— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Dagbók - 2/12/05
Rafvirkjar og tölvur eiga ekki saman!

Tölvan mín hefur gengið eins og klukka síðan ég fékk hana fyrir tæpum 2 árum.<br /> <br /> (myndin er sviðsett)

Það var á laugardaginn að ég var staddur í greni einu hér skammt suður af Hafnarfirði í embættiserindum spillingarráðuneytis Baggalútíu þegar Hexia hringir í mig alveg kolbikasvartbrjáluð. Ég hrökk við og taldi að nú hefði ég gert einhverja árans þvæluna. En nei, það hafði komist rafvirki í húsið okkar og fólkið á efrihæðinni hafði kallað hann til vegna útsláttar í rafmagnstöflu. Rafvirkjafíflið las ekki vel á töfluna og sá þar af leiðandi ekki að íbúðin mín er samtengd sameigninni með lekaliðann. Þegar ég svo kom heim alveg gerspilltur og eftir að hafa spillt enn fleirum þá blasti við mér sú staðreynd að helvítis apparatið vildi ekki fúnkera rétt. Hún keyrði sig rétt upp en þegar kom að því að heilsa harðadiskinum þá var hann bara hættur í hljómsveitinni. Floppy og geisli reyndu all hvað af tók að telja í en sá harði neitaði hreinlega að koma inn. Ég opnaði þá biosinn og sá þar að allt var með felldu hjá leitarsveit stjórntækja og diskleitarflokkum. Þá reyndi ég aftur að telja í og enn var sama sagan, sá harði var bara hættur í hljómsveitinni og ekkert múður. Það kemur í ljós á morgun hvort það virkar að hann fari sóló eða jafnvel í eitthvert samstarfsproject með einhverri lásí mörgæs sem kann víst að hemja svona harðnagla. Ég sendi fleiri fréttir um það með Reuter þegar þær berast...

   (147 af 287)  
2/12/05 07:00

Offari

Ertu viss um að hann hafi ekki verið að sinna öðrum erindagjörðum?

2/12/05 07:00

Goggurinn

Sveiattan!

2/12/05 07:00

Ívar Sívertsen

Hann var alla vega ekki að heimsækja Hexiu, svo mikið er víst.

2/12/05 07:00

Gísli Eiríkur og Helgi

Enn ef sá harði harðneitaði hvernig í andsk fórst þú að þegar þú sendir okkur þessar hörmungarfréttir?

2/12/05 07:00

Ívar Sívertsen

Nú ég fékk lánað ferðaorgelið hennar Hexiu úr vinnunni hennar...

2/12/05 07:00

Jarmi

Bara taka rússann á þetta - hamar og vodki!

Í versta falli virkar hann jafn-ekki en þú verður þó allavegana fullur. Og í skársta falli (eins ólíklegt og það nú er) virkar hann og þú ert fullur.

Æji sleppum bara hamrinum og harðadisknum, VODKI Á LÍNUNA!

2/12/05 07:00

fagri

Helvítis iðnaðarmenn.

2/12/05 07:01

Isak Dinesen

Skemmtilegt rit.

2/12/05 07:01

Rasspabbi

Hvaða öndvegis apparat er þarna á myndinni? Líkist helst hámóðins nýaldar-kartöfluskrælara. Þó gæti það verið rangt hjá mér.

2/12/05 07:01

Kondensatorinn

Mörgæsin gæti bjargað því sem bjargað verður.
Viðgerðarmenn eru stórhættulegir.

2/12/05 07:02

Nermal

Assgoti er þetta nú smart tölva þarna á myndini.

2/12/05 01:01

Jóakim Aðalönd

Rukka rafvirkjann um nýjan disk!

2/12/05 03:02

Ívar Sívertsen

Gögnin eru líklega örugg... en eitthvað klikk í diskinum samt. Kaupi nýjan í skrímslaborg...

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!