— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Pistlingur - 5/12/04
200.000,- væri fínn aukapeningur

Þætti þér lesandi góður ekki sæmilegasta búbót að fá 200.000 krónur í vasann? Ég ætla hér að útskýra hvernig það væri hægt.

Eins og flestir vita þá stendur það til að selja Landsímann. Hafi það farið fram hjá einhverjum er viðkomandi vinsamlegast beðinn að leita sér geðlæknisaðstoðar.

Mikið hefur verið rætt um hvað gera eigi við peningana sem hljótast af sölunni og vilja margir byggja hátækni sjúkrahús, aðrir vilja Sundabraut og enn aðrir vilja fá peningana bara í vasann.

Ef mínir útreikningar eru réttir þá fengi hvert mannsbarn sem er íslendingur 200.000 krónur í vasann ef gróðinn yrði greiddur út. Þar af leiðir að fimm manna fjölskylda fengi milljón. Það munar alla um það.

Hvernig fæ ég þessar tölur? Jú, ef maður deilir sextíu milljörðum með þrjúhundruð þúsund manns þá fengi hver og einn tvöhundruð þúsund. Það myndi greiða upp stóran hluta yfirdráttarlánsins míns!

En lítum nú á hvernig sölunni verður háttað. Það eiga að koma fyrirtæki að þessu sem stjórnvöldum eru þóknanleg. Einhverjir pirrandi púkar eru að reyna að smygla sér inn í söluferlið og tekst það líklega. En að lokum verða það að öllum líkindum Byko /Landsbankinn /Bakkavör sem kaupa Símann.

Íslenskur almúginn má þá sætta sig við það að einhverjir pótintátar í teinóttum jakkafötum fari að græða stórfé á okkur.

Nei takk!

Þetta fyrirtæki eigum við og við eigum að krefjast þess að fá tvöhundruðþúsundkallinn okkar beint í vasann, annað hvort í formi hlutabréfa eða sem innlegg á bankareikning!

   (200 af 287)  
5/12/04 03:00

Isak Dinesen

Það mætti alveg mín vegna lækka skatta (t.d. tímabundið) um leið og greiða þér, mér og fleirum 200.000 kall í póstkassann fyrir síma þennan. Hins vegar er skynsamlegt að selja þetta ræksni - jafnvel þó nokkrir pótintátar græði.

5/12/04 03:01

Texi Everto

Það væri auðvitað snilldarlegt, verst að ég er viss um að minn mundi hverfa eins og dögg fyrir sólu.
Svo gæti fólk rottað sig saman og notað 200þúsundkallana sína til að klambra saman spítala.

5/12/04 03:01

Limbri

Hvar fæ ég svo geðlæknisaðstoð ?

-

5/12/04 03:01

Texi Everto

Smábaggi er svosem ekki bona fide geðlæknir en hann er ábyggilega til í að taka þig í sálfræðitíma.

5/12/04 03:01

Vestfirðingur

Ekki kaupa bréf í Símanum. Þið kaupið á toppnum. Ef þið þurfið endilega að kaupa bréf, veljið þá hollenskan banka. T.d. ABN Amro. Enginn er flinkari að græða á bankarekstri en hollendingar.

5/12/04 03:01

Gísli Eiríkur og Helgi

' svíþjóð seldu þeir síman í hlutabréfum til
fólksins á gjavverði firir nítíu sænskar krónur stykkið fyrir nokkrum árun síðan. Í dag fær maður tæpan tíkall fyrir bréfið. skoðið telía dæmið og lærið af mistökum þeirra

5/12/04 03:01

Vestfirðingur

Þú ert bara heimskur bullari. Það er það eina sem allir eru löngu búnir að læra. Jafnvel þó það sé gagnslaus lærdómur. Telia var boðið út á 85 SEK, og drattaðist lengst niður í 22 SEk. Í dag er það á róli kringum 40 SEK

5/12/04 03:01

Hakuchi

Hvert er EBIT-ið Vestfirðingur?

5/12/04 03:01

Vestfirðingur

He,he... svo Hakuchi er íslenska útgáfan af Warren Buffett og George Soros! Sá annars frekar kléna mynd um Nick Leeson og Barings Bank. Leeson keypti víst botnlaust með puts á Nikkei indexið. "Boiler Room"nær einna skást þessum spekúlantdraumafíling, en Gordon Gekko klikkar ekki heldur í WS.

5/12/04 03:02

Hakuchi

Gekkóinn klikkar ekki. Það er rétt.

5/12/04 03:02

Isak Dinesen

Kvikmyndirnar eru greinilega aldrei fjarri. Ég hélt að við værum á leið út í heitar fjármálaumræður.

5/12/04 03:02

Gísli Eiríkur og Helgi

'eg keypti nú aldrei bréfin hans Björns Rosengrens
enda er ég heimskur mjög. Þú sem daglega lesir
Wallstreet Journal hefur sjálvsagt náð þér í bréfin
og ert búinn að tapa rúmlega hálvri aleigunni
gæti komið sér vel að kaupa símabréf fyrir afgangin og tapa hinu líka

5/12/04 04:00

Vestfirðingur

Þú gefst ekki upp í bullinu. Láttu Hakuchi sjá um þetta fyrir þig. Hann hefði losað þig við TLSN á stop/loss í tæka tíð. Annars sýnist mér botninn á leiðinni úr ISK. Hún hefur sigið 6% á einum mánuði gagnvart EUR. Í maí þarf að kaupa USD fyrir 100 millur á markaðinum til að borga af lánum. Þannig að það vantar kaupanda að ISK fyrir þá upphæð. ISK sígur því áfram.

9/12/05 06:01

Úlfamaðurinn

Maður sem ég þekki reyndi að tala við þingmanninn sem var með þetta loforð. Þingmaðurinn var hátt settur hjá Samfylkinguni og í ljós kom að hann vissi að enginn fengi þessa peninga og að þetta væri allt saman della og ímyndun í sér sjálfum. Hann skammaðist sín svo mikið að hann þorði ekki að svara neinu. Ef fólk vill leggja niður Landsvirkjun eða Kárahnjúkavirkjun, hræða alla af svæðinu, og nota til þess aðferðirnar sem ég nota, sem eru algjörlega kostnaðarlausar, og hafa ekkert opinbert eftirlit í för með sér,

matrixs@mi.is

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!