. ég skil.
Nú skil ég afhverju ég er aldrei titluð sem dama
Verður niðurlút
..eða kannski er það vegna þess að ég er tígrisdýr..
Tekur andköf
Hvað ertu eiginlega gömul??
Eins og snillingurinn Hilmar Harðjaxl sagði réttilega á sínum tíma: 'Dama gefur ekki upp aldur sinn'.
Dularfullt... oss tókst á afar einfaldan hátt að komast að því að þjer verðið brátt eins og hálfs árs. Bendir það eindregið til notkunar tímavjela Starir þegjandi út í loftið.
"Gefur sig fram"
Áðan sá ég mann á eldgömlum leit eitís/örlí næntís Nissan bíl og hann var í snjóþvegnum gallabuxum.
Það er ekki fræðilegur möguleiki á öðru en að þessi maður hafi notast við tímavél því að Nissan bílar verða ekki meira en 6-7 ára og ryðga niður í duft eftir þann tíma.
Þarna hefurðu séð fræga film-stjörnu; þann mæta mann sem lék í sjónvarpsþáttunum um Jake (þann er þú sást) og feita manninn (sem er nú látinn, eða í það minnsta hundur hans, sem einnig var í góðum holdum). Enginn annar núlifandi maður á snjóþvegnar gallabuxur, og er það vel.
Heeeyy gott ef ekki er. Þetta var Kobbi úr Kobba og feita manninum!
Nei hægan nú, keyrði hann ekki á Ford? Leiðin hefur greinilega legið niður á við eftir að hann flutti frá Honolúlú til Reykjavíkur. Að sama skapi efast ég um að það sé mikið að gera í spæjarabísnessinum.
Það var á Hawaii. Það er óhentugt að flytja gamla bíla milli heimsálfa, svo hann hefur keypt notaðan Nissan hjá Guðfinni.
Enn og aftur segi ég að ef ég ætti tímavél væri ég viðstaddur eigin jarðaför. Síðan mundi ég gerast ofurölvi og láta henda mér út fyrir að segja að karlinn í kistunni hafi verið bölvaður aumingi og lúser.
Og vera þarmeð kastað úr eigin jarðaför... þvílík snilld!
Hmm... Hawaii, Honolulu og gamlir bílar Reynir að átta sig á samhenginu, gengur illa og finnst það ótvírætt merki um tímavjel
En ætli einhver hafi rekist á oss einhversstaðar þar sem vjer höfum eigi verið, sjer í lagi á öðrum aldri (og þá væntanlega eldri) en vjer erum á núna ? Það væru góðar frjettir og ótvírætt merki um vel heppnaða notkun tímavjelar hjá oss í framtíðinni Ljómar upp við tilhugsunina