— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Dagbók - 1/11/06
Seinni hluti njósnaferðar Ívars og Hexiu

Allt hafði gengið frekar vel fyrir sig með örfáum undantekningum og listinn yfir óvini ríkisins orðinn lengri en nokkru sinni. Laugardagskvöldið var vægast sagt fróðlegt.

Ég smyglaði mér hópnum inn í rútu og þóttist vera einn af þeim. Ferðinni var heitið af hótelinu og í nýlistasafn Budapestborgar, sem er staðsett við Hetjutorgið. Þar var tekið á móti okkur með fordrykk. Kammersveit frá ríkisóperu Budapest lék dinnertónlist og þótti mér sá hópur í hæsta máta vafasamur. Óvinaóþefurinn var kominn á hátt stig.Mér fannst kontrabassinn vera þess legur að hann gæti geymt vopn af einhverju tagi. Okkur var hleypt ásamt öðru fólki inn í aðalsalinn og fékk fólk sér þar mat. Fyrr nefnd kammersveit hélt áfram að njósna um okkur og svo kom liðsauki í formi sópransöngkonu frá fyrrnefndri ríkisóperu. Þegar þeir njósnarar höfðu lokið störfum þá tók ekki betra við. Hersveit sem dulbúin var sem kór úr sveitarfélaginu Györ stormaði inn, varnaði okkur útgöngu og fór að syngja yfir okkur ungverska áróðurssöngva. Til að reyna að afvegaleiða okkur söng hersveitin svo í lokin „Úr útsæ rísa Íslandsfjöll“ en við Hexia létum ekki slá okkur út af laginu. Eftir það smalaði hersveitin viðstöddum út fyrir húsið og hófst þar mikil skothríð. Við hlupum náttúrulega í skjól og földum okkur fyrir óvinum ríkisins sem skutu á okkur í ríflega hálftíma. Eftir það var farið inn í húsið. Skommu síðar laumuðumst við út og fórum inn á hótel. Þar beið Hexiu pappírsvinna en ég hélt áfram að hlera á hótelbarnum og sinna um leið rannsóknum á áhrinfum vökva á ónæmiskerfi líkamans. Morguninn eftir var síðan farið sömu leið til baka heim á leið.

Þetta eina kvöld telst mér til að ríflega 80 manns hafi farið á listann yfir óvini ríkisins. Vladimir fær nöfnin send ásamt öllum staðreyndum um hvern og einn og myndum.

Niðurstöður rannsókna minna á eiturefnavökvum eru þær að ég er með bráðaofnæmi fyrir eftirköstum mikillar áfengisneyslu. Það lýsir sér í uppköstum, þrútnu andliti og mikilli þreytu. Mér telst til að frá hádegi á föstudegi fram til klukkan 3 aðfararnótt laugardagsins hafi ég immbyrt 5 - 6 lítra af efnum sem vísast til myndu ekki flokkast sem heilnæm af heilbrigðisstofnunum. En ég fórna mér alltaf fyrir ríkið!

Við Hexia höfum ekki fullkannað þessar slóðir. Við munum með vorinu bregða okkur í næsta nágrenni og kanna svæði þarna ögn vestar. Rétt áður en við fórum út á flugvöll þá steyptum við stjórn Ungverjalands og tókum völdin. Hér með höfum við full yfirráð þar.

   (87 af 287)  
1/11/06 02:01

krossgata

[Varpar öndinni af feginleika]
Mikið er ég fegin að ykkur tókst að koma að þessu lítilræði að steypa stjórninni og taka völd í Ungverjalandi.

1/11/06 02:01

Grágrímur

Velkomin aftur. Það hefur verið of rólegt hérna síðan þið fóruð.

1/11/06 02:01

Huxi

Þið eruð sannar hetjur. Ég vænti þess að þið verðið bæði sæmd orðunni Hetjur Baggalútíu við fyrsta tækifæri. [Muna að senda memó til Hakuchi]

1/11/06 03:01

blóðugt

Velkomin heim!

1/11/06 03:01

Tæknileg mistök

Ég hefði betur farið með.

1/11/06 03:01

Garbo

Það er alltaf gott að vita að það eru einhverjir sem eru tilbúnir að fórna sér fyrir ríkið svo að við hin getum sofið róleg. Vel gert.

1/11/06 03:02

Vladimir Fuckov

Vjer fögnum mjög lokaorðum fjelagsritsins [Ljómar upp og hlakkar til að bæta mörgum nöfnum við listann yfir óvini ríkisins].

1/11/06 04:01

Ívar Sívertsen

[afhendir Vlad skýrslu í fjórriti á íslensku og ungversku með skýringum, leiðbeiningum og fullt af myndum]

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!