— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Dagbók - 5/12/07
Skýrsla leynilegrar sendiferðar

Þann 8. maí síðast liðinn fór ég í sendiför á vegum ríkisstjórnar Baggalútíu. Með í för voru Hexia de Trix, Línbergur Leiðólfsson og Næturdrottningin. Við höfðum það að aðalmarkmiði að endurheimta keisaradæmið sem samsett var út Austurríki og Ungverjalandi hér á árum áður.

Þann 8. maí höfðum við fjórmenningarnir dulbúið okkur sem kórmeðlimi í Kammerkór Hafnarfjarðar. Hexia faldi sig í altinum, Línbergur var meðal bassanna, Næturdrottningin kom sér fyrir í sópraninum og ég plantaði mér í tenórinn. Ferðin hófst snemma að morgni þannig að fáir voru á ferli. Farið var með sardínudós frá Primera air og var flugferðin í alla staði óánægjuleg fyrir þrengsla sakir. Flugið tók tæpa fjóra tíma og var lent á Ferihegy flugvelli í Budapest. Þar beið okkar rúta sem ók með okkur til Vínarborgar.

Í október síðastliðnum höfðum við Hexia hertekið Ungverjaland með trompi og því var ekkert annað en að reyna hið sama með Austurríki. Vissulega gátum við ekki dulbúið okkur á sama hátt og áður og því var kór frábær dulbúningur. Okkur grunaði að þetta yrði erfitt verk því ýmislegt í Austurríki ber nafn Franz Josef fyrrum keisara. Hótelið sem við bjuggum á hét meðal annars Hotel Kaiser Frans Josef en heitir í dag Hotel Kaiser Herbjörn Hafralóns.

Öll stræti og torg sem borið hafa nafn þessa Franz Josef bera nú nafn Herbjarnar.

Ríkisstjórn Austurríkis tók okkur vægast sagt ekki fagnandi. Reynt var að senda á okkur hersveitir, lögreglu, organista, munka og presta en allt kom fyrir ekki. Við börðumst hatrammlega gegn þessu að því er virðist ofurefli en við höfðum samt sigur. Austurríki og Ungverjaland var sameinað aftur í keisaradæmi og hefur veldissprotinn nú þegar verið afhentur Herbirni.

Austurríkismenn hafa alltaf þótt miklir skrifræðismenn og kostað það mikla pappírsvinnu að yfirtaka landið. Það hafðist fyrir rest og hafa öll skjöl verið afhent forsetaembættinu í fimmriti í viðeigandi möppum. Búumst við við að eyðublaðakerfið verði stóraukið og gert ítarlegra til að auðvelda forseta vorum starf sitt.

Eitt sem vakti athygli okkar í Austurríki var Vínarsnitsel. Við gæddum okkur á slíkum mat nokkrum sinnum og komumst að þeirri niðurstöðu að það er mjög útbreiddur misskliningur á Íslandi að Vínarsnitsel skuli vera eins og hertir skósólar. Vínarsnitsel er mjúkt og bráðnar uppi í manni. Reynt verður að kenna Íslendingum að matreiða Vínarsnitsel rétt. Þegnar Baggalútíu þurfa hins vegar ekki á þessari kennslu að halda þar sem þessi staðreynd er þekkt fyrir í okkar ástkæra ríki.

Við flugum frá Budapest með téðum kór í sömu flugvél og verður að segjast eins og er að það hlýtur að vera ólöglegt að stafla fólki eins og síld í tunnu um borð í flugvélar. Það sem mér fannst sérstaklega ergilegt hvað pækillinn fór illa í augun á mér. Það voru þreyttir og súreygðir Gestapóar sem lentu á Keflavíkurflugvelli kl. 03.30 aðfararnótt 13. maí.

Sem sagt: Baggalútía ræður nú yfir hinu forna keisaradæmi Austurríki-Ungverjaland. Herbjörn hefur þegar fengið veldissprotann og forsetinn öll gögn um valdatökuna og stjórnskipan og hvernig landinu sé best að stjórna.

Við Hexia höfum komist á snoðir um neðanjarðarandspyrnuhreyfingu í grennd við París í Frakklandi og munum við fara þangað í leynilega sendiför innan skamms til að berja niður andspyrnuna. Því miður verður ekki hægt að gefa upp tímasetningu á þeirri ferð þar sem um mjög skæða hreyfingu er að ræða.

   (71 af 287)  
5/12/07 18:01

Offari

Ganngi þér vel að endurheimta stórveldi Baggalútíu við verðum hinsvegar að vera vel á verði því óvinir ríkisins geta verið skæðir í árásum sínum.

Það er hinsvegar spurning fyrst Herbjörn er okkar keisari hvort við ættum ekki að breyta gjaldmiðli okkar í teninga´? Því mér finnst peningar vera orðnir frekar gamaldags.

5/12/07 18:01

Hexia de Trix

Þú gleymdir nú að taka það fram hvert áhrifaríkasta vopnið okkar var í þessari yfirtöku: Nefnilega að kaffæra farþega sporvagnakerfisins í hávaða (með hláturskast að vopni) þannig að innfæddir sigu samstundis á hnén og báðust vægðar. Ef ekki hefði verið fyrir þetta vopn okkar er ekki víst að yfirtakan hefði gengið svona vel fyrir sig.

5/12/07 18:01

Herbjörn Hafralóns

Ég verð líklega að fara og láta sjá mig þarna úti. [Ljómar upp]

5/12/07 18:01

krossgata

Stórkostlegur árangur. Til hamingju!

5/12/07 18:01

Nermal

Flott hjá ykkur. Ég hefði viljað hjálpa ykkur en þar sem ég er laglaus hefði ég tæpast getað dulbúist sem kórmeðlimur. Auk þess þurfti einhver að gæta virkisins hér heima.

5/12/07 18:01

Jóakim Aðalönd

Austurríki innlimað í Baggalútíska heimsveldið! Betra verður það varla. Skál og prump!

5/12/07 18:01

Günther Zimmermann

Næsta markmið hlýtur að vera að endurreisa keisaradæmi Karlamagnúsar, sem náði yfir Frakkland, Þýzkaland og eitthvað lengra austurúr.

5/12/07 18:02

Hvæsi

Þetta getið þið.
En hvenar takið þið parís ? Máske ég aðstoði ykkur.
<Hnyklar bumbuna>

5/12/07 18:02

Kargur

Ég þakka þér og herdeild þinni kærlega fyrir unnin störf í þágu Baggalútíska heimsveldisins. Skál.

5/12/07 18:02

Vladimir Fuckov

Skál fyrir vel heppnuðum hernaðaraðgerðum ! Vjer leggjum hjer með formlega til að Vín nefnist hjer eftir Ákavíti [Ljómar upp].

5/12/07 18:02

Skabbi skrumari

Frábær árangur... styð hugmyndir Vlads... Skál

5/12/07 19:00

Ívar Sívertsen

Jah, Hvæsi. Á dulmáli myndi ég segja að við færum 12 dögum fyrir þjóðhátíðardaginn og dveljum í viku.

Stórkostleg hugmynd Vlad! Borgirnar Graz og Linz heita hér eftir Vladz og Vladbaden. Saltzburg heitir nú Ivarsburg. Budapest heitir nú Hexiagrad.

5/12/07 21:02

Næturdrottningin

Já, okkur tókst vel upp og erum við ánægð með vel unnin störf. Enda ekki annað hægt, þar sem við stóðum okkur með eindæmum vel og við komum ekki upp um okkur. Enda urðum við algjör hluti af kórnum

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!