— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Pistlingur - 4/12/04
Áhugaverðar staðreyndir og hugleiðingar tengdar þeim

Á vefsetrinu www.snilldar.net rakst ég á <a href="http://snilldar.net/spjall/index.php?act=ST&f=6&t=8" target="_blank">skemmtilegan pistil</a> ellegar lista. Málfarið hefur í sumum tilfellum verið lagað en sumt er látið standa þrátt fyrir skelfilega málnotkun

<b>* Það er ómögulegt að sleikja á sér olnbogann.</b>
Ég hef reynt það og trúið mér, það er ekki hægt nema maður sé úrbeinaður eða sé með tungu á lengd við meðal garðslöngu. En það sem ég vil vita er hvað fólk hafi verið að reyna þegar þetta var uppgötvað.

<b> * Krókódíll getur ekki stungið út úr sér tungunni.</b>
Það var líka eins gott! Hafi maður séð tungu í krókódíl þá myndi maður ekki vilja verða vitni að því þegar hann biti í tunguna á sér!

<b>* Hjarta rækju er í höfði hennar.</b>
Að hafa „kadúnk kadúnk kadúnk“ í hausnum á sér sífellt myndi fá mig til að langa upp í næsta net til að klára þetta!

<b> * Þegar þú hnerrar stöðvar hjarta þitt í millisekúndu.</b>
OG þar af leiðir að ef þú notar hnerriduft þá færðu verulegar hjartsláttartruflanir. En hvernig föttuðu menn þetta? Eiga þessir menn ekkert líf?

<b>* Samkvæmt rannsókn sem gerð var á 200.000 strútum á yfir 80 árum hefur enginn séð strút stinga höfði sínu í sandinn né gera tilraun til þess.</b>
Jæja já... þannig að þetta er bara goðsögn? Eða eru þeir svona hrikalega feimnir að þeir vilja ekki viðurkenna það?

<b> * Í Bandaríkjunum er lögð fram ákæra á 30 sekúndna fresti.</b>
Kemur mér ekki á óvart! En nennir einhver að reikna þetta á ársgrundvelli? Ekki ég!

<b>* Það er efnislega ómögulegt fyrir svín að horfa upp í himininn.</b>
Hvað er líka svo sem þar að hafa? Ég horfi þangað sárasjaldan og mér er eiginlega bara nokk sama um það!

<b> * Meira en 50% fólks í heiminum hefur aldrei hringt eða tekið á móti símtali.</b>
Hefur einhverjum dottið í hug að kenna fólki að svara helvítis símanum? Það er kannski þess vegna sem amma svarar aldrei... hún kann það líklega ekki frekar en 50% mannkyns!

* Rottur og hestar geta ekki gubbað.
GOTT! Ég sæi í anda hest með magapest í veðreiðum. Það yrði frekar subbulegt!

<b> * Ef þú hnerrar of harkalega geturðu brotið rifbein. Ef þú reynir að bæla niður hnerra geturðu rifið æð í höfðinu á þér eða háls og dáið. Ef þú heldur augunum á þér opnum með afli geta þau dottið út.</b>
Viltu gera svo vel að fara aftur með þetta hnerriduft! Er ekki nóg að maður fái hjartatruflanir?

<b>* Rottur fjölga sér svo hratt að á 18 mánuðum geta tvær rottur haft yfir milljón erfingja.</b>
Fjörugt ættarmót það... og skemmtilegur fjöldasöngur.

<b> * Að vera með heyrnatól í einungis einn klukkutíma sjöhundruðfaldar bakteríu í eyrunum á þér.</b>
Ég skil, þetta er þá ekki eyrnamergur? Hvernig er hægt að fullyrða svona?

<b>* 40% þess fólks sem koma í partí í húsinu þínu kíkja í lyfjaskápinn þinn.</b>
VÍMUS! Vímus hefur líklega komið í 40% allra partýa!

<b> * Tannlæknir fann upp rafmagnsstólinn.</b>
Kemur ekki á óvart. Píningarþörfin komin langt fram úr hófi.

<b>* Kveikjarinn var fundinn upp á undan eldspítunni.</b>
Var þá eldurin fundinn upp á eftir eldspýtunni?

<b> * 100% lottósigurvegara þyngjast.</b>
Af hverju er ég þá svona feitur? Aldrei hef ég unnið í Lottó!

<b>* 35% fólks sem nota einkamálaauglýsingar til að koma á stefnumótum eru þegar gift.</b>
Og 65% þeirra sem nota einkamálaauglýsingarnar í sama tilgangi hljóta þá alltaf að verða fyrir vonbrigðum...

<b> * Kvak andar bergmálar ekki, og enginn veit af hverju.</b>
Það er vegna hljóðmyndunarinnar. Kvakið er samansett úr fjölmörgum örhljóðum sem í raun eru það stutt en þétt saman að það nær ekki að mynda bergmálsendurómun... Ég er að bulla... ég hef ekki hugmynd um það!

<b>* 23% af öllum bilunum á ljósritunarvélum má rekja til þess að fólk situr á ljósritunarvélum til að ljósrita á sér botninn.</b>
Og ég sem hélt að þetta væri bara gert í bíó? Eru kannski 23% allra bilana á ljósritunarvélum í kvikmyndaverum?

<b>* Á meðaltalsæviskeiði munt þú, á meðan þú sefur, borða 70 margs konar pöddur og 10 kóngulær.</b>
Hvernig sósu er best að hafa með því?

<b>* 160 bílar geta keyrt hlið við hlið á breiðasta vegi í heimi í Brasilíu.</b>
Mundu bara að gefa stefnuljós og þú verður kominn heim eftir viku...

<b>* Flestir innihalda fiskhreistur.</b>
Rosalega er ég feginn að það voru ekki sporðdrekaoddar eða kattahár!

<b> * Þvag kattar glóir undir útfjólubláu ljósi.</b>
Og hvað voru þeir að gera þegar þetta var uppgötvað?

<b>* Kólibrífugl er léttari en bandarískt penní.</b>
Verðlaus sem sagt?

<b>* Líkt og fingraför, eru tunguför hvers manns ólík.</b>
Nú? eru menn þá farnir að setja tunguna á manni í stimpilpúða líka ef maður brýtur eitthvað af sér?

<b>* 90% þeirra sem lesa þetta munu reyna að sleikja á sér olnbogana.</b>
...bíddu... ég er alveg að ná...

   (207 af 287)  
4/12/04 06:01

Litla Laufblaðið

Já, ég verð nú að segja fyrir mitt leiti að ég hef bara ljósritað á mér brjóstin, bila marga ljósritunarvélar við það?

4/12/04 06:01

Finngálkn

Möguleikar netsins... Allt þroskahefta fólkið getur skemmt sér á kostnað geðheilsu annara!

4/12/04 06:01

Hakuchi

Hjálpi mér. Er nú farið að gefa út algengustu keðjutölvupósta í félagsritum.

4/12/04 06:01

Litla Laufblaðið

Já og eins gott að þú kommentaðir, því ef maður gerir það ekki breytist maður í geit. En þar sem þú svaraðir mun einhver kyssa þig innan viku.

4/12/04 06:01

Órækja

43% allra félagsrita hafa áður komið fram sem tölvupóstar.

4/12/04 06:01

Ívar Sívertsen

Ekki hafði ég hugmynd um það að þetta væri gamall keðjutölvupóstur. Aldrei hef ég fengið þetta í tölvupósti. Hins vegar þekki ég flestar þessara staðreynda og reyndar kann ég talsvert mikið meira. Það bíður félagsrits síðar.

4/12/04 06:01

Ívar Sívertsen

Órækja, vissir þú að 47% allrar tölfræði verður til á staðnum. Og það held ég að sé tilfellið í þinni fullyrðingu. Sem sagt 32% allrar tölfræði verður til á staðnum.

4/12/04 06:01

Júlía

Var ekki einhverntíman til þráður sem hét 'Áhugaverðir tenglar'?
Þar ætti þetta félagsrit heim - nú, eða í nýjum þræði 'Allt sem þig langaði aldrei neitt sérstaklega að vita - og meira til'.

4/12/04 06:01

Limbri

Pass.

-

4/12/04 06:01

Smábaggi

http://visindavefur.hi.is/svar.asp?id=2097

,,<i>[...] Á síðunum er oftar en ekki langur listi af svipuðum fullyrðingum, nokkurs konar gagnslaus fróðleikur, sem við nánari athugun er sjaldnast fróðlegur og oft einfaldlega rangur. Fræðimenn eru farnir að kalla slíkt "þjóðsögur nútímans" (e. urban legends). [...]</i>"

4/12/04 06:01

Smábaggi

Annars svosem fínt.

4/12/04 06:02

Jóakim Aðalönd

Ég veit bara að kvak andar bergmálar. Þetta er bara goðsögn og ég hef ekki hugmynd um hvers vegna.

4/12/04 06:02

Tina St.Sebastian

"Flestir innihalda fiskhreistur."

Vantar ekki orðið "varalitir" þarna inn einhversstaðar?

4/12/04 07:00

Vamban

Einungis 40% kvenna hafa ekki sofið hjá mér.

4/12/04 07:00

Lómagnúpur

Ég inniheld svo sannarlega fiskihreistur. Annars minni ég á að 81% allra tölfræðilegra fullyrðinga er uppspuni.

4/12/04 07:01

Ívar Sívertsen

Ég er roð

4/12/04 07:01

Isak Dinesen

Ig Nóbell þeirra Harvard manna verðlaunar menn einmitt fyrir vísindarannsóknir af þessu tagi. Sem dæmi voru verðlaunin í líffræði (2003) veitt fyrir rannsóknir á samkynhneygðri nekrófílíu meðal stokkanda:

http://www.improb.com/ig/ig-top.html

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!