— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Gagnrýni - 1/11/04
Runnið á rassinn

Ég var á leið til vinnu þegar klukkuna vantaði tuttugu mínútur í sex í morgun og lenti í voðalegu atviki.

Þegar ég hafði verið vakinn, klætt mig, skellt inn óhroða á Gestapó og fengið mér að éta klæddi ég mig í útifötin og skó og gekk áleiðis til vinnu minnar. Þar sem ég geng venjulega þá eru tröppur niður í næstu götu en við hlið þeirra er bara lítil grasbrekka. Tröppurnar hafa undanfarið verið notaðar sem brekka fyrir snjóþyrsta líkt og grasbrekkan. Ég ákvað þá að ganga frekar í snjónum í grasbrekkunni svo ég tæki ekki flug og endaði á hausnum í tröppunum. Keikur steig ég út á grasbrekkuna og hugsaði með mér hvað ég væri nú ofboðslega snjall og um leið og ég hugsaði snjall þá skrikaði mér fótur og ég rann til og datt kylliflatur á rassinn... ofan á vinstri fótinn. Ég var skíthræddur um að hafa brotið löppina en svo var ekki. Ég gekk áfram til vinnu og fann ekkert fyrir þessu. En svo þegar líða tók á morguninn þá fór ég að finna fyrir verkjum í vinstra kálfa. Ég hef þá líklega tognað þar. Ég mæli sem sagt ekki með því að renna á rassinn! Það atvik fær þó eina stjörnu á þeim forsendum að ég slasaðist ekki.

   (168 af 287)  
1/11/04 02:01

Sundlaugur Vatne

Þetta verður örugglega í góðu lagi, Ívar minn, svo framarlega sem enginn hafi séð til þín. Sært stolt er mun lengur að gróa en líkamlegir áverkar.

1/11/04 02:01

Galdrameistarinn

Skoðar jarðskjálftakort veðurstofunnar og kannar hvort einhverjar hræringar hafi verið á umræddum tíma í Hafnarfirði.

1/11/04 02:01

Leir Hnoðdal

Ég fór á inniskóm áðan í sparísjóðinn til að leysa út kaupréttargróða og datt bara aldrei á leiðinni, hvorki til eða frá. Þú ættir að fá þér mannbrodda.

1/11/04 02:01

Skoffín

Sammála þessu með stoltið, fyrir mig gildir það einu hvort ég hafi meitt mig.

1/11/04 02:02

Litli Múi

Maður verður bara að passa sig að vera ekki að labba í þessum bévítans brekkum því þá er voðinn vís.

1/11/04 03:01

Gísli Eiríkur og Helgi

Góði Ívar . Hér hjá okkur svíum á vesturströndinni hefur snjórinn ekki sínt sig og verið um tíu til fimtánstiga hiti. Vonandi er þettað bara smá blánaður á bottninum og að besti strætókallinn í ríkinu geti haldið áfram að keyra samborgaran hring eftir hring án þess að sytjandinn hái þér.

1/11/04 03:02

Ívar Sívertsen

sitjandinn er í góðu lagi... það er vinstri fóturinn sem er að plaga mig.

1/11/04 03:02

Hvæsi

Vertu feginn að það sé ekki miðfóturinn.

1/11/04 03:02

Rasspabbi

[Tekur andköf]

1/11/04 04:01

Tigra

Voðalega ertu árennilegur.

1/11/04 04:01

Anna Panna

Ívar, ef þú værir ekki maðurinn sem settir „pompa á rassinn” lagið inn í hausinn á mér fyrir nokkru síðan þá hefði ég ekki hlegið næstum eins mikið að þessu!!!

1/11/04 04:01

Ívar Sívertsen

[skellir upp úr]

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!