ósk-apa-ferðir

gott sagnorð yfir það þegar maður heyrir ekki alveg hvað einhver segir en reynir bara að giska á það

S. að eyrleika
"Eftir að hafa sagt þrisvar sinnum Ha þá eyrlék ég bara að ég væri alveg til í að vera drekinn"

Hvað kallast augnablikið þegar maður uppgötvar að maður er að fara að læsa sig úti, sekúndubroti áður en maður lokar hurðinni.

draumkvein

hvað annað mættum við kalla GPS tæki?

Við mættum alveg kalla þau stöðunema (það sem nemur stöðu)

Hentugt orð yfir þann hluta kúlupenna sem ýtist niður og gefur frá sér „klikk“ hljóð.

Kýlir (Kýlirinn er það sem kýlir eða af-kýlir kúlupennann)

Stöðunemi er flott, það eina sem mér datt í hug var "HSK tæki"

Mig vantar svo gott íslenskt heiti fyrir USB

AJS: Alheims Jólaseríu Strætisvagn

Skömmustutilfinningin sem maður fær þegar maður hefur étið yfir sig.

Ofmatsskömm

Orð yfir þá leiðindatilfinningu sem maður fær þegar Gallup eða sölufólk hringir í mann.

Matartími... ‹Glottir eins og fífl›
Nei annars...
Símasölufýla

Hvað kallast tilfinningin þegar þú ert að vinna í tölvunni og hún krefst þess að endurræsa sig og þú rétt nærð að vista það sem þú varst að gera.

Snarvistunarlost

Þegar maður uppgötvar að maður hefur haft hægra eyrnatólið á VINSTRA eyranu allan daginn! (og öfugt)

Krummatólsfattning.

Það að þurfa sífellt að vera að fikta í fjarstýringunni þegar horft er á sjónvarpið.

Stýrifíkn. (EF búið er með öðrum má nú bara kalla þetta frekju.)

Það að vakna alltaf eldsnemma á frídögum.

Frídagafjör.

Það að þykjast ætla með kjarasamningaviðræður í hart af því að það er að koma 1. maí.

Vorfret

Dagurinn sem mótorhjólunum er sleppt út á sumrin

1: Áriðill = rafmagnstæki sem notað er í bílum til að breyta 12 eða 24 voltum í 220 volt svo hægt sé að hlaða fartölvuna eða síman þó aðrir noti það gjarnan til að hita sér kaffi eða vatn í te og kakó. Ákaflega þarft tæki og hægt að fá í ýmsum stærðum.

2: Áriðill = Karlmaður sem kona tekur með sér heim af djamminu. Alla jafna einnota.

Undanriðill; 1. Hjónadjöfull, einkum karlkyns; 2. Í fjölveri eða sveiflu, um þann sem fremstur fer í flokki þá efnt er til leika.

‹Klórar sér í höfðinu›

Sumardagurinn annar

Það að vita að mann langar til að gera eitthvað en maður veit bara ekki nákvæmlega hvað, eða hvernig.

Óvissulöngun.

Sú athöfn að taka til í íbúðinni áður en heimilishjálpin sem þú réðst til að taka til mætir.