— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Gagnrýni - 2/11/04
Styrktartónleikar BUGL

Í kvöld fóru fram fyrri tónleikarnir til styrktar barna- og unglingageðdeildar Landsspítala-háskólasjúkrahúss, BUGL, þar sem Hjörleifur Valsson, fiðluleikari, fór fyrir fríðum flokki karla og kvenna við flutning tónlistar.

Á auglýstri efnisskrá voru verkin Battalía eftir Biber og Árstíðirnar eftir Vivaldi.

Battalía þessi er áhugavert stykki fyrir ýmsa hluti. Þó er það helst fyrir óhefðbundna tónsköpun frá þessum tíma. Framan af rennur þetta ljúft um eyru en svo kemur að kafla þar sem lýst er fylleríi skyttna sem verkið fjallar um. Sá kafli hljómaði eins og að ganga inn í tónlistarskóla þar sem allar dyr standa opnar en endar svo í fallegri harmóníu. Einleikarinn var búinn að vara gesti við því að þetta ætti að vera svona. Svo rekur hver kaflinn annan með ýmsum áhugaverðum pælingum en endar svo á óvenjulegan hátt. Enginn grand finale eða hetjuóður. Nei, stykkið endar á harmagráti særðra hermanna. Angurvær kafli og mjög tregafullur eins og nafnið gefur til kynna. Biber ku víst hafa haft mjög gaman af því að skrifa stykki sem hljómuðu ekki eins og öll hin. Hann hefur verið pönkari síns tíma.

Antonio Vivaldi þekkja hins vegar mun fleiri en téðan Biber held ég. Árstíðirnar eru eitt mest leikna tónverk fiðlubókmenntana og eru gerðar sífellt meiri kröfur til listamanna um fullkomnun og tjáningu á þessu vinsæla verki. Verkinu fylgja sonnettur um árstíðirnar sem ortar voru á þeim tíma sem Vivaldi var uppi og telja margir að hann hafi hreinlega ort þær sjálfur. Pálmi Gestsson leikari las nýja íslenska þýðingu á sonnettunum á undan hverjum kafla fyrir sig. Það glöggvaði tónleikagesti aðeins á því hvað um var að vera í verkinu.

Hjörleifur Valsson var eins og áður hefur komið fram einleikari á tónleikunum auk þess sem hann stjórnaði Kammersveit Íslands sem lék með honum. Hér er á ferð einn okkar allra fremsti fiðluleikari bæði á sviði tækni sem og túlkunar. Túlkun hans og innlifun var slík að salurinn hreifst með og sat sem dáleiddur á meðan flutningi stóð. Kammersveitin var vel samstillt og skipuðu hana einvala hljóðfæraleikarar. Fiðlur, víólur, selló, kontrabassi, semball og lúta var skipanin.

Til að kóróna tónleikana voru óvænt atriði sem ekki voru auglýst. Það eru aðrir tónleikar á morgun þannig að ég vil eiginlega ekki skemma fyrir þeim sem eiga eftir að fara. En ég get alla vega fullyrt að aukanúmerin líða manni seint úr minni fyrir léttleika og skemmtun. Það voru brosandi tónleikagestir sem héldu út í rokið við Grafarvogskirkju í kvöld.

   (160 af 287)  
2/11/04 06:00

Günther Zimmermann

Biber þessi sem þú nefnir, er það barrokkmeistarinn Heinrich Ignaz von Biber? Ég þekki þetta verk Battalíu ekki, en mun leita eftir því núna, hafðu þökk.

2/11/04 06:00

Nornin

Takk fyrir úttektina Ívar.
Fyrst þér finnst áhugavert að fara á svona tónleika þá hef ég kannski einhvern til að fara með á sinfóníutónleika? Hmm? Ha?

2/11/04 06:00

Ívar Sívertsen

Aldrei að vita. Ég hef sérstakt dálæti á P.D.Q. Bach, Johan Sebastian Bach, Beethoven og svo sérstaklega Klezmer tónlist sem er einkennandi fyrir austurevrópu, einhvern hluta vestustu Asíu og gyðingasvæðin. Klezmer tónlist má m.a. finna í kvikmyndum Emir Kusturika eða hvað hann nú heitir sá ágæti maður.

2/11/04 06:00

Offari

Hef ekki heyrt Hjörleif spila á fiðlu síðan hann var fimm ára gaman að heyra hvað honum gengur vel.
Takk fyrir.

2/11/04 06:01

Heiðglyrnir

Góð gagnrýni Ívar minn og áhugaverð..!..

9/12/05 06:01

Úlfamaðurinn

Svona lagað finnst mér vera þjófnaður á almannafé. Fólkið býst alltaf við því að þeir sem er verið að fjalla um fái peningana en svo er alldeilis ekki. Langflest af þessum börnum eru 100% andlega heilbrigð og þau eru höfð þarna sem gíslar og komið fram við þau eins og þrælar, og svo nota kúgararnir allt féð fyrir sjálfa sig, og enginn fær neitt nema lélega dagpeninga. Peningana sem safnað er á að afhenda þeim sem er verið að styrkja, og gera það með reisn. Ef nógir peningar safnast til að afnenda 2000 börnum sem tengjast BUGL, so be it, ef færri, so be it, en ef einhver fær ekki pening, sleppa því að halda tónleikana því að annars verða svona uppákomur svo tómar. Bara láta það vaða, og koma með peninginn til þeirra sem er verið að lofa honum,

kveðja,

matrixs@mi.is

31/10/05 01:00

Neró

Alveg sammála Wolfinum. Þetta er alveg fáranlegt. Til hvers að vera að halda lásý tónleika þegar peningarnir eru hvort eð er til? Hver nennir svosem að hlusta á fiðlur og slíkt ef hann/hún á annað borð ætlar sér að styrkja málefnið? Afhenda peninga þegjandi og hljóðalaust og vera ekki með sýndarmennsku!!!

1/11/05 13:01

Offari

Er farið að laumupúkast hér?

2/12/06 03:01

krossgata

Það er spurning? Óttalegir bullukollar þessi Úlfur og Neró, vita ekkert hvað þeir eru að tala um.

3/12/06 03:02

Offari

Ég er samt í fýlu við Hjörleif og Jón Ólafs eftir hrekkinn með fiðlubrotið.

3/12/06 09:00

krossgata

[Flissar]
Það fór ekkert fyrir brjóstið á mér.

9/12/06 04:01

Hexia de Trix

Ég hef grun um að Neró viti alveg hvað hann er að tala um... [Starir þegjandi út í loftið]

9/12/06 07:02

krossgata

Kannski, en ekki hinn.

3/12/07 09:00

krossgata

[Laumast]

1/11/08 01:00

Offari

Mér finnst eins og að Hexía viti meir en hún gefur upp.
[Horfir grunsemdaraugum á Hexíu]

1/11/08 04:00

Regína

Til styrktar barna og unglinaggeðdeildar?
Ívar þó!
Til styrktar barna og unglingageðleild!

Ég er orðin þreytt á börnum á öllum aldri sem reyna að selja manni eitthvað til styrktar einhvers. Leiðrétti mig sá sem veit betur, ef ég les þetta þá nokkurn tíma aftur.

9/12/11 03:00

Regína

Iss, og fullt af innsláttarvillum hjá mér! Unglingageðdeild vildi ég sagt hafa. Eða skrifað.

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!