— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Dagbók - 31/10/04
Haft hægt um sig

Það er víst best að hafa hægt um sig þegar ástandið verður ískyggilegt.

Það er ekki svo að ég sé að hætta hér á Gestapó þó að einhverjir vildu glaðir losna við mig. Þeim verður sko ekki kápan úr því klæðinu. Ég hef verið mjög virkur hér síðan ég fékk að skrá mig rétt fyrir landnám en það hefur orðið til þess að ég hef ekki getað sinnt öðrum hlutum eins og ég hefði viljað. Undir nöglum mínum vex nú mosi, ég þarf að fara að reita arfa á bringunni og hleypa upp samkvæminu sem hefur staðið í all nokkurn tíma í naflanum á mér. Fjallið sem óhreini þvotturinn myndar er stærra en Vesúvíus og hefur Hexia tekið sér bólfestu í því fjalli um stundarsakir. Óhreina leirtauið bauð í partý í gær en hnífapörin ruku á dyr, skelltu hurðum og sögðust vera farin heim til mömmu. Diva Sívertsen De Trix týndi sjálfri sér og Primadonna Sívertsen De Trix neitar að koma niður af skáp því þá þarf hún að fara upp í móti. Lexia De Trix, Mótor De Trix og Seðill Sívertsen hafa ítrekað reynt að komast inn en án árangurs og eru dýnamít birgðirnar á þrotum. Ég hef því tekið þá ákvörðun að láta lítið fara fyrir mér hér á Gestapó næstu vikurnar þó svo að ég skjóti kannski endrum og eins upp kollinum svona til að minna á mig. Grátið ekki, ég kem aftur fílefldur þegar ég kemst aftur að tölvunni...

   (174 af 287)  
31/10/04 17:00

Limbri

Sérdeilis gott félaxrit frá sérdeilis afbragðs manni. En þar er ég eingöngu að tala um framsetningu og málefnalegan framgang rithöfundar. Vakti ritstíll þessi kátínu mína og var því ekki að neita að brosvöðvarnir fengu að vinna fyrir laununum sínum. En innihaldið sem slíkt dró þó úr gleðinni. Vil ég hérmeð því leggja fram formlega beiðni um að hnífapörin sjái sjálf um sitt uppvask og að háttvirtur Sívertsen leggi af öllum fyrirætlunum um fráhvarf sitt, hvort sem um er að ræða tímabundið frí eða fráhvarf í hlutum. Tel ég slíkt væri engum til haxbóta, hvorki honum né öðrum.

Vil ég að endingu lyfta glasi og skála fyrir kempunni, honum Ívari okkar.

Skál ! Megi hann lengi lifa.

-

31/10/04 17:00

Heiðglyrnir

Arfa á bringuni, hmmm er það kannski Ríkisarfinn. Skál Limbri minn og Ívar. Fyrir ykkur kæru vinir.

31/10/04 17:00

Ríkisarfinn

Það væri þá frekar Ívarsarfinn.

31/10/04 17:00

Litla Laufblaðið

Já vertu duglegur fyrir okkur hin Ívar...gvuð veit að ekki nenni ég því. En já SKÁL!

31/10/04 17:01

Sindri Indriði

Ég lagðist nú bara í gólfið og hló við að lesa þetta. En þú ert farinn og þá er meira pláss fyrir okkur sem erum nýjir hér.

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!