Ég er ekki frá því að ég hafi séð hann í Félagsheimilinu Húnaveri á hagyrðingakvöldi, ansi hreint sleipur náungi, eitrað skáld...
Ahhh! Var það hann? Já, svei mér þá ef hann fór ekki bara á kostum.
Látið ekki svona, við erum að tala um 75 ára gamlan ellilífeyrisþega. Við ættum að gleðjast með honum yfir hversu ern hann er og sprækur. Og þó hann hafi ekki nennt að lesa bókina sem hann átti að ritdæma, þá er það nú eins og hvert annað strákapar...
Eins og Myglar benti réttilega á virðist maðurinn hafa gert heiðarlega tilraun til að stauta sig í gegnum bókin, en ég dreg þá ályktun að verkið hafi sóst illa þar sem hann sá ekki rétt vel hvað stóð á hverri síðu. Honum þykja myndirnar alltof smáar, sem bendir til þess að sjónin sé farin að daprast. Þar sem letrið er heldur smátt er ekki óvarlegt að áætla að maðurinn hafi ekki náð að lesa mikið meira en fyrirsagnirnar, sem einar og sér eru svosem ekkert bráðfyndnar.
Hr. Erlendur minnist á að kynslóðabil hafi áhrif á húmor fólks. Hann viðurkennir meira að segja að hann voni að bókin hitti fyrir þakklátari lesendur - þ.e. þá sem þykir bókin fyndin. Erlendi fannst hún greinilega ekki fyndin, en gerir þó ráð fyrir því að öðrum geti þótt það.
Þess vegna þætti mér fróðlegt ef Morgunblaðið, snepill allra landsmanna, brygði á það heillaráð að fá nokkra einstaklinga af mismunandi aldursstigum til þess að lesa stórvirkið og kveða upp sinn dóm. Varla er mikð mark takandi á dómi eins manns - sem man auk þess eftir gömlu revíunum og veit ekkert fyndnara.
Hættið nú þessu væli! Ég er búinn að panta bókina í jólagjöf og þá er þetta nú allt í lagi!
Fyndin ? Er bókin líka fyndin ? Ég er svo aldeilis hissa. Og ég sem hlakkaði bara til að bæta uppflettibók sannleikans í bókarhilluna. Núna hef ég semsagt tvennt til að hlakka til í einum pakka.
Annars skil ég ekki þessa viðkvæmni. Ég held þessi Erlendur hafi bara verið mjög samkvæmur sjálfum sér. Ég get ekki lesið úr gagnrýni hans að þar sé á ferðinni maður sem lætur stjórnast af fyrstu kynnum. Ég tel allar líkur á að hann hafi lesið bókina og ekki fundið neitt nýtt í henni. (Hann er svo gamall að hann hefur líkast til átt risaeðlu sem gæludýr þegar hann var yngri.) Maðurinn hefur augljóslega heyrt flest allar sögurnar áður og jafnvel verið persóna í einhverjum þeirra. Tel ég þetta vera ástæðu þess að bókin vakti enga sérstaka lukku hjá honum.
En já, ég hlakka nú mikið til að sjá hvað leynist í jólapakkanum frá móður minni. (Vonandi hefur tvöfaldur gin í tónik lækkað eitthvað í verði. Móðir mín er fjarri því að vera efnuð.)
-
Hugi.is