— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Pistlingur - 10/12/06
Elsku besta Hexia

Farin yfir höf og lönd til að fræðast um óvini ríkisins.

Elsku hjartans galdrafyglið mitt. Ég hef reynt að tjónka við Dívu Sívertsen-DeTrix og Prímadonnu Sívertsen-DeTrix í allan dag og ekkert gengið. Það er gargað á mömmu sína. Sívertsensetrið iðar af illsku og gráti. Ég hef boðið þeim allt, sleikjó, íspinna, gosdrykki og góssið sem tekið var úr spíttbátnum útá landi um daginn en ekkert virkar. Ég náði að svæfa þær með góðgæti frá Vímusi í kvöld en þær vakna líklega afskaplega hressar í fyrramálið. Það var afskaplega illa hugsað hjá þér að fara á þessum tíma til að eiga við óvini ríkisins. Vlad hefði mátt sjá um þetta. Ég þvoði föt í dag en þau komu 5 númerum minni úr þvottavélinni. Er takkinn með tugatölunum ekki mínútumælir? Mér fannst vélin alla vega ekki fara mikið eftir honum. Takkinn með stöku númerunum, er hann ekki fyrir það hvar í forgangi þvotturinn er? Mér finnst þetta asnalegar stillingar. Mér finnst að þvottavélin okkar ætti bara að hafa tvær stillingar, þvo og ekki þvo. Straujárnið skildi eftir vörumerki sitt á þeim flíkum sem ég straujaði og uppþvottavélin skilaði affallsvatni á gólfið svo ég þurfti að skúra með nærbol af Dívu. Ferðu ekki að koma heim þarna fiðraða kakókelling?

kveðja

þinn Ívar Sívertsen

p.s. HVERNIG SLEKK ÉG LJÓSIN Á GANGINUM???

   (91 af 287)  
10/12/06 00:00

krossgata

[Emjar af ...]
Þú ættir kannski að reyna að malla kakó bara.

10/12/06 00:00

Offari

Er kakóskorturinn strax farinn að segja til sín hjá Sívertsen fjölskyldunni?

Sjáumst hressir um helgina.

10/12/06 00:00

hvurslags

Hun er kannski bara i felum bak vid eldavelina.

10/12/06 00:00

Grágrímur

[tekur þátt í emjum Krossgötu...]

10/12/06 00:00

Útvarpsstjóri

Sláðu bara út rafmagninu á allri íbúðinni, þá hætta þvotta- og uppþvottavélarnar að vera með leiðindi og ljósin á ganginum slokkna.

10/12/06 00:00

Dula

Almáttugur hvað þú ert sætur.

10/12/06 00:00

Vladimir Fuckov

[Tekur undir með krossgötu og Grágrími]
Barátta gegn óvinum ríkisins er þess virði að verða fyrir 'örlitlum' óþægindum.

10/12/06 00:00

B. Ewing

[Emjar af hlátri] Það er alltaf hægt að fylla íbúðina af reyk, þá hljóta allir að róast...

10/12/06 00:00

Regína

Bíddu rólegur. Ef hún verður nógu lengi í burtu þá verður hún óhress með það þegar hún kemur heim að þær segja bara: Pabbi Pabbi, nema rétt á meðan hún tekur upp úr töskunum.
Farðu svo bara með þvottinn í hreinsun.

10/12/06 00:01

Anna Panna

Jahá, þér gengur nú satt best að segja bara betur en ég hélt!

10/12/06 00:01

Huxi

Ég skil alveg hvað þú ert að skrifa, en hvert er vandamálið? Þetta er bara eðlilegt, og jafnvel frekar gott ástand hjá þér, miðað við það sem flestir karlar þessa lands hafa þurft að þola undanfara áratugi.

10/12/06 00:01

Galdrameistarinn

[Vonast til að lenda aldrei í Ívars sporum]
En mikið svakalega er þetta samt fyndið.

10/12/06 01:00

Jóakim Aðalönd

Þetta er gargandi fyndið. Hvernig förum við einhleypingarnir eiginlega að þessu? Alla vega, ég kíki til þín annað kveld. Þá verður allt betra, með einni skál af ákavíti!

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!