— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Dagbók - 10/12/06
Eldavélin

Enn er Hexia í rannsóknarferð meðal óvina ríkisins

Í gær ætlaði ég að gefa afkvæmunum að éta. Ég hafði keypt eitthvað helvítis jukk í rottuholubúiðinni hér rétt hjá og tók fram pönnu. Ég setti smá díselolíu á pönnuna þar sem menn tala alltaf um að steikja upp úr olíu og skellti síðan jukkinu í það. Mér var sagt að láta þetta malla. Ég stillti gæðatakkann á eldavélinni á 1 og taldi mig nú hafa stillt á fyrsta flokks eldamennsku. Ég beið lengi og ekkert gerðist á pönnunni en ég var farinn að veita því athygli að plasthillan sem hangir fyrir ofan eldavélina var farin að beyglast eitthvað. Ég prófaði annan gæðatakka og núllaði hinn. Eftir all langa stund fór eitthvað að gerast, alla vega fannst mér einhver velgja komast í díselilnn. Ég smakkaði á þessu en mikið andskoti smakkast díselolía illa, ég er eiginlega mest hissa að fólk skuli nota þetta. Átti ég kannski að nota smurolíu? Eða steinolíu? Hvað um það. Ég náði í gaffal og fór að pota í jukkið sem maraði í hálfu kafi í díselnum og það tók að losna í sundur. Mér var hætt að standa á sama því ég hélt ég væri að búa til einhvers konar steikarhleif. Ég leit á umbúðirnar og á þeim stóð KJÖTFARS. Ég reyndi að moka þessu saman með gafflinum og hnoða í einhvers konar haug en það hafði ekkert að segja. Þetta var svona eins og kúkar á floti í klósetti og lyktin eins og á illa reknu bifvélaverkstæði. Ég hugsaði með mér að það væri kannski ágætt að flambera draslið með smá konnara og sótti fleyginn. Gumsið var ekki meira en hlandvolgt á pönnunni þrátt fyrir fyrstu gæðastillingu. Alla vega þá skvetti ég slurk af konna í díselinn og sótti kveikjara. Eitthvað hef ég líklega sett of mikið af konnanum því nú sit ég hér eins og hálfsköllóttur maður án augabrúna. Eldhúsið sem var hvítt er orðið svart að hluta og gumsið á pönnunni er nú kolamolar í ruslatunnunni. Kvöldmaturinn í gær samanstóð af hálfmygluðu brauði og útrunnu hangikjöti. Með því var drukkið kaffi og dæturnar sofnuðu um þrjú í nótt!

p.s. HEXIA!!! KLÓSETTPAPPÍRINN ER BÚINN OG MOGGINN ER AÐ KLÁRAST LÍKA, HVAÐ Á ÉG AÐ GERA?

   (90 af 287)  
10/12/06 02:01

Útvarpsstjóri

Kemur ekki nýtt fréttablað á hverjum degi?

Hvenær ætlarðu að bjóða mér í mat, mér sýnist þú vera abbragðskokkur.

10/12/06 02:01

Anna Panna

Frábært hjá þér Ívar, þetta er mun betra en nokkur þorði að vona!

10/12/06 02:01

Nornin

Hexía ætti að bregða sér oftar frá... dæturnar eru amk ekki dánar úr matareitrun ennþá... en ég þakka samt fyrir að þær fái að borða í skólanum!

10/12/06 02:01

Andþór

Ja, það er vandlifað í þessum heimi.

10/12/06 02:01

Hvæsi

Þú stendur þig bara vel Ívar minn.
Ég átti von á mun verra ástandi.
Heng in ðer böddí !

10/12/06 02:01

Offari

Ívar mer hefur alltaf fundist það þjóðráð að panta pizzu þegar konan mín breggður sér í bæinn. Ég mæli með því að þú farir að mínum ráðum því það má alltaf nota umbúðirnar til að skeina sér.

10/12/06 02:01

Carrie

Já minn kæri, ég veit svo sannarlega hvað þú ert að ganga í gegnum. Ég bjó eitt sinn með manni sem einmitt rauk til útlanda og skildi mig eftir með öll heimilistækin og heimilisverkin án karlmanns til að sjá um þau. Ég flutti á hótel daginn eftir og var þar þar til maðurinn sneri heim. Úff þetta var hræðilegasti sólarhringur lífs míns. Mæli með Hótel Borg.

10/12/06 02:01

Vladimir Fuckov

Þetta virðist ganga þolanlega miðað við það sem búast mátti við, þó kannski ívið verr en fram kom í síðasta fjelagsriti [Heldur niðri í sjer hlátrinum en gengur það illa].

Vjer fullvissum yður þó um að barátta gegn óvinum ríkisins er þess virði að verða fyrir 'lítilsháttar' óþægindum [Virðir fyrir sjer rústirnar af rannsóknastofu C á sviði gjöreyðingarvopna].

10/12/06 02:01

Ívar Sívertsen

Ég er alla vega búinn að finna upp nýtt gjöreyðingavopn... KJÖTFARS Í DÍSELOLÍU!

10/12/06 02:01

B. Ewing

Það eru bara nokkrir dagar efir. Þú ert á hvínandi flugi, láttu vaða í aðra stórfenglega 4ra rétta máltíð og núna á ekki að nota neinn konnara... bara pjúra vodka yfir allt heila klabbið og ég skal meira að segja lána þér eldvörpuna mína!

10/12/06 02:01

krossgata

Súrmjólk, cheerios, kornflex, mjólk. Ekki annars gleyma Konna í gjöreyðingarvopnauppskriftinni.
[Staulast út og heldur um magann af hlá...]

10/12/06 02:01

Ívar Sívertsen

Nei... ég held að konninn sé fínn að drekka á meðan verið er að malla kjötfars í dísel.

10/12/06 02:01

Dula

Þú ert krútt.

10/12/06 02:01

Anna Panna

Hvernig er það, nú er ég orðin mjög forvitin um þessa eldamennsku eftir lesturinn, verður ekki boðið upp á kjötfars í dísel á Trökkeradænernum?!

10/12/06 02:01

Upprifinn

ja getur kellingin ekki bara sjálfri sér um kennt? aldrei hefði mín þorað eitthvað svona áður en börnin voru farin að elda sjálf.

10/12/06 02:02

Gísli Eiríkur og Helgi

Elsku Ívarinn minn ég skil þig

10/12/06 03:00

Kondensatorinn

Kannski er eldavélin biluð en margar merkar uppfinningar hafa orðið til óvart eins og þetta nýjasta gjöreyðingavopn.

Til hamingju.

10/12/06 03:00

Vladimir Fuckov

[Rennur á hljóðið]
Nefndi einhver gjöreyðingarvopn ? [Ljómar upp og fer fram á nákvæma skýrslu frá Ívari um tjón af völdum þessa meinta gjöreyðingarvopns]

10/12/06 03:01

Ívar Sívertsen

Kjötfars
Dísel
Koníak...

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!