— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Pistlingur - 1/11/05
Hvað er list?

Ég varð eiginlega steinhissa og kjaftstopp um daginn þegar ég las fréttir af listviðburðum. Birgir Örn Curver Thoroddsen svaf af sér opnun listsýningar en var samt þáttakandi.

Ég fór að velta þessu fyrir mér mjög alvarlega um daginn og komst að dálítið merkilegri niðurstöðu. Það að liggja allsber á gólfinu í listasafni, steinsofandi vegna neyslu svefnlyfja er nú skilgreint sem list. Af hverju? Jú, þetta var auglýst. Ef ég til dæmis tæki mig til á árshátíðinni og fleygði saur í alla viðkomandi þá teldist ég ógeðslegur geðsjúklingur. En ef þetta yrði auglýst sem listviðburður þá væri ég svaka flottur listamaður. Eða hvað? Mér finnst kominn tími á að skilgreina list. Þetta dæmi sem og dæmið þar sem leiklistarnemandinn pissaði yfir skólasystur sína er bara orðið of ýkt til þess að hægt sé að tengja það við list. Mér finnst list vera eitthvað sem fólk á að finna til einhverra tilfinninga sem ekki geta talist til ógeðstilfinningar eða hneykslunar.

   (112 af 287)  
1/11/05 09:01

Gimlé

Það hætta einhverir við að fara á árshátíðina úr því þú ert í þessum gírnum, góði.

1/11/05 09:01

Ívar Sívertsen

Ég sagðist aldrei ætla að gera þessa hluti. Þetta var bara dæmi sauðurinn þinn.

1/11/05 09:01

Texi Everto

Það er langt síðan það varð list að rúnka sér á almannafæri. Það var víst einhver listamaðurinn sem gerði það svo það hlýtur að vera list. Eftir það hef ég skilgreint sjálfan mig sem listamann...

1/11/05 09:01

Þarfagreinir

Jú jú - ég fellst á að þetta sem þú lýsir þarna sé list. Þetta fólk má alveg segjast vera listamenn mín vegna.

En fjandakornið að mér finnist þetta eitthvað annað en ómerkilegt og bjánalegt, hvaða nafni sem það kallast. Þar stendur auðvitað stærsti hnífurinn í kúnni.

1/11/05 09:01

Barbapabbi

lyst yfir list
að láta er trisst
veistu það visst
og verður því pissed
.
maður þakkar fyrir meðan ekki er pissað yfir áhorfendur - ætli það vekti ekki enn meiri "hughrif".

1/11/05 09:01

Aulinn

Dadaistar eru einmitt frumkvöðlar af þessu, þeir vildu að allt gæti verið list. Klósettrúlla sett á hlið ætti að vera list og fleira fáránlegt.

1/11/05 09:01

Kondensatorinn

Sá sem fremur listina gerir það vonandi af því að viðkomandi finnst það vera mikilvægt eða skipta máli en áhorfandanum er kannski alveg sama. Sumir hafa keypt listaverk og hent þeim á haugana og fengið bágt fyrir. Menn verða ekki listamenn af því að ganga í listaskóla árum saman og láta eins og bjánar.

1/11/05 09:01

Rýtinga Ræningjadóttir

Nýlega heyrði ég þá skilgreiningu á list að hún væri eitthvað sem þú gerir án þess að reyna að koma þér á framfæri, eitthvað sem þú skapar vegna þess að þig langar til þess að skapa það (frekar en t.d. til að fá borgað fyrir það eða verða frægur fyrir það). Eitthvað sem þú gætir falið, en ef það finnst vekur það áhuga, tilfinningar og blæs því fólki innblástur sem það finnur eða sér. Það sem vekur viðbjóð finnst mér hafa mjög takmarkað listrænt gildi, en hverjum finnst sinn fugl fegurstur, þannig að ég get engan dæmt, deili því bara mínu áliti á málinu.

1/11/05 09:01

Númi

Mér finnst þetta mjög flott verk. Ég er að hugsa um að kaupa það og setja upp í borðstofunni.

1/11/05 09:01

Tigra

Mér finnst þetta setja óorð á nafn listarinnar.

En samkvæmt þessu held ég að Finngálknið sé mesti listamaður Gestapó og þótt víðar væði leitað.

1/11/05 09:01

Húmbaba

Finngálknið er ágætis listamaður kallinn/kellingin. Er ekki svipað erfitt að skilgreina hvað er list og hvað er kynlíf?

1/11/05 09:01

Blástakkur

Uhh. Nei.

1/11/05 09:01

Nermal

Álíka gáfulegir voru listrænir gjörningar Önnu "Bongó" hér á Akureyri. Þar hoppaði hín og skoppaði um allt eins og geðbiluð hauslaus hæna íklædd doppóttu bíkini.... Svo skúraði ún gangstéttina svona í leiðinni. Hreingjörningur var þetta kallað. Ný sloppinn geðsjúkklingur er nær lagi.....

1/11/05 09:01

Dexxa

Þetta er ekki list.. þeir sem halda að þetta sé list eru snobb, og aðrir, sem ekki vilja viðurkenna að þau sjá ekki listræna tilganginn í þessu kjaftæði, og vilja vera svo flott, menningarleg og hafa listræna hugsun! Ég er listamaður! Ég mála olíumálverk og hef oft fengið mikil tilfinningaleg viðbrögð.. og ég er ekki að gera einhver klessuverk eins og sumir!

1/11/05 09:01

Húmbaba

Meinið þið þá að formið ákveði hvort list sé list?

1/11/05 09:02

Jóakim Aðalönd

Ég myndi halda að list væri eitthvað sem enginn annar en listamaðurinn getur skapað. Það getur enginn málað nákvæmlega eins og Van Gogh. Bara nálgast það.

Það getur hver sem er rúnkað sér (gefið að hann sé með réttu græjurnar) og kastað af sér þvagi yfir aðra manneskju. Ég get það, en ég lít ekki á mig sem listamann fyrir vikið. Ég myndi segja að list sé eitthvað ómótstæðilegt. Óafritanlegt.

Chopin var listamaður (hann var reyndar líka skáld, en það er ekki auðvelt að koma auga á hvort skáld séu listamenn, en mín skilgreining á list inniheldur skáldverk) og hann skapaði eitthvað sem aldrei verður endurtekið. Margir leika reyndar verkin hans, en hver túlkar þau og útsetur með sínu nefi. Það er alls óvíst að verkin hafi hljómað eins þegar Chopin spilaði þau sjálfur.

1/11/05 10:00

Hakuchi

Ég efa ekki að áhorfendur listasýningarinnar hafi orðið fyrir miklum hughrifum og íhugað firringu mannverunnar í nútímaþjóðfélagi.

Eins og aulinn sagði má rekja þetta til dadaismans. Á sínum tíma var hann nauðsynlegur til að brjóta upp viðteknar venjur og hrista svolítið upp í stöðnuninni með absúrdískum brandara eins og klósettskál sem listaverk. Nú, nær hundrað árum síðar, er obbi listamanna að rembast eins og rjúpan við staurinn að gera hið sama. Gallinn er að það er ekki hægt að hrista upp í viðteknum venjum lengur. Fólk er löngu búið að aðlagast viðteknum veruleika. En nei, listabjánar halda áfram að segja sama hundrað ára gamla brandarann og áhorfendur eru löngu farnir.

1/11/05 10:00

Myrkur

Það sem er haldið fram að sé list í dag (ekki ég en er kennt í skólum) er að skapa viðbrögð frá fólki og umtal og umtalið sé mikilvægast. Get ekki betur séð en það sé að virka hjá þeim með þessu..

1/11/05 10:01

Sundlaugur Vatne

Ég hafna því að skattpeningar mínir fari í að telja einhverjum yfirmigurum trú um að þeir séu listamenn.
Eitt sinn leyfði ég mér að gagnrýna staðsetningu sk. "listaverks" hér í borg á opinberum vettvangi og fékk um leið yfir mig hrinu óbótaskamma frá sk. listamönnum, þ.m.t. Bandalagi íslenzkra myndlistarmann, og var gerð grein fyrir því að ég ætti ekki að vera að tjá mig um list því ég væri ekki til þess menntaður. Þeir sem ekki hefðu vit á list og/eða væru til þess menntaðir að geta tjáð sig um hana ættu bara að sætta sig við þau "listaverk" sem þeim væri boðið upp á... þau myndu venjast.
Ég tel mig nú þokkalega upplýsta persónu og leyfi mér að líta svo á þau eru mörg listaverkin sem eru til orðin frá hendi manna, karla og kvenna, sem þó hafa ekki kallað sig listamenn. Ég nefni dæmi af kunnáttusamlega steiktri nautalund, vel hönnuðum húsgögnum og meitlaðri ræðu. Listaverk sem gefa lífinu örlítið meira gildi á þess að nokkur hroki fylgi með.

1/11/05 10:01

Lopi

List er eitthvað sem maður býr til og aðrir dást að. Það er hægt að dást að frumleika en tæplega er hægt að dást að sóðaskap.

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!