Ég er hjartanlega sammála Femínista. Tel ég að Nykur og Frelsishetjan hafi gengið aðeins of langt í valdsbeitingarhugmyndum. Slíkur stjórnunarstíll er fasískur og endar alltaf með endalausri orku ríkisstjórnar í að kæfa niður virkt andóf.

Þörf er á lævísari stjórnunaraðferðum. Það sem við þurfum að gera er að firra almúgann og gera hann fullkomlega áhugalausann um stjórnmál, það verður á könnu áróðursmálaráðherra og menntamálaráðherra. Einnig hjálpar að auka hag almúgans, því hann eyðir því sjálfkrafa í nautnir og lystisemdir, sem á móti hjálpa okkur að stjórna betur og beina kröftum stjórnarinnar í alvöru málefni.

Auðvitað er hægt að stjórna stjórnarandstöðunni. En það verður ekki gert með opinberum hætti heldur í samhæfðu átaki áróðurs, innrætingu (menntakerfi), huldustjórnunar á fjölmiðlum og umræðu, skipulögðum hulduher spekúlanta sem almenningur telur sjálfstæða intelektúala og hlustar á o.s.frv. Með því er hægt að móta umræðuna og skapa "stjórnarandstöðuviðhorf" sem yrðu í raun um smáatriði. Auk þessa er gott að troðfylla allar umræður með smáatriðum og skipulögðu hjali um þau til að fólk missi nú algerlega áhugann á viðfangsefninu.

Með þessum aðgerðum er hægt að stjórna stjórnarandstöðunni. Hins vegar verður ekki komið í veg fyrir að til sé fólk sem sér í gegnum lygina og blekkingarinnar. Hið góða í málinu er hins vegar það að fyrst að almenn umræða í samfélaginu er í okkar höndum líta slíkir aðilar út eins og sérvitrir ofstopamenn með vott af paranoju. Þar með hafa slíkir aðilar verið settir á jaðar samfélagsins og því ómarktækir af flestu fólki og því valdalega geldir. Ef slíkir aðilar ganga of langt í samsæriskenningum og virðist ætla að takast að ná hljómgrunni tekur ÖLÍS undir forystu Sverfils Bergmann við málinu og stundar njósnir um viðkomandi, reynir að finna höggstað á þeim eða þá að þeir skapi aðstæður sem munu draga úr áliti fólks á viðkomandi. það yrði t.d. gert með því að koma á viðkomandi sök um að vera á mála hjá Færeyjingum eða einhverjum Óvini, nú eða að vera bendlaður við glæpastarfsemi. Öllum slíkum upplýsingum, hönnuðum eða sönnum yrði síðan dyggilega lekið í fjölmiðla.

Það má kannski bjóða Femínista stöðu paranojd samsæriskenningarsinna sem sér í gegnum lygina? Slíkt fólk er nauðsynlegt til að hylja sannleikann.

Sem sagt, við verðum að finna jafnvægi milli grófrar valdsbeitingar og reyna að stjórna eða beina andspyrnuþáttum í viðráðanlega farvegi, þannig tekst okkur að stjórna til lengri tíma. Langtímahugsun fólk, það er það sem blívar.

Já eða það..

Svo má nota þá aðferð er illar tungur segja að beitt hafi verið austur í Rússlandi og sem birtist þar í formi nafna vors Zhirninovskys, nefnilega að stjórnvöld komi með leynd á fót stjórnarandstöðu undir sinni stjórn er yfirgnæfir hina raunverulegu stjórnarandstöðu algjörlega með afar stórorðum og farsakenndum yfirlýsingum og upphlaupum í fjölmiðlum en meinar í reynd ekkert með því. Verður þá með öllu ómögulegt fyrir hina raunverulegu stjórnarandstöðu að koma sínum málum að með skipulegum hætti því það er jú eðli fjölmiðla að elta þann er hæst geltir. Reyni hin raunveruleg stjórnarandstaða að "yfirbjóða" plat-stjórnarandstöðuna með því að ganga enn lengra í upphlaupum og djöfulgangi er auðvelt fyrir ríkisstjórnina að sýna fram á að hún (þ.e. hin raunverulega stjórnarandstaða) sé eigi málefnaleg ellegar trúverðug og hrynur við það fylgið af stjórnarandstöðunni.

þetta var ansi fróðlegt með hann Zhirninovsky! Nykri finnst þið gera þetta of flókið, átti Baggalútia ekki að vera "tyrenískt keisaraveldi"? Þar sem við værum aðallinn og pöppullinn okkar hjú. Með upptöku eigna og gegndarlausri hörku strax frá upphafi þar sem allt andóf er kæft við getnað og engum gefið svigrúm til þess að hafi uppi efasemdir um stjórnina. Svona eitthvað í ætt við sem þekktist í Evrópu á miðöldum. Við þurfum ekki að hafa áhyggjur af orkueyðslu sbr "endalausri orku ríkisstjórnar í að kæfa niður virkt andóf" Við höfum Blástakk á okkar bandi sem mun með mikilli ánægju eyða allri andspyrnu með hugarorkunni. Við höfum engan tíma fyrir pólítísk laumuspil við verðum að hórast í svallveislum Skabba frameftir öllu, var það ekki ástæðan fyrir stofnun Baggalútíu, þ.e. svo við þyrftum ekki að stimpla okkur inn frá 9-17??

Mér þykir það leitt og raunar furðu sæta að þið skulið ætla að beina feminista í "viðráðanlegri farveg" ég get alls ekki gengið að þessu tilboði, þó það kunni að vera lagt fram í góðri trú.

Hvaða tegund?

Það fer eftir hvaða tegund af hárgeli það er!

Það þá má kannske bjóða þér glæsilega villu, lúxusbifreið og ókeypis viðhald í skiptum fyrir þagmælsku í opinberri umræðu?

Veldu bara þá sem þú vilt. Við munum síðan þjóðnýta hana.

Aghh! Ég nenni ekki að horfa upp á þetta, setjum bara örflögu í heilann á þessu fólki og fjarstýrum því eftir hentugleikum.

Vér viljum biðja yður að setja nafn vort á þennan lista sem Menningar-, Umhverfis- og Innanríkisráðherra þar sem oss hefur verið úthlutað þeim embættum. Reyndar má Gleðigantur eiga Umhverfismálin en vér viljum Menningar- og innanríkismálin!!!

Ekki að ég hafi áhyggjur af því að þú farir inn á mitt starfsvið en ég vil samt minna þig á að Menning er ekki Afþreying.

Bara tryggja mig og mitt starf.

-

Vér viljum minna yður á að vér vorum á undan að biðja um menningarmálaráðuneytið. En þar sem afþreyingariðnaðurinn er svo stór í Baggalútíu þá veitir ekkert af afþreyingarmálaráðherra. Þér megið fá afþreyingarnar ef vér fáum restina af menningunum.

Að sjálfsögðu virði ég þá staðreynd (ef sönn reynist) að þú varst á undan að biðja um Menningarmálaráðuneytið. Aldrei myndi ég vilja stofna til illinda innan ríkisstjórnarinnar. Ef svo ólíklega vill til að þú sért eitthvað ósáttur, þá skal ég bjóða þér í teiti. Teiti sem öll heimsbyggðin mun minnast, og ég skal passa að það verði ekki snefill af menningu viðhafður í þeirri veislu. Annars huxa ég nú að þú sért ekki í fýlu, svo við finnum bara einhverja aðra ástæðu fyrir veislunni.

-

Vér höfum bætt við tveimur nýjum ráðherrum, Ívari Sívertsen menningarráðherra og Júlíu smekksráðherra. Eru hér á ferð söguleg tímamót í sögu Baggalútíu þar eð hún er fyrst kvenkyns ráðherra Baggalútíu og ber eftir því sem oss skilst að sjá til þess að ríkisstjórn, embættismenn og þegnar allir líti eigi út eins og einhverjir sveitalubbar (með fullri virðingu fyrir bændum þessa lands) og smekklausir jólasveinar. En átti eigi Mosa frænka líka að fá ráðherraembætti og jafnvel Ormlaug líka ?

Ertu alveg snar Vlad. Júlía verður í embættinu í einn þriðja hluta "kjörtímabilsins" svo tekur Mosa við og að lokum Ormlaug. En auðvitað getum við tekið það til skoðunar aftur eftir svona 50-60 ár hvort þær fái annað ráðherraembætti. Konur hafa nú fengið einn þriðja af stjórnarandstöðunni það verður að teljast nokkuð gott og nægja í bili.

Þetta hross fer nú að verða þreytandi ‹Brestur í grát›
‹brosir síðan lymskulega og fer á uppskrifir.is, tautar með sjálfir sér› þó það verði engar rjúpur á veiðikortinu hef ég ákveðnar hugmyndir um hvað er hægt að setja í reitinn annað.

Ég vil byrja á að þakka það traust sem þið heiðursmenn hafið sýnt mér ‹brosir í gegnum tárin og reynir að ná stjórn á tilfinningum sínum›
Það fyrsta sem kemur upp í hugann á þessum tímamótum er sú spurning hvenær ráðherrar Baggalútíu megi fara á eftirlaun og hvernig eftirlaunagreiðslum ríkisins sé háttað.
Ég þóttist greina nokkurn ugg í orðum hr. Fuckov - örvæntu ekki fatastíl ráðherra og embættismanna mætti lýsa sem svo: 'Bændur á betri fötunum'.