— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Pistlingur - 3/12/05
Málfarshornið

Ég er annálaður nöldurseggur og núna ætla ég að nöldra um málfar.

Einu sinni heyrði ég á tal hjóna. Þau voru að tala saman í símann. Konan var gestkomandi í húsinu sem ég var staddur en karlinn var heima og var orðinn verulega pirraður á kvenmannsleysinu. Skömmu áður en hann skellti fast á konuna sína gargaði hann í símann „PILLAÐU ÞÉR HEIM!!“.

Sögnin að PILLA sig. Er átt við að maður eigi að plokka af sér skelina og hreinsa sig? Nei, þetta þýðir að drífa sig heim, drulla sér heim, hundskast heim og svo gæti ég lengi talið. En hvaðan kemur þetta? Varla úr rækjuverksmiðjumáli. Þetta er líklega komið úr bullslangri unglinga fyrir mörgum árum enda fremur sjaldgæft nú orðið að maður heyri einhvern tala um að pilla sig.

Og þar fyrir utan hefði maðurinn ekkert átt að hleypa konunni sinni eftirlitslausri í heimsókn í önnur hús... það gæti bara verið hættulegt!

   (140 af 287)  
3/12/05 00:01

B. Ewing

Sögnin "að pilla" er einmitt upprunnin úr miðníundaáratugarmálfarsuppreisn unglinga á þeim tíma. Sögnina má væntanlega rekja til þess málfars sem þá kom í misgóðum þesstíma gelgjumyndum eins og setningin "Take a pill" Viðhengi sagnarinnar var einnig ávallt í þágufalli enda var ómögulegt að bjóða uppá annað í þessarri uppreisnarsögn. Þannig urðu til setningar eins og:
"Pillaðu þér!"
"Getur hann/hún ekki pillað sér?"
"Viltu pilla þér!"
o.s.frv.

3/12/05 00:02

Galdrameistarinn

Asnar. Þetta þýðir að dópa sig.
Pillaðu þig = Fáðu þér pillu.

3/12/05 01:01

Haraldur Austmann

Þetta er miklu eldra. Man eftir þessu in the sixties.

3/12/05 01:01

hlewagastiR

Þetta tengist nafnorðinu "pilla" en það er eins og önnur orð sem byrja á "p" tökuorð. (l-l framburðurinn vísar líka til tökuorðs, annars væri það borið fram "pidla".)

Uppruni orðsins er í latínu: "pilula" sem í bókstaflegri þýðingu merkir "lítill bolti", er sem sagt beygingarmynd af "pila", þ.e. bolti/knöttur.

Orðið er til í flestum evrópskum tungum, sbr. "pilla" á íslensku og "pill" á ensku. Enskar heimildir allt frá 1871 greina frá slangurmerkingu orðins þar sem það er látið merkja "leiðinleg manneskja".

Það er auðvitað vísað til þeirrar merkingar þegar fólki er sagt að "pilla sig" átt er við: "faður því þú ert pilla (leiðinleg manneskja)".

Mér er ókunnugt um þágufallsandlag með sögninni "pilla", þ.e. "pilla sér". Ég held að því ráði sama heilkennið og lætur fólk segja "spá í því" og "að raka sér". Ath. að heilkenni þetta er þó óskylt hinni útbreiddu þágufallssýki (dative disorder).

3/12/05 01:02

dordingull

Svör af þessu tagi lyfta Gestapó á æðra plan.

3/12/05 02:01

Jóakim Aðalönd

Sammála.

3/12/05 04:01

ZiM

Sammála. Núna hlýtur meðalgreindarvísitala okkar að hafa hækkað.

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!