— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Dagbók - 2/11/04
Jólasveinn með skemmtara

Ég átti leið um Jólaþorpið í Hafnarfirði í dag og rak mig í rogastans þegar ég fór að fylgjast með jólasveini sem var að skemmta viðstöddum.

Jólasveinninn atarna var í búningi sem var eiginlega samtíningur úr kókjólasveininum og þeim íslensku og jafnvel einhverjum fleiri jólasveinum. Þessi jóli var með skemmtara með sér sem hann lék á á meðan hann söng. Í minni bernsku þótti gott ef þeir voru með einn skitinn gítar með sér og það þótti hátíð ef með var nikka. En þessi virðist hefa tekið nýjustu tækni í sínar hendur og forritað skemmtarann til að spila jólalög á meðan hann fíflaðist eins og fábjáni. Hann var að syngja „Gekk ég yfir sjó og land“ og á milli erinda gekk hann frá skemmtaranum og tók sér annan hljóðnema í hönd á meðan vítisvélin téða spilaði búmm tsjiggi búmm tsjiggi. Mér finnst það neikvæð þróun ef jólasveinar þessa lands þurfa að nota búmmtsjiggi vítisvélar sem hljóma eins og Írafár á vondum degi. Jólasveinar búa við þröngan kost og lítil lífsgæði. Nema breyting hafi orðið þar á?

Það fór líka ósegjanlega í taugarnar á mér hvað þessi jólasveinn var snemma á ferð til byggða. Í dag er 27. nóvember en samkvæmt hefðinni á sá fyrst ekki að koma til byggða 12. desember. Maður gæti haldið að það hefði fjölgað í jólasveinafjölskyldunni... Ef svo er þá datt mér í hug að birta lista af þeim jólasveinum sem gætu verið á ferðinni frá 26. nóvember til 12. desember.

26. nóv: Skemmtaraskelfir
27. nóv: Snapsasníkir
28. nóv: Sjoppugaur
29. nóv: Jeppaskellir
30. nóv: Sauðárkrókur
1. des: Uppstúfur
2. des: Kaffibollaskefill
3. des: Vaskasleikir
4. des: Dömu-í-krækir
5. des: Barnaskelfir
6. des: Óþefur
7. des: Búðarkrókur
8. des: Rettusníkir
9. des: Símastaur
10. des: Skuðahrellir
11. des: Klámstúfur

Og svo koma hinir klassísku jólasveinar í einni halarófu á eftir. Ég held að það þurfi eitthvað að gera í þessu. Jólasveinar eiga að halda sig í fjöllunum fram til 12. desember. Nóg er af jólalögum og skreytingum fram að þeim tíma svo að ekki bætist við hávaðinn og hamagangurinn í þessum vitleysingum!

Annars var þetta ágætis dagur hjá mér...

   (161 af 287)  
2/11/04 03:01

Offari

Takk fyrir ég nefnilega var farin að átta mig að þeir væru fleyri en þrettán en vantaði að vita nöfn þeirra.

2/11/04 03:02

Limbri

Hvenær kemur Baggalútur ?

-

2/11/04 03:02

Ívar Sívertsen

Hann kemur á gamlárskvöld, blindfullur og flottur með asnalegan partýhatt og lúður.

2/11/04 03:02

Bölverkur

Uppstúfur er mitt uppáhald. En það vantaði einn: Flugnahrækir.

2/11/04 03:02

Don De Vito

Og Rassskellir, hvar er hann?

2/11/04 03:02

Ívar Sívertsen

Þeir koma með Baggalúti í áramótapartýið

2/11/04 04:00

Kondensatorinn

Svo var Hurðagleypir

2/11/04 04:00

Ívar Sívertsen

ahhh... hvernig gat ég gleymt honum...

2/11/04 04:01

blóðugt

Uss skemmtari! Með áherslu á "SKEMM".

2/11/04 04:01

Ívar Sívertsen

einmitt!

2/11/04 04:01

Limbri

Ég hlakka til að hitta hann um áramótin. En ég verð einmitt á Íslandi þá.

[Fagnar eins og óður sé]

-

2/11/04 05:01

Sundlaugur Vatne

Mér þótti nú Sauðárkrókur nokkuð skondið jólasveinanafn [hlær dátt]
Annars er að finna mýmörg jólasveinanöfn sem eru ekki lengur í alþýðumunni í bókinni Íslenzkt vættatal eftir Árna Björnsson þjóðháttafræðing.
Það þótti mér fyndnast að sjá: Steingrímur: Jólasveinn úr Strandasýlsu. En einmitt þegar þessi ágæta bók kom út sat Steingrímur Hermannsson á þingi fyrir Vestfjarðakjördæmi.

2/11/04 05:02

Jóakim Aðalönd

Hvað með jólasveininn sem kemur í janúar: Kortaklippir?

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!