— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Gagnrýni - 31/10/05
Óréttlæti í veðurúthlutun

Í morgun vöknuðu landsmenn við þær fréttir að á Akureyri væri alhvít jörð á meðan marautt var hér fyrir sunnan og ellefu gráður á selsíusi.

Í gærkveldi var víst svo mikið vesen fyrir norðan að fólk komst ekki leiðar sinnar með góðu móti. Snjór, hálka og annað vesen. Við hér sunnan heiða vorum í góðu yfirlæti að glápa á sjónvarp og ekki í neinu veseni. Mér finnst þessum gæðum afskaplega misskipt og verð ég að segja að okkur hér fyrir sunnan er mikið mismunað í þessum efnum. Þetta verður að lagast, ég vil snjó og vesen!

Ég óska eftir því að Hakuchi lagfæri veðurjöfnunarmódúluna á veðurvélinni og að hann geri okkur mögulegt að fá sömu veður og aðrir fá!

   (119 af 287)  
31/10/05 11:01

Offari

Ég held samt að meðaltalið sé betra.

31/10/05 11:01

Bara ég!

Æi, vertu bara feginn, það er fullmikið af því góða að hafa ófært í október!

31/10/05 11:01

Ívar Sívertsen

ef það væri ófært í október þá er það fyrirboði þess að veturinn verði skemmtilega ófær.

31/10/05 11:01

B. Ewing

Við viljum ófærð! Við viljum ófærð!

Þá get ég ekið á fólksbílnum sem yrði á venjulegum snjódekkjum framhjá öllum beyglunum sem pota nagladekkjum undir hjá sér og spóla um eins og þeir eigi lífið að leysa, lullað í rólegheitum framhjá jeppafólki sem hitti ofjarl sinn í litlum skafrenningi sem safnaðist við götuhornið. Smellt í lægri gír í brekkunni heima og farið rennslétt skautasvellið þar án þess að pompa á kantinum. Húrra fyrir snjó og hálku.

31/10/05 11:01

Galdrameistarinn

Mig vantar snjó til að leika mér á jeppanum.

31/10/05 11:01

Ísafold

Sjálfur er ég ekki aðdáandi skrifa Ívars og hef takmarkaðan áhuga á heimilisbloggi hans. Mér er slétt sama hvort menn skeini sig í stórhríð fyrir norðan eða með sjónvarpstækinu á því heimilinu. Þannig er hann nú bara þessi heimur.

31/10/05 11:01

Texi Everto

Ég vil 11 stiga hita og snjó en er jafnframt fullkomlega ósammála sjálfum mér um að það sé það sem ég vilji.

31/10/05 11:01

Jóakim Aðalönd

Ú á snjó!

31/10/05 11:01

Ívar Sívertsen

áfram snjór, við treystum á þú standir þig

31/10/05 11:01

Jóakim Aðalönd

Ég skal kaupa allt Ísland og draga það 35° sunnar í Atlantshafið!

31/10/05 11:01

Haraldur Austmann

Ég skal hjálpa þér að toga, J.A.

31/10/05 11:01

Jóakim Aðalönd

Flott, ekki veitir af...

31/10/05 11:01

Ívar Sívertsen

Því miður... ég er búinn að steypa fast akkeri norðan við heimskautsbaug og það er spil á því sem dregur...

31/10/05 11:01

Jóakim Aðalönd

Ah, þú steypir okkur í glötun!

31/10/05 11:01

Ívar Sívertsen

Nei... það var bara akkerið sem var steypt. Eigum við ekki að steypa okkur í áfengisneyslu?

31/10/05 11:01

Jóakim Aðalönd

Jú, skál!

31/10/05 12:00

Upprifinn

þið megið fá allan þann snjó héðan sem þið getið í ykkur látið og hafa eins lengi og mér sýnist.

31/10/05 12:00

Úlfamaðurinn

En svona VILJA Íslendingar hafa þetta. Misskipt gæði í veðurfari, eða þangað til að virkjanir verða lagðar af og orka alheimsins verður notuð í staðinn. Við þurfum að fara að framleiða meiri orku en þá sem við eyðum.

31/10/05 12:01

Gvendur Skrítni

Virkjum tvímæli!

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!