Það er vissulega viðfangsefni sem vert er að velta fyrir sér.
EIns og ljóst er þá hef ég eytt talsvert litlum tíma hér á Gestapó undanfarið. Þessu er um að kenna að ég fékk yfirskammt af Gestapó. Ég óverdósaði. Ég fék nóg... í bili. Þetta er mjög algengit hjá virkum Gestapóum. Menn á borð við Offara og Aðalöndina hafa horfið sporlaust og birtst alveg jafn sporlaust. Menn eins og Hakuchi og Zauðbergur læknir hurfu sporlaust og er enn verið að berjast fyrir því að sporin verði birt. Galdrameistarinn hverfur reglulega en dúkkar upp í hillunni sinni annað veifið. Þýðir þetta að menn hafa fengið sig fullsadda af Gestapó? Jú, ég held það... um stund. Ég er svo sem ekkert að boða endurkomu mína á næstunni en ég datt inn á nokkra þræði áðan og las aðeins yfir og áttaði mig á því að það er margt óborganlegt sem fallið hefur hér. Ég býst við að halda því svoleiðis áfram um sinn að detta inn á þræði og flissa eins og smástelpa og fara svo að gera eitthvað annað. EN eitt skuluð þið vita, ég kem alltaf aftur! Nú er bara að sjá hvort Enter skammast ekki til að loka draslinu í vor og opna aftur að hausti því þá gæti ég best trúað að gamlir draugar myndu skjóta upp kollinum aftur sem fengu yfir sig af Gestapóinu með heilsársopnuninni.
Þangað til næst
Lifið heil
Ja svei mér þá alla daga. Ég held að ég geti hreinlega tekið undir þetta með þér, hef verið ákaflega lítið hér undanfarið en boða hér með endurkomu mína.
já það þarf að búat til 'það eru að koma jól' stemmingu með því að loka sjoppunni almennilega í sumar.
Stundum er maður upptekinn við aðra hluti. Stundum er maður andlaus. Stundum eru svo fáir inni að maður þyrfti að tala við sjálfan sig heilu dagana. Stundum blöskrar manni tíminn sem maður eyð..., ég meina, notar hérna. Og stundum blöskrar manni munnsöfnuðirinn á "Segðu eitthvað ljótt..." og oflofið = háðið á "Segðu eitthvað fallegt..." En líklegasta ástæðan fyrir því að ég dvelst hér ekki sólahringum saman, er sú að ég.... * PLOPPP*
Það koma tímabil sem eru þannig að ég er yfir mig þreytt á sjálfvirku handarhreyfingunni sem opnar Gestapó bara af því að ég er nettengd, og langar mest til að taka mér almennilega pásu. Svo, eins og núna undanfarið, finnst mér þetta allt í lagi.
Þegar maður hefur hangið hérna í meira en fimm ár og þetta er orðið algjörlega fastur hluti af tilverunni er nú hætt við að manni finnist þetta ekki jafn spennandi og áður - en samt þætti mér skelfilegt að missa Gestapó alfarið.
Ég tek undir þá von að það verði sumarlokun næsta sumar. Maður var farinn að reikna með þessu og sneri iðulega aftur að hausti áhugasamari um Gestapó en áður.
Já auðvitað tekur maður sér pásur af og til . kemur ferskur inn með bullmælinn í botni og eys úr bullbrunninum, einhvernveginn er það nú svoleiðis að þeir sem maður umgengst í vinnunni í kjötheimum skilja engan veginn húmorinn manns eftir að maður hefur verið mikið inná fallega og ljóta þræðinum, þetta hefur komið fyrir þegar maður er að reyna að hrósa fólki eða "djóka" við það.. þá þarf maður aðeins að útskrá sig og fara í almúgagírinn til að samlagast almúganum sem maður er að umgangast í kjötheimi. Þess vegna er hægt að fá nóg af gestapóinu .. en ekki mjög lengi því alltaf hittir maður alvöru gestapóa í kjötheimum til að fara ekki í algjört þunglyndi.
Ég fæ aldrei nóg og lít hér inn á hverjum degi og hef gert það í sex og hálft ár. Hins vegar nenni ég ekkert að skrifa núorðið.
Ég játa líka að það er bölvuð gestapóleti/leiði í manni öðru hvoru.
Einsig sést þessa dagana að eina sem ég geri er að vinna sama leikinn aftur og aftur.
Maður er nánast hættur að kíkja á félagsrit því gæðin á þeim eru misjöfn. Kanski ég skelli mér bara í pásu fram á næsta haust.
Ég hef nú alltaf meiri áhyggjur af að Gestapó fái nóg af mér, Ég skrifaði félagsrit um það en eftir að lesa það yfir hálftíma síðar fannst mér það alltof sjálfhverft og asnalegt og eyddi því.
En ef sumarlokun á sér stað þá þa´á Hvæsi aldrei rafmæli svo ég styð það [glottir eins og fífl]
Af Baggalúti fráleitt fæ ég nóg
né félagsrits sem þessa kaupi rökin,
svo aleinn skal ég gaufa' á Gestapó
og glaður hafa sjálfur undirtökin.
Heyrðu Huxi! Tíðkast virkilega oflof (háð) á Segðu-e-ð-fallegt-þræðinum? Ég er svop aldeilis hlessa, og hefur aldrei dottið í hug annað en að skila það í fullri alvöru sem þar er skrifað.
Ég er nú sennilega alltof mikið hérna. Hef þó minnkað virknina frá því um 2007. En það var bara svo 2007.
Ég dett inn og út úr öllum heiminum. Það er engin ástæða fyrir mig að gefa Gestapóum einhverja sérmeðferð.
Til að byrja með, þá segi ég alltaf satt á segðu eitthvað fallegt þræðinum en lýg alltaf á þeim ljóta. Bara svo það sé á hreinu.
En ég hef hugsað það sama og Grágrímur og hef mun meiri áhyggjur af að Gesatpó fái nóg af mér en ég af því . Stundum getur maður orðið voða leiður eitthvað á sjálfum sér.
Ti að fyrirbyggja allann misskilning þá vil ég taka það skýrt fram að þar sem ég hef eingöngu 100% áræðanlegar upplýsingar um eigið ágæti og misræmið milli þess og því sem ég les um mig á "Segðu eitthvað fallegt...", þá áleit ég sem svo að oflof væri algengt á þessum þræði. En ég reyni ávallt að segja sannleikana á áðurnefndum þræði.
Ekkert okkar fær nokkurn tímann oflof Huxi. Því við erum rjóminn af samfélaginu. Sættu þig við það!
Talandi um að fá nóg af Gestapó... nei. Ég fæ ekki yfirmig nóg, samt sem áður er stundum ágætt að taka pásu og koma ferskur inná ný.
Ég er eiginlega sammála Grágrími, maður finnur þegar Gestapó fær nóg af sér og þá er bara að halda sér til hlés í smá tíma. Kíkja þó reglulega inn og taka púlsinn á samfélaginu.
Heyrðu... ekkert minnst á fjarveru mína... ég myndi segja að mér þætti það ofboðslegt (ef það væri ekki svo hallærislegt orð)... Annars tek ég undir það sem Vlad segir hér fyrir ofan...