Braghátturinn borinn er,
í baggalútar blóði.
Bannsettir þeir bjóða mér,
að böggla saman ljóði.
En Kolfinnnur hann kættist hratt,
við kveðskapinn að reyna.
Keftist við að klára flatt,
kvæði án þess að kveina.
Þetta er ofstuðlað hnoð og viðurstyggð að sjá
Þú skalt vanda vísnatal
vertu ekki spinnegal
bættu nú þitt bragarhjal
betur má ef duga skal
jamm...örlítil ofstuðlun hjá kappa
hér er einn tungubrjótur:
hroðalega limrusnoð
loðir nú við kauða
voðalega hryllingshroð
hnoðar vísu dauða
Skabbi þú notar nú ekki einu sinni höfuðstafi nema 2/3 af því sem venja er, svo verð ég að biðjast afsökunar á því sem þið kunnið ekki að meta
Legg ég nú á og mæli um að þið kynnið ykkur bragfræði áður en þið farið að gaspra í vísum.
Ekki er betra vanstuðlað en ofstuðlað.
Horskir drengir hnoða leir,
hljóður engist Bragi,
hafa lengi lurar þeir
leirinn mengað þvagi.
Hvað meinarðu Kolfinnur minn, er ekki skrítið hvað menn sjá villur alltaf hjá öðrum en sjálfum sér... nú er ég enginn snillingur í bragfræði, svo þú mátt leiðbeina mér aðeins með þennann tungubrjót sem kom frá mér... ég er alltaf tilbúinn að læra :)
Mikið rétt
stuðull þegar stendur illa
stakan missir þrótt
margir þannig málum spilla
mikið er það ljótt.
betra er ef búrar grunda
bögumálin sín
upp á skjáinn ýmsir br****
eins og verstu svín
-afsakið-
Þykir þetta vera leitt
ykkar þreytta leirbað
Hrátt er yfir lakið breitt
þetta sveitta hrosstað
Yrkið allir andans lof,
af ofurmiklum kröftum
Munið samt það kostar klof,
að ríða svona röftum.
kveikir í negulvindlingi og helduráfram að lesa