— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Dagbók - 1/11/04
Skemmtilegir atburðir úr Strætó

Eins og allir og amma þeirra vita þá keyri ég strætó. Ég ætla mér ekki að setja upp neina ritröð með skemmtilegum atvikum en þau eiga eftir að slæðast allnokkur hér ínn þegar fram líða stundir.

Vaktin byrjaði upp úr klukkan eitt í dag þegar ég tók við vagninum mínum. Ég ók góða stund áður en nokkuð bar til tíðinda. Í eitt af nokkrum skiptum sem ég kem niður á Hlemm þrammar þar inn ungur karlmaður. Ég hafði opnað afturdyrnar á vagninum til að hleypa fólki út sem og framdyrnar til að hleypa farþegum inn. Téður maður greiddi farið með klinki, gekk aftur eftir vagninum og út aftast og hvarf. Hann tók ekki einu sinni skiptimiða. Það er eins og honum þyki ekkert eðlilegra en að fara inn í strætó, borga, labba aftast í vagninn og út úr honum þar og hverfa á braut.

Skömmu síðar er ég að aka inn Vonarstrætið og stöðva vagninn til móts við ráðhús Reykjavíkur. Þar stíga inn nokkrir piltar, sem líklega koma úr Læraskólanum eða hvað hann er nú kallaður sá ágæti skóli, og einn þeirra er rogginn og lætur á sér bera. Hinir borga með miðum eða sýna kortin sín en þessi byrjaði á því að taka upp krónubúnt, svona eins og maður fær í bönkum fyrir verslunarrekstur. Í hverju búnti eru fimmtíu krónur. Hann dundaði sér við það að rífa utan af búntunum, sturta úr þeim í baukinn og hefjast handa við það næsta. Hann borgaði fullt fargjald, 220 krónur, með krónum. Þetta þótti mér afskaplega spaugilegt og spurði ég hann ítrekað hvers vegna í ósköpunum hann væri að þessu og svarið var „bara...“. En þegar hann hafði lokið við að telja 20 krónur ofan í baukinn úr fimmta búntinu þá hélt hann af stað aftur í vagninn en ég kallaði á eftir honum hvort hann þyrfti ekki skiptimiða eftir allt þetta vesen og hann þáði það með þökkum.

Það eru svona atvik sem gera starf strætóbílstjórans skemmtilegt. Reyndar hefði ég ekki haft húmor fyrir þessu ef að á næstu biðstöð hefði beðið stór hópur en þar kom bara einn inn svo stráksi gat dundað sér við krónurnar sínar óáreyttur.

   (162 af 287)  
2/11/04 00:00

Galdrameistarinn

Alltaf til svona skemmtileg atvik og það rifjast eitt og annað upp þegar þú minnist á þetta. Kannastu ekki við einn sem kann allar tímatöflurnar utan að? Svolítið spez sá.

2/11/04 00:00

Ívar Sívertsen

Þeir eru þrír sem ég veit um sem kunna þetta allt aftur og bak og áfram og hafa verið að bera saman gamla leiðarkerfið og nýja með því að þylja upp tímatöflur!

2/11/04 00:00

Jóakim Aðalönd

Ég kunni allar tímatoflur afturábak og áfram thegar ég var vagnstjóri. Ég vissi auk thess um oll vaktaskipti og hvar allir vagnar hófu akstur ad morgni og hvar their haettu ad kveldi. Ég man meira ad segja thetta nánast allt ennthá, thrátt fyrir ad nú séu meira en 4 ár sídan ég haetti ad keyra straetó!

2/11/04 00:00

Jóakim Aðalönd

Thess má geta ad ég vissi líka hvada vagn var hvar á hvada tíma sem var. T.d. leid sex. Á henni voru 5 vagnar á daginn og ég vissi hver var hvar á hverjum tíma. Thetta gilti um allar leidir og alla vagna. Til ad toppa thetta allt saman, vissi ég full nofn allra vagnstjóra og heimilisfong flestra theirra, ef ekki allra á tímabili, en mannaskipti voru thad hrod ad ég thurfti ad uppfaera thessar upplysingar reglulega.

Their sem ekki hafa getid sér thess til, thá las ég ,,moppuna" gódu spjaldanna á milli í pásum, enda hafdi ég ekkert betra ad gera.

2/11/04 00:00

Jóakim Aðalönd

...og ég er med stálminni.

2/11/04 00:00

Offari

Það er alltaf gaman þegar einhver sker sig útúr.
Lífið væri ekki skemtilegt ef allir væru eins!

2/11/04 00:00

Ívar Sívertsen

hmm... og ég sem hélt að þeir sem gerðu svona væru annað hvort þroskaheftir eða ættu sér ekkert líf. Ég verð greinilega að endurskoða þá afstöðu mína.

2/11/04 00:01

Sæmi Fróði

Já, það er rétt Ívar, Aðalendurskoðaðu það [flissar eins og hestur á brokki]

2/11/04 00:01

Sæmi Fróði

Fyrirgefðu, alltaf gaman að svona gamansögum, flott Ívar.

2/11/04 00:01

Litli Múi

Já, 220 eina krónur, mig minnir að ég hafi einhverntímann safnað 1000 krónum í sparibaukinn minn sem ég notaði sér undir eina krónur þegar ég var yngri, en ekki datt mér í hug að borga í strætó með þeim.

2/11/04 00:01

blóðugt

Sniðugt!

2/11/04 00:01

Heiðglyrnir

Jamm og gaman að því, get ég nokkuð annars fengið skiptimiða..?..

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!