Fuss er fótur, ég veit ekki hvað sohle þýðir en það hljómar eins og sóli. Svo.. sóli eða il eða eitthvað sjóleiðis?

Skósóli?

Létt var það. Grétar gat á il, og það var il.

Og þá má hinn Væni Grétar snara fram nýrri gátu.

‹hristir Wayne Gretzky hressilega›

Afsakið biðina.

Hvað meinar þýskur maður þegar hann segir - " Ich habe katzenjammer."?

Hann er þunnur.

Einnig má minnast á það, að Katzenjammer sem slíkt merkir kattarbreim.

Hárrétt.

Hér eigið þér við bæði. Næsta spurning kemur þegar vér höfum komið höndum yfir góða orðabók.

<kjánaskapur>

Hver sem er má spyrja, verði hann á undan oss. Vér eigum í erfiðleikum með að finna verðugt orð í vorum orðabókum.

Til að henda inn einu stuttu, sem verður vafalaust fljótleyst:

Kvenmannsnafnið María er þekkt í flestum löndum hins vestræna heims, og hefur verið gríðarlega vinsælt frá því að María mey var og hét. "Maria", með stórum staf, er latínuseruð aðlögun hebreska (eða arameíska) nafnsins Miriam, en "maria", með litlum staf, er sjaldséð, og kemur það þó fyrir á mikilvægum stöðum í Biblíunni. Hvað þýðir maria, með litlum staf, á latínu?

Haf?

Mjög heit, það vantar eiginlega bara orðmyndina.

Latneska orðið yfir haf er mare, eður nokkuð því líkt, og -a er fleirtöluending hvorugkynsnafnorða. Vér getum því á, að spurt sé um höf.

Ps. Vér teljum ólíklegt, að spurt sé um Miðjarðarhafið, enda er það á latínu Mare Nostrum [Okkar sjór].

Rétt, það eru höf sem spurt er um. Ég minnist þess nefnilega að hafa einu sinni lesið í latneskri kennslubók að haf væri aldrei notað í fleirtölu, en sá svo fyrir tilviljun hvar stendur í upphafi Genesis: "et vocavit Deus aridam terram congregationesque aquarum appellavit maria et vidit Deus quod esset bonum".

Enn á ný erum vér lítt til þess fallnir að stjórna, enda höldum vér um tauma nokkurra leikja nú þegar.