— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Gagnrýni - 1/11/07
Bjórinn Gullfoss

Nú ætla ég að hella mér út í það að gagnrýna bjór (sem reyndar er kallaður blútur á máli innfæddra en verður kallaður bjór til að utanaðkomandi geti notið umfjöllunarinnar).

Um helgina keypti ég mér íslenskan bjór sem ber nafnið Gullfoss. Ég hélt í framhaldinu í partý þar sem ég hóf svo að drekka bjórinn. Hann var ekki kaldur og því var kannski ekki ástæða til að kneyfa hann hratt og stíft. Það gaf mér tækifæri til að dæma bragðið frekar. Það verður að segjast eins og er að bragðið af honum er frekar óspennandi. Þetta er svona bjór sem maður fær sér kannski eftir kvöldmatinn og maður gleymir bragðinu um leið og flaskan klárast. Ég gef honum eingöngu tvær stjörnur. Önnur er vegna þess að ég gæti trúað að það væri gott að drekka hann ískaldan til að slökkva þorsta. Svo er miðinn svolítið smart á honum. Það reyndar vakti mikla kátínu í partýinu það sem stóð aftan á miðanum... Þar kom fram að ekki væru rotvarnarefni eða viðbættur sykur í bjórnum frekar en fossinum sjálfum. Framleiðendur Gullfoss bjórsins verða að gera betur ef þeir ætla að ná markaðnum.

   (56 af 287)  
1/11/07 03:02

Þarfagreinir

Kom kannski Geysir upp úr þér þegar leið á kvöldið?

1/11/07 03:02

Ívar Sívertsen

Nei... en sá bjór er víst í framleiðslu hjá sama fyrirtæki... En nei, ég lék ekki rútubílstjóra þegar leið á.

1/11/07 03:02

Bu.

Viking er bestur.

1/11/07 03:02

Ívar Sívertsen

Ég kem að Viking síðar. Þetta er ákveðin aðferð hjá mér til að geta fengið mér mjög reglulega bjór án þess að Hexia fari að kvarta. Ég er jú að sinna fræðistörfum.

1/11/07 03:02

Hexia de Trix

[Stelur skilríkjunum af Íbba svo hann komist ekki aftur í Ríkið]

1/11/07 03:02

Ívar Sívertsen

það er nú ár og dagur síðan ég hef verið spurður um skilríki þar.

1/11/07 03:02

Upprifinn

rosalega ertu unglegur Íbbí það eru að minnsta kosti tuttugu ár síðan ég var beðinn um passa í ríkinu.

1/11/07 03:02

Günther Zimmermann

Gullfoss, verður ekki að markaðssetja hann sem Golden shower í útlöndum?

1/11/07 03:02

Ívar Sívertsen

Jú, enda óttalegt piss.

1/11/07 03:02

Þarfagreinir

[Deyr úr hlátri yfir undanförnum tveimur orðabelgjum]

1/11/07 03:02

Skabbi skrumari

Gullfoss ó gullfoss
þig glaður teyga

segi svona... hef ekki smakkað... góð umfjöllun og umræðan ekki verri... Skál

1/11/07 04:00

Huxi


Bágt veitir böl,
Bjór eður öl.
Göróttur gambri
í Gullnu pisshlandi.

1/11/07 04:00

hvurslags

[grípur um kvið sér og leggst í fósturstellingu á jörðina, emjandi af hlátri yfir Günther og Ívari]

1/11/07 04:00

Jóakim Aðalönd

Það merkilega er að bjórinn er raunverulega bruggaður úr vatni Hvítár. Pælið í því...

1/11/07 04:00

Garbo

[Klappar bjórnum]

1/11/07 04:00

krossgata

[Hlær óskaplega að Günther ofl.]

Ég hélt þetta væri rit um nýjasta gæludýrið á heimilinu.

1/11/07 04:00

Jóakim Aðalönd

[Hermir eftir Galdra]

Hey! Út með helvítis bjórinn áður en hann nagar staðinn niður í tannstöngla!

1/11/07 04:00

Villimey Kalebsdóttir

[Fer að hlæja]

[Skrifar hjá sér að smakka ekki Gullfossarbjórinn]

1/11/07 04:01

Bu.

Gullfossar?

1/11/07 04:01

Hexia de Trix

Já, vissirðu ekki að feministar komust yfir Gullfoss og ákváðu að nafnið Gullfoss væri kvenkyns? Beygist eins og Guðlaug:
Gullfoss
Gullfossu
Gullfossu
Gullfossar

1/11/07 05:01

Sundlaugur Vatne

Já, Ívar, ég bragðaði einmitt.... eh, vinur minn, sem ég þekki, bragðaði einmitt á þessu á öli og þótti lítið til koma. Nú vaða menn á markað með hin og þessi íslenzk vörumerki á ölflöskum og ég verð að segja að þetta virðist allt saman vera óttalegt sull... sko finnst vini mínum, sem ég þekki... og er þá sama hvort ölið heitir Kaldi, Skjálfti, Gullfoss eða Grillo.
Sjálfum finnst mér nú... ég meina vini mínum, sem ég þekki, Egils Premium bera af íslenzku öli þó Jökull hafi einnig komið skemmtilega á óvart... fannst vini mínum, sem ég þekki, sko.

1/11/07 05:02

Hexia de Trix

Þú átt góðan vin Sundi minn. Þarna kemur berlega í ljós hvað vináttan er fallegt fyrirbæri.

1/11/07 06:01

Dexxa

Ég hef nú ekki fengið tækifæri til að bragða þennan bjór.. En miðað við framleiðandann þá kemur á óvart að hann skuli ekki slá í gegn.. En ætli ég verði ekki bara að prófa líka, það hafa nú ekki allir sömu skoðun..

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!