Ef að niðurstaðan er sú að ég enda á að vera óskiljanleg eins og þessir menn er þú nefnir, jafnvel Ahraun og sókrates okkar líka, þá held ég að ég standi bara áfram í dyragættinni.
Andleg uppljómun ætti að leiða til þess að hlutirnir verði einfaldari og skiljanlegri, kraðak mannlegra tilfinninga ætti að minnka og flóknir fasar náttúrunnar ættu loksins að verða skiljanlegir.
Ekki finnst mér Nýalsþenkjandi menn vera skiljanlegir... því miður, því fræðin virðast skemmtileg.
‹Nagar þröskuld andlegrar uppljómunar›
Slíkt uppgjafarviðhorf gengur ekki. Það kostar þrotlausa vinnu til að skilja hið einfalda. Fyrst þarftu að þekkja flækjurnar til að skilja hið einfalda. Eina, besta og mest gefandi leiðin er að sökkva sér í fræðin, reyna að skilja og láta hugan melta sannleikann. Þegar hugurinn hefur verið mataður af upplýsingum og fróðleik og opnað fyrir skilningsgötur innan hans, mun hann að lokum finna hina réttu leið. Þá verður uppljómunin, þá mun allt erfiðið bera þúsundfaldan ávöxt í einföldum skilningi á grundvallarsannindum lífsins.
Ekkert fæst án vinnu. Það er engin auðveld leið.
Ég hef aldrei verið þekkt fyrir að gefast auðveldlega upp.
Kannski ég leggist í lestur fræðanna, matist hvorki né drekki til að halda musteri líkama míns hreinu á meðan ég nem fræðin.
Tæmi hugan af eitri samtímanns og leyfi Nýal að fylla mig af sannindum.
Vjer höfum sagt það áður og segjum það enn að vjer teljum að endurskoða þurfi umræddan Nýal er ritaður var fyrir mörgum áratugum og ætti með rjettu að nefnast Gamall. Oss grunar t.d. að eigi sje þar minnst einu orði á kóbalt.
Væri e.t.v. ráð að stofna til þessa sjerstakan þráð eða þá að hefja endurskoðunina hjer.
Ég hræki á slíka sýru. Stjörnusambandsstöðvar eru aftur á móti afar áhugaverðar.
Ég hræki á slíka sýru. Stjörnusambandsstöðvar eru aftur á móti afar áhugaverðar.
Á hvaða sýru hrækir þú?
Ég vona að þú sért ekki að vísa í Nýal. Því stjörnusambandsstöðin er bein afleiðing nýalsfræðanna. Enginn nýall, engin stjörnusambandsstöð. Svo einfalt er það.
Kóbalt tengist gömlu Nýalsfræðunum lítið enda höfðu menn ekki uppgvötað undraverða eiginleika þess magnaða efnis. Sjálfsagt er að uppfæra fræðin með þessari þekkingu.
Mér finnst lítið til þeirra fræða koma, sem fjallað hefur verið um í nýlegum félagsritum, svo sem hvort lesendur hafi lifað áður. Af því sem ég hef séð hingað til er ég hjartanlega ósammála fræðum Nýalsinns, og held því fram að Stjörnusambandsstöðvar geti starfað sjálfstæðar.
Þú hlýtur að vera geðveikur.
Hvað næst? Stjörnusamband án kóbaltshjálma!?
‹Hringsnýr vísifingri upp við höfuð til að gefa til kynna að Berserkur hljóti að vera klikk. ›
Úlfamaðurinn telur að stjörnusambandsstöðvar séu orðnar svo margar á Jörðinni nú þegar að frekar sé þörf á að hér ríki Geimvísindastofnun, það telur Úlfamaðurinn að sé raunhæfur kostur fyrir Íslendinga. Úlfamaðurinn hefur áður minnst á geimvísindastofnun á Baggalútnum og var vel tekið. En þegar farið er í Planetariumið og fullt tungl sést, hvað á Úlfamaðurinn þá að gera? Úlfamaðurinn las danska tímaritið Skör Skör Verden á sínum tíma þar sem fjallað var um að maður hafi breyst í varúlf við að heimsækja Planetarium. Úlfamaðurinn vill að sjálfsögðu hafa Planetarium en spurn er hvort hann þori í Planetariumið sjálfur af óttanum við að þar með umbreytist hann þegar atriðið kemur þar sem tunglið er fullt,
Góðs viti er að reka Planetarium. Stjörnufræðingurinn Richard C. Hoaglahd t.d. starfaði held ég sem fyrirlesari í Planetariumi á vegum bandarísku geimvísindastofnunarinnar. Eftir rit sitt, The Face of Mars; A City At the Edge of Forever, sem er eitt merkasta vísindarit sem skrifað hefur verið um rannsóknir alþjóðlegra vísindamanna á þessari fulardullu en samt stórmerkilegu reikistjörnu er Richard C. Hoaghland nú meðal virtustu vísindamanna heims, næst á eftir Daniel Winter.
kær kveðja,
Úlfamaðurinn,
HaHAA, ég er sko LANG klikkaðastur af ykkur öllum! Sjáiði bara.
AAAAAbúdíbúdíbúdíbúú, aaaaabúdíbúdíbúdíbúú!!! ‹Stekkur um allan þráðin eins og á hestbaki og slær í rassinn á sér› Melónur, hávaxnar melónur fyrir langferðabíla - fallegar melónur!! ‹Ferí kollhnýs, nokkuð skakkan en innan skekkjumarka› - En þetta er helvítis puð, ég skal játa það
Birtist Úlfamaðurinn fyrst hér? Einhvers staðar verða vondir að byrja.
‹Fær ryk í augað við að lesa yfir alla þessa andans fegurð› Gull, ég hef fundið gull! ‹Grenjar eins og feitur gaur í kjól sem uppgötvar að hann á enga skó í stíl›