— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Sálmur - 3/12/08
Til herra Pouls Thomsens - lag

[url=http://baggalutur.is/gestapo/profile.php?mode=viewprofile&u=1821&n=7413]Günther Zimermann orti undir stolnum bragarhætti ljóð til málsvara Alþjóða gjaldeyrissjóðsins [/url]og það varð mér innblástur til tónsmíðar.

Tónsmíðina má nálgast HÉR

Þú stendur á hræi látins lands
og lánin okkur býður þiggja,
í þinni hendi þræðir liggja
til forræðistaps og fjötrabands.
En sumir fundu flóttaleiðir,
framhjá vöktun arka gleiðir.
Þótti þér ekki Ísland þá
aflögufærast til að sjá?

Þú gengur um hverfin næstum ný
nærfellt fokheld, hvergi hræða.
Hérna vindar og veður ræða
við tómið, hver hefði trúað því?
Á þessum heiðum faldist fyrrum
fé í lautum, öskup kyrrum.
Þykir þér ekki að Íslands hjú
ógæfu næga þoli nú?

Hjáfræðin alla deyfðu dáð,
duginn löttu, efann kæfðu,
vitið hæddu, hugsun þæfðu,
„háskólum" út um allt var stráð.
Samt er þakkað þeim er færðu
þekkinguna í svað og ærðu.
Nú, kannski verðbréf verndað fá
vitið hégómans fjalli á?

Þvílíkar færum þakkir vér
þér, sem úr fylgsnum auðhyggjunnar
gersemar, áður aldrei kunnar,
með óþrjótanda afli ber.
Heill sér þér, Paul, og heiður mestur!
Hjá oss sat aldrei dýrri gestur.
En kannt þú að finna kóna þá
er kollsteyptu okkar þjóð í vá?

   (41 af 287)  
3/12/08 06:01

Günther Zimmermann

Það er aldeilis, ha.

3/12/08 06:02

Skabbi skrumari

Ég verð nú bara að segja eins og er að þetta er snilld.. þó textinn hafi verið sterkur fyrir þá eykur þessi tónlist töluvert á áhrifin... Skál til ykkar félagar... Í spilun strax.

3/12/08 06:02

Grágrímur

Flott, bæði texti og lag.

3/12/08 07:00

Upprifinn

JÁ.

3/12/08 07:01

Flatus

Alveg sérdeilis prýðilegt!

3/12/08 07:01

Z. Natan Ó. Jónatanz

Lofsvert framtak á flestan máta. Nöturleg stemmning kvæðisins skilar sér prýðilega í hráslagalegu tónmálinu, & resítatívur talsöngurinn er vel viðeigandi framan af laginu & undir lok þess (áhrifiin minna eiliítið á eitt eða tvö gömul Bubbalög frá Egó- eða Utangarðsmannatímanum). Þó hefði mitt háþróaða tóneyra gjarnan kosið að heyra aðeins lýrískari & lagrænni melódíu þegar á líður lagið, t.d. um miðbikið (í 2. &/eða 3. erindi). Lokaerindið er afturámóti alveg ´spot-on´ – vel útfært með hæfilega leikrænni túlkun

Habbðu lof & prís fyrir tónverk þetta.

3/12/08 07:01

Wayne Gretzky

Þú ferð ekki rétt með fyrstu línuna í seinasta erindinu. eða hvað.

[Klórar sér ]

3/12/08 08:00

Ívar Sívertsen

Skáldaleyfi minn kæri... og smá klúður í bland.

3/12/08 08:02

Ívar Sívertsen

Z. Natan: Hugmyndin var að af því að Günther kvað þetta pínu stolið þá fannst mér lagasmíðin verða að vera pínu stæld alla vega.

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!