— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Saga - 3/12/05
Samantekt næturinnar

Það er fjarri því að ég sé að fara að skrifa félagsrit um einhverjar bólfarir eða þess háttar viðbjóð. Svoleiðis stunda Gestapóar ekki!

Ég sat á stól í eldhúsi. Stóllinn var ekki við borð en ég var með kaffibolla og leitaði ákaft að undirskálinni sem bollinn tilheyrði. Ég stóð upp og lagði bollann frá mér í laust loftið og gekk um. Ég sá undirskálina þar sem hilla í eldhúsinu er vön að vera, en hillan var farin og undirskálin var komin í staðinn - pikkföst uppi á vegg. Ég setti bollann þar og hellti kaffi í úr kaffibrúsa sem hékk í lausu lofti þar sem eldhúsvaskurinn var. Kaffið var kalt og ólystugt en ég ákvað að drekka það samt við þessar fáránlegu aðstæður. Þá komu inn tveir rónar sem áttu eðalkoníak í stórum brúsa. Ég fékk mér. Það var alveg merkilegt hvernig ég gat fundið X.O. stafina renna niður hálsinn. En hvað? Helvítis rónarnir voru svo illa lyktandi að ég kastaði upp. Það var ekki kaffi og koníak sem kom upp úr mér heldur makkarónusúpa með túnfiski. Áhugaverð blanda sem mig langar samt ekkert að smakka. Þetta fór beina leið þangað sem eldhúsvaskurinn var og kaffikannan varð öll útbíuð. En svona leið nóttin hjá mér...

... eða ekki... Mig bara langaði að bulla eitthvað til að drepa tímann...

   (139 af 287)  
3/12/05 13:01

Offari

Þú hefðir nú geta haft þetta meira krassandi.
Eða er Hexía eitthvað erfið þessa dagana?

3/12/05 13:02

Ívar Sívertsen

Hverskonar kröfur eru þetta eiginlega? Klukkan var hálfsex að morgni þegar ég skrifaði þetta og var ekkert sérstaklega upplagður fyrir skriftir af viti!

3/12/05 13:02

Hvæsi

Ert þú gæinn sem hneppti frá sér vestinu, togaðir í bindið og pissaðir í buxurnar ?

Skál.

3/12/05 13:02

Nermal

Já...

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!