Hexia fékk bréf inn um bréfalúguna með þeim arfaslökustu ferskeytlum sem ég hef á ævi minni séð. Það er ekkert um stuðla eða höfuðstafi og rím fyrirfinnst ekki. Hins vegar er ekki hægt að segja að um svo kallaðan prósa sé að ræða því þetta eru tvær fjögurra lína vísur. Ég hvet þetta lið til þess að hætta að senda svona ófögnuð í pósti og fá fagmenn til að yrkja fyrir sig! En ófögnuðurinn fer hér á eftir
Reglubundin leghálsskoðun
er eina aðferðin til að finna
forstig leghálskrabbameins.
Bati er þá nær öruggur.
Þess vegna er mikilvægt fyrir
konur sem hafa byrjað kynlíf
að fara í leghálsskoðun
frá 20 ára aldri.
Reglulega leghálsinn skal skoða
leghálskrabbameinið til að finna
og bjarga þér frá voðalegum voða
sem vísur þessar eiga nú að kynna.
Konum, sem sittt kynlíf vilja tryggja
og komar yfir tvítugt, ræð ég heilt
að labba við og leghálsskoðun þyggja,
lítt er um þess mikilvægi deilt.
Tek undir það - frábært ljóð! Vona annars að þessum kveðskap hafi ekki verið beint til þín Ívar.
Þó held ég að ef texti Billa væri sendur í bréfalúgur landskvenna myndi engin þeirra skila sér í skoðun en hugsanlega yrði framkvæmdastjóri Krabbameinsfélagsins lagður tímabundið inn á geðdeild.
Annars mætti líka orða bréfið svo:
Kona, ef þú rekkum ríður
rífðu af þér svutuna
og komdu að láta skoða á þér..... leghálsinn.
Hah, já. Harla gott!
Mér dettur í hug að leggja ljóð í belg:
Unaðs- njótir -ásta, meyja,
eyrðu nú minn söng:
Bíð ei, láttu lækni eygja
leg- þín penu -göng.
Mér finnst fyrstu vísurnar, þessar illa ortu, bestar. Þær segja á skiljanlegu mannamáli það sem máli skiptir: að leghálskrabbamein er auðlæknanlegt ef það finnst á forstigi.
Það er ekkert fyndið við þennan sjúkdóm á síðari stigum.
Eistnakrabbi (eistakrabbi?) er annar sjúkdómur sem er mjög auðlæknanlegur ef hann finnst snemma. Hann er hins vegar sjaldgæfari, og þar sem eistun eru utaná eru miklar líkur á að hnútur finnist án þess að fara í sérstaka skoðun, löngu áður en meinið verður ólæknandi. Þess vegna er minni fræðsla um hann.
Í framhaldi brýningar Regínu finnst mér eftirfarandi verða að koma fram:
Líta skaltu skrótum á
og skoða gaupnir þínar,
svo ekki vaxi vaðsekk á
voðaundir brýnar.
(Strangt til tekið vísar gaupn til lófa, en við látum það sleppa.)
Ég vil taka fram að ég er ekki að draga úr alvarleika sjúkdómsins heldur er ég að benda á asnalega framsetningu efnisins.
Þetta er ekki fáránleg hugdetta hjá Ívari. Kannski er ég bara öfundsjúk af því að Hexía fékk svona bréf en ekki ég, sem gerir mig þá minna virði, eða hvað?
Ég býst við að Billa hafi vantað stuðul þegar hann segir að konur sem vilji tryggja kynlíf sitt eigi að fara í skoðun. Þær eru að sjálfsögðu að tryggja miklu meira en bara kynlífið. Satt að segja tryggir það ekki kynlíf að fara í leghálsskoðun, en það getur lengt lífið um áratugi.
Og já, ég hef heyrt karla flissa yfir því að konur skuli yfirleitt fá leghálskrabbamein, rétt eins og það séu slæmar konur sem fá það. En mæður ykkar eru jafnlíklegar og hver önnur til að fá þennan krabbameinsvaldandi vírus einhvern tíma á lífsleiðinni.
Nei, mig vantaði frekar rímorð, og setti því "tryggja" í staðinn fyrir fyrstu útgáfuna. (En þetta var nú bara tveggja mínútna samsuða fyrir svefninn.) <Borar hinni stóru tánni í gólfið>
Ég fæ aldrei svona bréf - þrátt fyrir tilvist legháls - en ég mæti yfirleitt eins og klukka á tæplega tveggja ára fresti til kvensjúkdómalæknis að skoða hálsinn. Kannski er Hexía ekki alveg nógu dugleg - eða þá að þeir taka fyrir ákveðna árganga? Eða þá að farandkrabbó er á leið í sveitina til Hexíu?
Varðandi það hvort vondar konur fái eingöngu þennan sjúkdóm þá finnst mér nú kvensjúkdómalæknar orðnir fullduglegir við að stimpla þetta sem lauslætissjúkdóm - í það minnsta er mikið rætt um kynhegðun (of sjaldan, a.m.k. hjá mér) þegar ég mæti. En þá er byggt á því að þessar veirur ku smitast við samlífi. Það sem mér finnst vanta í hausinn á læknum og almenningi er það að til að fá kynsjókdóm - rétt eins og óléttu - er nóg að gera það einu sinni með einum aðila - og hver hefur ekki gert það? Og þess vegna kannski ágætt að slaka á fordómunum.
Annað mál - ég ætlaði að kaupa sprautu gegn þessum vírus sem veldur leghálskrabba fyrir barnið mitt - enda veð ég ekki í villu með það að hún mun (vonandi) koma til með að stunda kynlíf. Kvensjúkdómalæknirinn taldi það af og frá - þeir væru alfarið á móti þessum sprautum - nema þær kæmu inn í almannatryggingakerfið. Meðan einungis sumir hefðu efni á sprautunum væru þeir á móti því að nota þær. Þetta kom mér nokkuð á óvart en þar sem ég hef ríka samúð með þeim sem ekki hafa efni á að leita sér læknishjálpar hef ég nú a) brotið gleraugu barnsins þar sem ekki allir hafa efni á gleraugum (kostuðu 60.000 mínus 5.000 kr. framlag frá ríkinu - og það eru ekki umgjarðirnar heldur þarf að sérpanta glerin) og hún hefur bara gott af því að setja sig í þeirra spor og b) skammta henni nú 15 cl af vatni og 37 hrísgrjón á dag en mér skilst að börn í Afríku þurfi að gera sér það að góðu og c) afþakkaði tannlæknisaðstoð fyrir hana um ókomna framtíð. Íhuga líka að senda hana út á götu að betla og í það minnsta fjarlægja annað foreldrið af heimilinu. ... er það í alvöru meiningin að refsa þeim börnum þar sem foreldrarnir hafa pening og rænu (því miður er það t.a.m. reynsla tannlækna að oft eru til peningar bara ekki ræna) á að hugsa um heilsu þeirra?
Bara pæling....
Þetta illa orta ljóð ætlar að leiða okkur um víðan völl. Hvernig dettur þér í hug að tala um refsingu? Er ekki bara málið að mæta reglulega í skoðun og taka ábyrgð sjálf á sér, ef það gefur jafngóða raun og er ódýrara?
En hvað skyldi sprautan annars kosta?
Ég hef persónulega aldrei heyrt kvensjúkdómalækni tala um leghálskrabbamein og lauslæti í samhengi, þú ættir að íhuga að skipta um lækni krumpa. Þú hefur að sjálfsögðu alveg rétt fyrir þér, það þarf bara einn aðila til að smitast af hverju sem er.
Regína og krumpa: þið fáið ekki svona bréf af því að þau er bara send konum sem eru orðnar tvítugar og sem hafa hafið kynlíf. Þó að þið hafið slummað Væni-Grétar í frímó á Hagaskóla þá telst það ekki með.
Hvernig dettur mér í hug að tala um refsingu? Er það ekki refsing (fyrir að eiga pening?) að meina ákveðnum hópum um eitthvað (vatn?, mat?, læknisaðstoð?) af því að aðrir hópar eiga ekki kost á þeim? Mér finnst þetta í það minnsta undarlegt hugarfar hjá læknum - sem ættu þá alla vega að vera háværari þegar kemur að því að krefjast jafnréttis opinberlega.
Síðast þegar ég vissi (veit ekki hvort hún er gengisháð) kostaði sprautan um 20 þús - sem er ansi mikið minna en krabbameinsmeðferð kostar samfélagið.
Að mæta reglulega í skoðun og ,,taka ábyrgð á sjálfum sér" getur varla gefið jafngóða raun og verið ódýrara. Reikna að sjálfsögðu með því að konur þurfi áfram að vera undir einhverju eftirliti - en það er væntanlega einnig dýrara en sprautan. Þá er það ekkert grín og gefur væntanlega ,,ekki jafngóða raun" - að greinast með forstigseinkenni og þurfa á meðferð að halda í kjölfarið.
Auðvitað ber fólk alltaf ábyrgð á sjálfu sér en mér finnst það undarlegt viðhorf að hafna bólusetningu sem getur komið í veg fyrir skelfilegan sjúkdóm. Hvað þá með ungbarnasprauturnar?
Og takk Hlebbi, áttaði mig ekki á þessu!
ps. Meðferð - þ.e. sem ekki felur í sér dauða sem ku vera lækning allra meina - í kjölfar eftirlits og ábyrgðar felur oft í sér að innvolsið í manni er krukkað burt. Varla gefur það jafngóða raun og bólusetning? Efast um að mér þætti það persónulega stæði ég uppi án innvols.
Hvernig dettur þér í hug Ívar að kalla þessa mikilvægu orðsendingu, illa ort ljóð og ófögnuð?
Hefurðu séð framsetninguna Grýta? Þessu er stillt upp sem ljóði. Skoðaðu svona blað sem þú hefur vafalaust fengið sjálf. Eins og ég sagði áður þá er það framsetning en ekki innihald sem er óþverri.
Þetta er alveg satt hjá Ívari, Grýta. Við erum báðir virkir í karlahópi Femínistafélagsins (ásamt Jóka Önd) og tökum svona mál mjög alvarlega.
Krumpa, ef sprautan kostar ekki meira en 20000 (40000 í dag þá væntanlega?) þá er ég sammála: Það ætti hverjum að vera frjálst að kaupa hana. En mér finnst samt asnalegt að kalla það refsingu fyrir ríka fólkið þó það taki skrifræðið of langan tíma að grufla í því hvort það eigi að setja bólusetninguna á markað eða greiða niður fyrir almenning, eða að fullu. Ætli málið sé ekki í einhverri svoleiðis lykkju? Vonandi verður það leyst áður en þsað er of seint fyrir keisarabarnið.
En geturðu ekki bara keypt þetta á netinu?
Það er ekki tekið mikið innvols til að koma í veg fyrir að leghálskrabbamein á forstigi breiðist út. Eiginlega er þetta invols næstum utaná, og ég myndi ekki treysta bólusetningu, ég myndi samt fara í skoðun.
Ég fagna því að Ívar hafi vakið máls á þessu þjóðþrifamáli hér á þessum eðalvef. Skítt með framsetninguna.
Og ef maður er ranggreindur eða eitthvað rugl er í gangi (getur líka dreift sér vel á tæpum tveimur árum) þá er allt draslið tekið. Ég þekki alla vega margar sem hafa lent í því þó ég sé ekki það kvikindi að spyrja hvort þær hafi ekki örugglega farið í skoðun.
Sprautuna þarf að fá áður en iðkun kynlífs hefst - svo keisarabarnið fer að brenna inni. T.d. var mér sagt að það þýddi ekki fyrir mig að fá sprautu - þar sem ég er væntanlega búin að smitast og þar með berandi bakteríur - ef ég smitast á annað borð.
Mér finnst þessi sprauta sjálfsagt mál og ætti að sjálfsögðu að vera gefin öllum stelpum í skólum (í staðinn fyrir bölvaðan berklaplásturinn sem var klínt á mann á hverju ári - eitthvað hefur nú sparast með að hætta því...). Meðan ríkið tekur ekki við sér ætti hins vegar þeim sem vilja og geta að vera frjálst að kaupa þessar sprautur. Var heldur ekkert að tala um þá ,,ríku" - líka bara spurning um forgangsröðun og margir sem detta í það eða fara til útlanda í stað þess að fara með börnin sín til tannlæknis - auðvitað eru margir sem eru sannarlega fátækir en það eru ekki endilega þeir sem berja sér mest. Efast auk þess um að ríkið fari að eyða í svona ,,lúxus" næstu árin.
En ég er ekki það brött að ég fari að kaupa einhvern graut í sprautu af netinu og dæla inn í barnið mitt...
Ég hef ekki fengið
svona blað sjálf.
Enda mæti ég reglulega
í skoðun.
Eina sem ég fæ
er tilkynning
um hvenær ég
á að mæta.
Ég á svo smart lækni að það er bara hringt í mig og mér sagt að ég eigi að koma. Góð þjónusta.
Einstaklega athyglisverð umræða. Ég er ekki rík, en ég myndi, ef ég ætti dóttur á fyrirkynlífsaldri, sleppa t.d. blút í einhvern tíma til að kaupa svona sprautu. Mér finnst það undarlegt viðhorf/fáránleg rök að mega ekki kaupa eitthvað af því það hefur ekki verið ákveðið af yfirvöldum hvort þau ætli að styðja alla til þjónustunnar.
Annars skil ég ekki af hverju þetta er ekki hluti af bólusetningaráætlun heilbrigðiskerfisins. Eru ekki öll stúlkubörn enn bólusett gegn rauðum hundum þegar þær eru 12 ára? Til varnar því að hugsanleg afkvæmi þeirra verði fyrir skaða á fósturstigi? Er eitthvað minna mikilvægt að vera með viðleitni til að koma í veg fyrir ömurlegan sjúkdóm, sem þær (löngu fæddar og orðnar til) hugsanlega gætu fengið?
,,...er nóg að gera það einu sinni með einum aðila - og hver hefur ekki gert það?"
Iss, ekki hef ég stundað kynlíf og er löngu orðinn tvítugur. Ég er reyndar ekki með legháls, heldur gúmmíháls. Enda gúmmíkjúklingur...
Voðalega eruð þið kvenfólkið annars gallað. Þurfa að blæða í nokkra daga á mánuði, án þess að drepast, þar til komið er á fimmtugsaldur og þá taka við hitaköst, enn meiri skapsveiflur (enn meiri segi ég, því þær voru miklar fyrir) og svo skorpið skuð. Ég treysti engu sem gerir það.
Hvað er það annars sem gerir ykkur svona lauslátar? Er það eitthvað í téðum leghálsi? Máski eitthvað af þessum hormónum sem gerir ykkur svona dásamlega stjórnsamar og viðkvæmar um leið? [Klórar sér í höfðinu]
Þú hefur eitthvað misskilið Jóakim. Það er verið að tala um (illa orðaðan) bækling um leghálskrabbamein og hvernig á að fyrirbyggja það, en ekki lauslæti. Óskiljanlegt hvað fólk vill alltaf tengja þetta tvennt saman.
Ég er ekki sammála því Regína að textinn sé illa orðaður.
Sé hann lesinn án þess að reyna að kveða að eins og í vísu, Þá er þetta bara ágætis áminningartexti.
Enda setti ég það í sviga Grýta. Félaxritið var sett hér af því að Ívari fannst textinn illa upp settur, og hafi hann þökk fyrir.
Ég er núna búinn að berjast í gegnum þetta félaxrit og fylgitexta... Og ég verð að segja... Stelpur, konur, frýr kellingar og dömur. Fyrir alla muni hættið að taka lífið og svona djö.... alvarlega. Það er verulegt áhyggju efni fyrir okkur kallpeningin hvað þið hafið lítinn húmor fyrir sumum hlutum... T.d. Ívari, Jóka og kynsjúkdómum... Af hverju dettur ykkur öllum í hug lauslæti þegar minnst er á þessa hluti...?
Mér dettur ekki í hug lauslæti þegar það er talað um leghálskrabbamein, ívar eða Jóka.. <klórar sér glottandi í höfðinu>
Mig hefur samt lengi langað að sjóða Jóakim.
Villimey notar þarna þekkt orð meðal kvenna, þ.e. ,,sjóða", en það ku þýða ,,fleka" á kvenzku. Þetta orð var farið að nota sem lykilorð fyrir téðar náttúrukenndir strax upp úr aldamótum og voru mikið notuð í svk. ,,SMS-skilaboðum" milli unglinga um langt skeið. Skeyti eins og ,,Mig langar að sjóða þig í kvöld" og ,,Eigum við að sjóða eitthvað heima hjá mér á morgun" breiddust eins og eldur um smára geimsíma gelgna á fyrstu árum geimaldarinnar.
Meira um orðsifjafræði síðar. Skál og vindútleysur!
Stundum þegar ég er að horfa á sjónvarpið þá langar mig bara í eitthvað í gogginn. Kannast ekki einhver við þetta?
Krumpa verður sennilega að tak erfingjann með sér til útlanda og kaupa þar svona sprautu fyrst að heilbrigðisstafsmenn eru á móti því að selja þær.
Spurning hvort ekki væri hægt að semja við tann eða lýtalækni um að sprauta þessu þeir hafa hingað til verið óhræddir við að rukka fyrir þjónustu sem er ekki niðurgreidd.
annars er gaman að þið skuluð notfæra ykkur þessa kærkomnu sumaropnun í gáfulegar umræður um mál sem skipta máli í staðinn fyrir að spila mafíu eða henda teningaruslinu.
Ég hefði haldið það... Kommentið hjá mér, það er miklu skemmtilegra enda þetta þarft umræðuefni. Ég lofa því að næst þegar ég skrifa félagsrit þá verður það líka efnislega um framsetningu frá Krabbameinsfélaginu. Það félag vinnur þarft starf en þarf aðeins að endurskoða framsetningu efnis.
Fyrir það fyrsta þá myndi ég senda þetta bréf í lokuðu umslagi.
Í öðru lagi þá er það framsetningin, ekki orðleg, heldur uppsetningarleg.
Nei, hann er svindljóakim, ekki svindlari. Voruð þjer kannski að lesa Íslendingabók ?
Mér finnst að ég eigi nú að vera fyrir ofan því ég fer alveg að eiga rafmæli.
En eftir að þjer hafið átt rafmæli verður það Jóakim en eigi þjer sem fer alveg að eiga rafmæli. Á hann þá að verða fyrir ofan en þjer svo aftur fyrir ofan þegar hann er búinn að eiga rafmæli ? [Klórar sjer í höfðinu]
Það stefnir nú meiraðsegja í að ég muni eiga rafmæli, þeas ef fáráðlingarnir í ritstjórn loka ekki í þessum mánuði.
En annast skál ! Ég er þyrstur.
Jóakim með jesúmynd
jóðlar út um nebba
birtir sína sönnu synd
og sængar títt hjá Hlebba
Hlewagastir heldur rýr
hangir inni á klóinu
frilla hans er kynleg kýr
klæmist hann á póinu.
Jæja, ætli maður verði ekka að spandera í einn belg fyrir þig líka, kúturinn. [Kæmist líka við Ívar]
Ég mun líka eiga rafmæli.
Þetta mun að öllum líkindum.. ef enginn fer að TROÐA sér.. vera athugasemd númer 100!
Veeeei!