— GESTAPÓ —
Vamban
Friðargæsluliði.
Fastagestur.
Pistlingur - 9/12/06
Fíkniefnafunds­fréttamennska

Djöfull held ég að þeir mergsjúgi, blóðmjólki og tyggi á þessum helvítis fíkniefnafundi bannsettir fréttamennirnir. Nú hlaupa þeir um eins og logandi grísir og hrasa um hvorn annan í örvæntingafullri tilraun sinni til að kreista síðasta gallsúra hasarfréttadropann úr þessari frétt. Svo riðlast þeir á aumingja frumbyggjunum á Fáskrúðsfirði og vilja vita hvort þeim sé ekki örugglega brugðið. Nuddast í þeim eins og pervertar á riðilstöng og spyrja hvort þetta sé ekki alveg örugglega áfall og eyðilegging fyrir litla, rólega sjávarþorpið þeirra. Nei, íslenskir blaðamenn spyrja ekki leiðandi spurning. Ó, nei.

Og svo þarf að fá álit hjá þeim sem þekkja eiga til í undirheimunum og fá þá til að fullvissa okkur um að þetta hafi nú einhver áhrif á efnahaginn þar. Fullvissa okkur um að börnunum okkar hafi verið bjargað frá ánauð eiturlyfjafíknar. Slíkt er þó aðeins til að veita samviskunni stundarfrið því þegar öllu er á botninn hvolft er það okkur sjálfum að kenna hvernig komið er fyrir þeim ungmennum sem leiðast út í þetta líferni.

Nú vil ég helst ekki heyra bofs um þetta mál fyrr en fréttir berast að því að búið sé að dæma þessa óþarflega framtaksömu innflytjendur í lengstu og mestu fangelsisprísund sem sögur fara af. Á meðan mættu fréttamenn birta fréttir um það hvernig foreldrar þessa lands fara að því að halda börnunum sínum frá neyslu og böli. Sem mér finnst reyndar ólíklegt þar sem lítill eða enginn hasar er í slíkri fréttamennsku.

   (21 af 31)  
9/12/06 21:01

Grágrímur

Vá þú hittir naglann svo fast á höfuðið að honum verður íllt í mánuð.

9/12/06 21:01

Dula

Mér fannst þessi pistill svo fyndinn að ég pissaði næstum í buxurnar.

9/12/06 21:01

B. Ewing

Orð í tíma töluð [Skálar]

9/12/06 21:01

Vímus

Mikið andskoti er þetta hlægilega rétt og satt.
Blaðinu tókst að gera betur en Fréttablaðinu í morgun með því að koma dópmagninu úr 60kg upp í 100kg.
Ég sé fyrir mér fátið sem kæmi á foreldra tveggja barna 13 og 15 ára ef öll fjölskyldan væri að versla í Kringlunni og einhver blaðasnápurinn ræki mækinn upp í andlitið á þeim og segði.
Hvernig haldið þið þessum börnum frá öllu dópinu sem í boði er?

9/12/06 21:01

Offari

Ég væri samt til í að heyra fleiri svona féttir, því eftir því sem erfiðara gengur að koma þessum efnum inn í landið minkar framboðið. Öll umræða er líka af hinu góða því það vekur ungt fólk til umhugsunar og bjargar kannski einhverjun sálum. Verst finnst mér hinsvegar að þetta pakk skuli vera farið að færa starfsemi sín út á friðsæla og saklausa landsbyggðina. Fréttasnápar hafa hinsvegar ú litlu að moða hérlendis því hættir þeim til að gera stórmál úr smámáli hvað gerist þá þegar þeir fá stórmál?

9/12/06 21:01

Nermal

Mér finnst alveg fábært að lögregluyfirvöld hafi handsama' þessa drulluháleista, og vil óska öllum nema Birni Bjarnasyni til hamingju. Þetta er nú einusinni mesti fíkniefnafundur íslandssögunar þannig að þetta er stórfrétt. þetta er nú samt ekki eins slæmt og 9/11 hérna um árið þegar einungis sá atburður var í fréttunum dögum saman, eins og ekkert annað hefði gerst í veröldini. Vona að þessum óbermum verði dæmd hámarks refsing.

9/12/06 21:01

blóðugt

Það er að sjálfsögðu frábært að þessir menn hafi náðst, en ég er svo mikil bölsýnismanneskja hvað þessa hluti varðar, að ég held að þessi eiturlyf séu bara dropi í dóphafið hérna á Íslandi. Vonandi hef ég rangt fyrir mér. En fyrst þessir gaurar lögðu í það að flytja svona inn þá hljóta einhverjir aðrir að vera í því líka.

Annars var þetta góður pistill hjá þér Vamban og ég er sammála mörgu um æsifréttamennskuna.

9/12/06 21:01

Skabbi skrumari

Ég held að þetta tengist eitthvað Lúkasar-Randversmálinu... einhverjir til í samsæriskenningar?

9/12/06 21:02

krossgata

Sást ekki skútan í Akureyrarhöfn um það leyti sem Lúkas hvarf og svo var hringt úr henni, nú fyrir stuttu í Þórhall og stuttu síðar er Randver sagt upp?

9/12/06 22:00

Jóakim Aðalönd

Var það sumsé Randver sem sparkaði í Lúkas og var þessvegna rekinn frá Spaugstofunni?

10/12/06 00:00

Z. Natan Ó. Jónatanz

Nokkuð góð pæling hjá pistilritara.

10/12/06 00:01

albin

Hvaða fíkniefni?

10/12/06 01:02

Hakuchi

Af þessum prýðilega bitru skrifum pistlahöfundar að dæma liggur beint við hver stóð á bak við þessa ágætu fíkniefnasendingu

10/12/06 02:01

Vamban

Já, ekkert má maður lengur!

Vamban:
  • Fæðing hér: 7/4/04 18:30
  • Síðast á ferli: 28/6/22 15:34
  • Innlegg: 191
Eðli:
Landbúnaðarráðherra. Hirðstjóri og yfirsmakkari. Fjármálastjóri Hreintrúarflokksins.
Fræðasvið:
Admiral, mútuþægni, spilling, kvennafar og kóbaltbæting landbúnaðarafurða.
Æviágrip:
Stórmyndarlegur og hefur alltaf verið það.