Þakka þér fyrir Skabbi. Og nei, ekki er það skugginn.

Stafur, er það ekki hvurslags?

Heyrðu hvurslags þú ert þó ekki að kveða um lim þinn?

Nei, hattinn sinn.

Botn?

Ágæti hvurslags

Ef ekkert ofangiska er rétt þá vinsamlega íhugaðu að gera betur grein fyrir infrastúktúr gátunnar. Það t.d. mjög gott að vita hvort hver lína er sjálfstæð vísbending eður ei. Sumar vísur eru nebblega það haganlega ortar (sem þínar svo sannarlega eru) að maður áttar sig ekki fyrr en of seint.

Þinn Nafni

Út frá uppsetningunni gæti maður giskað á að öll vísan fjalli um sama hlutinn, eða þá að fyrstu tvær línurnar standi saman og seinni tvær standi saman... er engu nær samt...

Sömuleiðis. &: Já,þetta er vitanlega öldungis rétt Enter. Reyndar er lausnin svona hugsuð:

Yfir alla storð. (= yfirborð jarðar)
Oft við mannkyn nærist.(= matast við borð)
Betur, aukast orð. ( stafurinn ´B´(Beta; í ft.) + ´orð´= Borð)
Æ þar gáran bærist.(= fjöruborð)

Smá jólaglaðningur handa getspekingum:

Holdið skilur seint við sál
(sjá, hér eru nöfn í felum).
Faðirinn heitir fremst á nál.
Fæddur á tveimur pelum.

Vísnagáta af "gamla" skólanum, höfundur & uppruni ókunnur.
Lausnin er þríþætt: Skírnarnafn + Föðurnafn + Bæjarnafn. ( 3 aðskilin orð, ein vísbending fyrir hvert um sig).

Gleðilegar Hátíðir, Nær & Fjær!

Holdið skilur seint við sál = Geir-Guð- Þor
(sjá, hér eru nöfn í felum). = Finnur?
Faðirinn heitir fremst á nál. = Oddsson?
Fæddur á tveimur pelum. = Öxl Eru 2 pelar ekki u.þ.b. axlafull flaska?

Þetta vefst fyrir mér.
ég giska á að maðurinn heiti Geirfinnur Oddsson frá Öxl

ókei, mér finnst ég tilneyddur til að koma með eina hérna, þó svo að það sé verið að kljást við aðra hérna

Undir klæðum er því hlíft
oftast fest við drengi
Stundum er það líka stíft
en stendur ekki lengi

Um hvað er verið að tala?

Ég ætla að gizka á pípu.

Gleðileg jólin, Vímus vænn. Þú ert með eitt atriði rétt, reyndar það sem flestir, þ.á.m. ég, sjá út í fyrstu tilraun. -------N.B.: Lína nr. 2 inniheldur í rauninni ekki vísbendingu.

Er nokkuð átt við Davíð Oddsson?
1. línan Davið og Sál ?
Pelarnir tveir önvegissúlurnar og þar með Reykjavík ?

Ónei. Ég lenti reyndar sjálfur á svipuðum villigötum þegar faðir minn baunaði þessu á mig daginn fyrir Þorlák. Þú varst á mun réttari braut í fyrra svarinu. Koma svo.

Guðfinnur Oddsson frá Hálfpotti?

Ófeigur Oddsson frá Hálfpotti?

Maðurinn er Ófeigur Oddsson frá Mörk= 2 pelar

Þarna kom það, félagar - Vímus kom með lokasvarið (kostaði e.t.v. smá rannsóknarvinnu?).