Í dag er hann, dagurinn sem ég hef beðið svo spennt eftir - já og þið hin öll auðvitað líka. Það er í dag, í dag, já í dag...
Dagurinn í dag á skilið að fá minnst 5 stjörnur ef ekki meira. Loksins loksins rann hann upp, svo bjartur og fagur, líkt og fugladrit á mykjuhaug. Loksins loksins barst hann hingað, líkt og úldinn þara að úfnum ströndum. Loksins loksins er í dag, Dagurinn.
Af þessu þrefalda merkisdegi, þessum ómþýða unaðsdegi sem ómar líkt og tregablandið sarg á krítartöflu með demantskreyttum nöglum, fara margar sögur. En engar jafn merkar og fyrir 2 árum. Þessi dagur, Dagurinn, er hinn allra besti í Baggalútískri sögu. Og sá mesti. Hátíðardagur hátíðadaganna. Ber honum að fagna á afar dömulegan og siðmenntaðan hátt, með ljúfum drykkjum og dýrindiskræsingum.
Í dag var okkur, bornar fyrir 2 árum, bestu sprundir Baggalúts. Ég býð því til alsherjarveislu sem mun minnst vara í 7 daga. Óska ég þeim alls hins besta og innilega til hamingju með rafmælin. [Sendir samstundis bílfarma af blómum og bakar þrjár franskar súkkulaðitertur og þeytir rjóma fyrir afmælisstúlkurnar okkar].
Júlía, Mús-Lí og Mosa, þessi skrif eru tileinkuð ykkur. Megið þið lifa lengi og vel og vera ávallt jafn nærri okkur í persónu líkt og þið standið hjörtum okkar nærri. Innilega til hamingju með daginn.
Ykkar Barbie.
Nei en það verður smart ísterta [klappar sjálfri sér stórmannlega á bakið og brosir smeðjulega yfir þessum aulahúmor sínum]. Jibbíkóla hvað ég er spennt að halda svona rafmæli!
Tekur riddarakveðju með sverðinu, kyssir blaðið. Keyrir það síðan í jörðina, hvílir hægri hönd á sverðinu og krýpur upplitsdjarfur á hné við hlið þess. Hefur síðan upp raust sína: Riddari Baggalútíu Heiðglyrnir Hinn Hugdjarfi, óskar Júlíu drottningu og lagsmeyjum hennar Mosu og Mús-lí, hjartanlega til hamingju með rafmælið.
Það var Núma líkt að trana sínu einhverfa alteregó fram sínkt og heilagt. Innilega til hamingju. [Gefur Núma hatt til að fela kollvikin]
Heyr, heyr ! Það er sannarlega rjett að þetta er merkur dagur í sögu Gestapó. Óskum vjer Mús-Lí, Mosu frænku og Júlíu innilega til hamingju með rafmælið, þökkum þeim fyrir að hafa heiðrað Gestapó með nærveru sinni og vonum að þær muni halda því áfram.
[Mætir í 7 daga allsherjarveisluna, gæðir sjer á veitingunum og bætir Núma á listann Þarfnast hugsanlega eftirlits fyrir að brjóta siðareglur með því að sýna forsetaembættinu eigi tilhlýðilega virðingu]
[Klökknar. Þurrkar tárin laumulega. Ræskir sig.] Mikið þakka ég þér vel fyrir elskulegheitin, Barbie mín (og ykkur hinum hlýjar kveðjur). Það er alltaf gaman að gera sér dagamun. [Sker væna sneið af ógurlega smart ístertu a la Barbie]
[Settur upp sólgleraugu til að geta haldið kulinu] Ó, takk, takk. Elskuleg eruð þið.
Já, innilega til hamingju kvennablómi Baggalúts. Megi aldurinn færa ykkur enn meiri visku og fleiri tækifæri til að ausa henni yfir okkur hin.
Njótið heilar kæru vinkonur. Ítreka bara að við viljum sjá ykkur sem oftast. [Faðmar Júlíu og Mosu innilega að sér, svipast um eftir Mús-Lí]