— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Pistlingur - 6/12/06
Í sumarbyrjun

Það hefur hvisast út sá orðrómur að ritstjórn - sem ekki hefur látið sjá sig á Gestapó í langan tíma - ætli að loka hér 1. júní. er það virkilega nauðsyn?

Mér líst svona mátulega á þetta núna þar sem svo margir treysta á félagsskap Gestapóa yfir sumarið. Eins mánaðar sumarlokun hefur oftar en ekki orðið að þriggja mánaða lokun og því fólk orðið all verulega pirrað við opnun. Í haust sem leið var byrjað á upphafsreit svo að segja þar sem öll innlegg voru horfin. Félagsritin héldu sér. Mér finnst alveg þess virði að ítreka það að fólk taki afrit af þeim skrifum sem það hefur látið frá sér ef þau eru þess virði að eiga þau eins og til dæmis kveðskapur og önnur spakmæli.

Ég vona að Enter elskulegur og hinir sykurpúðarnir í ritstjórn geti séð sér fært að hafa sumarlokunina bara einn jarðarmánuð ef af verður.

Ég vona að við eigum eftir að eigast við aftur eftir lokun... ef af verður!!!

LIFI SANNLEIKURINN!

   (92 af 287)  
6/12/06 06:01

Skabbi skrumari

Já... sammála þessu...

Lifi sannleikurinn...

6/12/06 06:01

Vladimir Fuckov

Vjer tökum undir þetta allt. Öfugt við það sem var í árdaga Gestapósins í u.þ.b. núverandi mynd erum vjer reyndar núna fylgjandi einhverri sumarlokun en þrír mánuðir eins og í fyrra er alltof langt. U.þ.b. 6 vikur teljum vjer nokkuð hæfilegt.

Jafnframt bendum vjer á að einhverjir eru eflaust reiðubúnir að aðstoða við rekstur Gestapósins ef á þarf að halda.

Skál !

6/12/06 06:01

Sundlaugur Vatne

Lifi hvað???

6/12/06 06:01

krossgata

Mæl þú manna heilastur Ívar.
.
.
Ertu ekki annars örugglega orðinn heill?

6/12/06 06:01

Ívar Sívertsen

Jú, maður lifandi, ég fór í vinnuna í dag

6/12/06 06:01

Hvæsi

<Hrökklast afturábak og hrasar við>

Ívar ? Vinna ?

<Grípur um kvið sér... og allt það>

6/12/06 06:02

Kondensatorinn

Vel mælt.

6/12/06 07:00

Húmbaba

Lúturinn bráðum leggst í frí,
lendir þá gleðin fyrir bý?
Fátt virðist gott að gera í því
grátum horfinn lútinn.

Má eitthvað betra en baggalút
bjástra við þá hann dettur út?
Eitt veit ég duga, drykkju af stút,
drífum oss í kútinn.

6/12/06 01:00

Jóakim Aðalönd

Stendur einhver sumarlokun til?

6/12/06 01:01

Ívar Sívertsen

Jú, skv. boði frá Enter til Skabba þá á að skella í lás í dag.

9/12/06 02:01

Vladimir Fuckov

Í dag miðað við hvaða dag ?

9/12/06 03:00

Ívar Sívertsen

daginn sem aldrei kom þar sem tímavjelin var notuð til að hoppa yfir hann. Munið þjer ekki eftir því?

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!