— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Pistlingur - 10/12/05
Þökk sé pólverjum, tælendingum, þeldökkum og konum.

Í félagsriti sínu um hver eigi rétt og hver ekki ræðir Kristján IX um ýmsa þjóðfélagshópa sem hann telur ekki eiga það skilið að dvelja hér á landi. Ég ætla ekki að leggja beint út frá hans skrifum og allra síst að taka hans pól í hæðina því ég get ekki verið meira ósammála því sem hann segir.

Fyrir skömmu tilkynnti ég hér hástöfum og hef rætt það mikið að ég hafi misst vinnuna. Það ástand hefur verið ákaflega niðurdrepandi en ég hef reynt að taka þessu létt og brosa í gegnum tárin. Á ákveðnum tímapunkti hugsaði maður á þann veg að ef ekki væri fyrir útlendingana sem staddir eru hérlendis við vinnu þá væri maður líklega löngu kominn með vinnu. En þessi hugsun varði kannski í korter.

Ég hef unnið ýmis konar störf í gegnum tíðina og má þar nefna verslunarstörf í matvöru- og sérverslunum. Bílstjórastörf hjá heildverslunum og strætó. Þjónustufulltrúastarf hjá fjarskiptafyrirtæki. Prentsmiður og grafískur hönnuður hjá fjölmiðlum og auglýsingastofu. Liðsmaður fatlaðs manns. Bókavörður í bókasafni. Nefndarmaður í pólitískt skipaðri nefnd í Hafnarfirði á vegum meirihlutans. Svona gæti ég haldið áfram all lengi. En staðan í dag er sú að ég var ráðinn til starfa í gær hjá fyrirtæki í þekkingariðnaðinum. Ég græt það alls ekki.

Ef litið er yfir sviðið mitt þá get ég raunverulega þakkað pólverjum, tælendingum, þeldökkum og konum það að ég skuli hafa fengið vinnu í svo mikils metnu fyrirtæki og raun ber vitni. Pólverjarnir halda áfram að keyra strætó og veit ég að einn slíkur tók við minni leið. Takk fyrir það! Tælendingarnir og þeir þeldökku hafa sést í miklum mæli í matvöruverslunum og verð ég að segja að í þeim verslunum sem þau vinna er umgengnin betri en oft áður. Einnig hefur sést til þeirra sem liðsmanna fatlaðra. Konur vinna í öllum þessum störfum sem ég hef áður nefnt og er ég sérstaklega stoltur af þeim konum sem hafa brotist út úr hlekkjum bælingar og drifið sig í eitthvert nám, hvort sem það er í háskóla, iðnskóla eða meirapróf.

Nú gæti einhver lagt skrif mín út á versta veg og hugsað að ég væri að mæla skrifum KIX einhverja bót, en svo er aldeilis ekki. Ég fagna því að þeir sem koma hingað að vinna geti fengið störf og staðið sig í þeim. Ég fagnaði því innra með mér að minn nýji yfirmaður verður kona. Við erum einfaldlega komin inn í ferli í okkar samfélagi þar sem ekki er lengur spurt um hvort maður er með tippi eða ekki. Ekki er spurt hvort einhver sé sólbrúnni en annar. Ekki er spurt hvort menn séu með öðruvísi augnsvip. Ekki ert spurt um háralit. Það fer reyndar eftir atvinnugreinum hvernig hlutverkum er skipt en sú stefna að hvítir karlmenn ráði og hafi hvíta karlmenn í efstu stöðum sýnist mér vera á hröðu undanhaldi. Launamuninn þarf vissulega að leiðrétta í efstu stöðum en jafnræði er komið að mestu í neðri stigum launastigans.

Ég lýsi því yfir hér og nú að skoðanir þær sem Kristján IX hefur boðað og ært alla með þykja mér afskaplega grunnhyggnar og fávísar. Með auknum samgöngum og samskiptum milli landa er óhjákvæmilegt að fólk af öðrum uppruna flytjist hingað og er það vel. Með aukinni tækni, námsframboði og lögbundnum réttindum er ekki hægt að mismuna fólki lengur á grundvelli kyns, húðlitar, raddstyrks eða skónúmers.

Undanfarna mánuði hafa all nokkrir komið að máli við mig og orðað það við mig að bjóða mig fram í prófkjöri til Alþingiskosninga. Ég hef legið undir feldi og gefið það sterklega í skyn að ég myndi taka þeirri áskorun. Í ljósi þess að ég er að hefja krefjandi starf hjá nýjum vinnuveitanda þá hef ég ákveðið að sitja hjá í þessari umferð. Ég mun hins vegar reyna að vinna í bakvarðasveitinni í mínum flokki og vinna þar meðal annars að þeim málum sem ég hef hér reifað.

Mikill maður mælti eitt sinn I HAVE A DREAM. Margir hafa sagt þetta en aðeins einn hefur sagt það svo heimurinn hefur tekið eftir. Minn draumur er sá að þú lesandi góður þurfir ekki að hugsa sem svo að ég sé enn einn karlfauskurinn að reyna að réttlæta eigin skoðanir fyrir konum. Minn draumur er sá að ég verði jafn þér.

Ég á mér draum og vil að hann verði að veruleika.

   (123 af 287)  
10/12/05 06:01

krumpa

Ágætt alveg hreint - þú veist það samt að það eru fleiri kour en karlar sem útskrifast með háskólapróf - ekki satt? Þeim fer líka fjölgandi sem taka meirapróf, iðnskólapróf o.s.frv. Þið eruð einfaldlega að dragast aftur úr og ef þróunin verður jafnör áfram þá verðið þið, eftir kannski svona 50 ár, heima að snýta og skeina meðan við stjórnum landinu - og það var nú kannski ekki markmiðið með baráttunni.... Þið verðið því að herða ykkur!

10/12/05 06:01

Ívar Sívertsen

Þá má eiginlega segja að við verðum Sauðir í krafti kvenna eins og ég hef nefnt áður. Nú hefst erfiðasta skeiðið. Sá tími sem það tekur að viðhalda fengnu ástandi og geta aðeins lagfært það.

10/12/05 06:01

krumpa

Hjartanlega til hamingju með starfið annars!!!

10/12/05 06:01

Ívar Sívertsen

takktakk!

10/12/05 06:01

Offari

Til hamingju með starfið, Ég hef verið atvinnulaus og þurft að ráða mig í vinnu sem ég hef ekki haft áhuga á en ef ég hefði hafnað þeirri vinnu hefði ég mist rétt á atvinnuleysisbótum. fyrir vikið varð atvinnurekandinn að reka heim tælenskann starfsmann sem vildi vinna þessa vinnu. mér fanst þetta ósanngjörn og ill meðferð á erlendu vinnuafli. það er líka ósanngjarnt þegar kona sækir um starfað útiloki það karlmenn frá því að eiga möguleika á því starfi.

10/12/05 06:01

Offari

Því miður eru skrif Kristjáns IX ekki þau einu sem fara í taugarnar á mér, Ég vil minna á að stutt er síðan börnum var meinað um skólagöngu út f tímabundnu kennitöluleysi sem auðvelt var líta framhjá. ef við ætlum að leyfa þessu fólki að taka þátt í okkar þjóðfélagi gerum við það gegnum börnin þau fæddust fordómalaus. og leyfum þeim áfram að vera það.

10/12/05 06:01

Úlfamaðurinn

Ég hef mjög gaman af því að mála þeldökka. Ég vildi vera þeldökkur þegar ég var lítill.
Málið er að The Illuminati eru að reyna að útrýma menningu og lifnaðarháttum fólks, og því flytja þeir það milli mismunandi svæða á hnettinum. Vissu allir að menning hvers og eins þjóðflokks skiptir máli og að varðveisla menningar og hefða skiptir máli þá væri ekki til neitt sem heitir kynþáttahatur og það væru engir landamæraverðir neins staðar.
Byrjum þau okkar sem eru að skrifa hér sem eru stödd erlendis í augnablikinu á að fara fram á að landamæravörðum sé sagt upp án þess að eins heims stjórn sé stofnuð.

10/12/05 06:01

Tigra

Offari: Sammála með þetta með kennitölurnar.
Það er bara út í hött að láta það bitna á börnunum að einhver skrifstofuvinna fór ekki eins og átti.
Hvernig er þetta svo útskýrt fyrir börnunum?
Nei þú mátt ekki fara í skólann því að þú ert ekki með kennitölu... svona tölustafi.. sem þýða í raun og veru ekki rassgat fyrir neinn nema ríkið.

10/12/05 06:01

Þarfagreinir

Til hamingju með nýja starfið Ívar, og gaman að sjá svona jákvæð skrif hérna til tilbreytingar.

10/12/05 06:01

Galdrameistarinn

Til hamingju með nýja starfið Ibbi og gangi þér vel.
Þetta fjelagsrit þitt er umhugsunarvert og margir góðir punktar í því sem vert er að skoða.

10/12/05 06:01

Siggi

Ertu í Samfylkingunni?
Kannski partur af brjálaða Uj genginu í Hafnafirðinum fuss um svei. Hérna annars finnst mér þetta góð grein og orð í tíma töluð. Sérstaklega eftir þessa hræðilegu grein Kristjáns.

10/12/05 06:01

Úlfamaðurinn

Af kennitölum

Prívat og persónulega finnst mér að aðeins hlutir en ekki fólk ættu að hafa kennitölu, þ.e.a.s. ef sá sem selur eða framleiðir hlutinn vill að hann sé með kennitölu.

10/12/05 06:01

Ívar Sívertsen

Siggi: Jú ég er samfylkingarmaður en nei, ég er ekki í Ungum Jafnaðarmönnum.

10/12/05 06:01

Ívar Sívertsen

Takk annars öll fyrir ánægjulega umræðu.

10/12/05 06:01

Jóakim Aðalönd

Ég gratúlera og kontúlera eins og Bör Börsson sagði.

10/12/05 06:01

Vladimir Fuckov

Vjer óskum yður formlega til hamingju með nýja starfið. Jafnframt endurtökum vjer þau orð vor úr athugasemd við annað fjelagsrit að án Pólverja o.fl. nýbúa/innflytjenda væri hjer meiriháttar vandræðaástand sökum mikils skorts á vinnuafli. Margir punktar í þessu fjelagsriti sem vjer erum sammála.

10/12/05 06:02

B. Ewing

Til hamingju með nýja starfið.

31/10/05 01:00

Kristján IX

Þú aumi Ívar Sívertsen. Líttu þér nær. Fengu pólverjafíflin ekki bestu leiðirnar þegar þú keyrðir strætó? Þeir stela störfum og lækka laun. Helvítis útlendingapakk!

31/10/05 01:00

Hrani

Mér hefur nú sýnst að við íslendingar höfum leitast við að verða þeldökkir síðustu ár ... Ef að málið snýst um það ... Við kallarnir reynt að vera mjúkir ... Ég hélt að svona viðhorf - "grín"?! - hefði horfið eftir að fólk fór að þrífa sig og bursta í sér tennurnar.

31/10/05 01:00

Jóakim Aðalönd

Þú aumi Kristján: Farðu fjandans til.

31/10/05 01:00

Siggi

farðu til Frakkland

31/10/05 01:01

Hvæsi

Án erlends vinnuafls væri fiskverkun hér í lamasessi, nýríkir íslendingar sem og aðrir þyrftu að bíða til 2025 eftir að búið væri að byggja húsin þeirra, McDonalds myndi loka (Sem væri að vísu vel en það er önnur saga)
Kringlan myndi drabbast niður í sóðaskap, lengri bið á kassa í bónus, lengri bið á dekkjaverkstæðinu, vegaframkvæmdir myndu tefjast enn frekar, stórfyrirtæki einsog Flytjandi og landflutningar væru lengur að skila af sér sendingum, Osta og smjörsalan myndi ekki anna ostaeftirspurn, eins með mjólkursamsöluna, það væri mjólkurvöntun. Norðlenska og ferskar kjötvörur og SS sem eru stærstu kjötkaupmenn landsins gætu ekki mætt eftirspurn okkar eftir kjöti og lífið væri bara hreinlega leiðinlegra án erlends vinnuafls.

Þannig að kristján, Éttu úldinn hund !

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!