— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Pistlingur - 1/12/06
Ráðvendni og ráðagóði róbótinn

Nú er mál að linni! Kerlingarálkan hún Hexia ritaði félagsrit um meinta ráðsemi og ráðahag. Inntak skrifa hennar var einfaldlega ekki satt.

Það er hverjum karlmanni ljóst sem á annað borð hefur átt í sambandi við kvenmann að það er best að láta þær halda að þær ráði þrátt fyrir að þær geri það ekki. Karlar vita hvað um er að ræða. Ef konur átta sig ekki á þessum hlutum þá skulu þær eiga það við sig sjálfar. Konur hafa í gegnum tíðina verið með sín kvenfélög og allir verið ofsalega sáttir við það. Við karlar höfum ekki fengið að vera með félög sem kallast Karlafélög því þá hefðu konurnar í kvenfélögunum risið upp á afturlappirnar og farið að gagga hver í kapp við aðra af hneykslan
BA-GAK!
Við karlar ráðum og þar við situr! Við erum engir helvítis róbótar sem konur þykjast leyfa að ráða heldur erum við ráðvandir, ráðsettir ráðsmenn sem ráðumst síst á garðinn þar sem hann er lægstur og fáum að ráða!

   (101 af 287)  
1/12/06 17:02

Ívar Sívertsen

held ég...

1/12/06 17:02

Texi Everto

Ég ræð og hananú!

1/12/06 17:02

Texi Everto

Ég engu að ráða.

1/12/06 17:02

Dula

[hlær sig máttlausa]

1/12/06 17:02

Hakuchi

Einn af hápunktum sjálfsblekkingar síðustu ár.

1/12/06 17:02

albin

Ég ræð öllu heima hjá mér, nema þegar dóttir mín er hjá mér. Þá leyfir hún mér að halda að ég ráði einhverju.

1/12/06 17:02

krossgata

Engin karlafélög? Hmmm. Lions, Kiwanis, Frímúrarar, Round table og svo má lengi telja. Þá eru það veiðiklúbbar og -ferðir, sportið á barnum... osfrv. Vissirðu ekki af neinu af þessu Ívar?

1/12/06 18:00

Offari

Þetta hef ég alltaf haldið.

1/12/06 18:00

Heiðglyrnir

Átti það ekki að vera „Ráðvandi og ráðagóði róbótinn" fyrirgefðu afskiptasemina Ívar minn.

1/12/06 18:00

Mikki mús

Eru þið Hexia hjón?

1/12/06 18:00

Rauðbjörn

Hjón?
Þetta er allt spurning um gagnkvæma eignaraðild.

1/12/06 18:00

Jóakim Aðalönd

BA-GAK!

,,Við stjórnvölinn höfum við staðið og stöndum þar enn. Því feeeeeeeeer sem feeeer..."

Annars er ég enn á þeirri skoðun að það er laaaaaaaangbezt að vera bara einn. Þá þarf ekkert að spekúlera í svona löguðu.

1/12/06 18:00

Ívar Sívertsen

Krossgata: Jújú, ég vissi af þeim. En ég hef aldrei heyrt um t.d. Karlafélag Álftaness bara Kvenfélag Álftaness o.s.frv.

Heiðglyrnir: Nei, mér fannst það ekki ráðlegt.

Mikki mús: Já

Rauðbjörn: Nei

Jóakim: BA-GAK! sjálfur!

1/12/06 18:00

Dýrmundur Dungal

Ég er hlyntur því að auka veg íslensku konunnar. Mér finnst að konur megi ráða í saumaklúbbum og jafnvel mætti skoða það að kona væri í forsvari í Landsambandi saumaklúbba.

1/12/06 18:01

Gaz

Mér finnst það bara vitleysa að reyna að eltast við það að eitt eða annað ráði. Ég hef farið þann veg að það á að ríkja lýðræði í mínum samböndum, hvort svo sem þau séu með karlmanni, konu eða bæði.

1/12/06 18:01

Sæmi Fróði

Það er ekki ráð nema í tíma sé tekið.

1/12/06 18:02

Hvæsi

Ég er húsbóndinn á mínu heimili og ræð ýmsu, td hvort ég vaska upp eða skúra fyrst.

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!