— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Pistlingur - 10/12/05
Auðun Georg er 5 ára

Nú fer alveg að verða fullrætt um mál Auðuns með einu enni.

Ég komst að því að hann er líklegast fimm ára krakki í líkama fullorðins manns. Viðtalið sem spilað var í fréttum Ríkisútvarpsins var þess eðlis að henn varð tvísaga um flest. Og sem dæmi um það af hverju ég held að hann sé fimm ára krakki þá átti ég samtal við 5 ára dóttur mína:

Ívar: Hvað voruð þið systur eiginlega að gera?!?
Díva: Ég gerði sko ekkert
Ívar: Nú? En afhverju ertu með þetta í höndunum?
Díva: ja... sko... ég gerði ekkert mikið sko...
Ívar: Þú gerðir eitthvað?
Díva: já...
Ívar: Af hverju?
Díva: bara...
Ívar: en af hverju sagðistu áðan ekki hafa gert neitt?
Díva: æææ... pabbi...étla koma og knúsa þig...

Og auðvitað bráðnar hver faðir við svona orð... en Auðun Georg klikkaði á því í viðtalinu og ef hann hefði sagt við fréttamanninn að hann vildi knúsa hann þá væri málið sennilega leyst.

   (208 af 287)  
4/12/04 03:02

Z. Natan Ó. Jónatanz

Ekki svo galinn samanburður. Spurningin er hvort Ingimar Karl Helgason hefði látið til leiðast & tekið Auðnuleysingjagreyinu opnum örmum ef sá síðarnefndi hefði beitt knús-úrræðinu...

4/12/04 03:02

Jóakim Aðalönd

Þetta er snilld Ívar. Samanburðurinn ber í senn vott um hugmyndaauðgi og snilligáfu.

4/12/04 03:02

Vladimir Fuckov

Kostulegur samanburður. Vjer gerðum eitt sinn er vjer vorum líklega aðeins eldri en 5 ára svipaða tilraun til að ljúga að föður vorum. Mistókst það svo gjörsamlega að vjer munum það enn og er því stór spurning hvort vjer höfum ekki einhverja hugmynd út frá eigin reynslu um það hvað frjettastjórinn fyrrverandi var að hugsa.

4/12/04 04:00

litlanorn

æ greyið litla. skemmtileg hugleiðin þarna á ferð

4/12/04 04:00

Sundlaugur Vatne

Það má segja að rök hafi verið færð fyrir kenningunni með há-vísindalegum samanburði.
Ekki mun ég mótmæla þeirri fullyrðingu að Auðun Georg sé 5 ára.

4/12/04 04:00

voff

Það er leikur að ljúga.
Leikur sá er mér kær.
Framhjá smámunum smjúga.
Smettan saganna hlær.

Fyrst er vaðið í viðtal
vaðið súðunum á
Svo er illt skapað umtal
ekki lát´ í þig ná.

Ljúga þarfa langa daga
Ljúga sérhverja stund.
Mannorð níða og naga.
Náhunda fara á fund.

4/12/04 04:01

Heiðglyrnir

Herra Ívar Sívertsen, hér ferð þú á kostum, snilldarfélagsrit. Þrátt fyrir að þekkja Auðun alveg þokkalega og vita að um góðan dreng er að ræða, þá var þetta metnaðarfulla stökk hans, full mikið af því góða og hann alveg eins getað verið fimm ára þegar upp var staðið.

4/12/04 04:02

Skabbi skrumari

Já, hljómaði sem 5 ára pjakkur... salút Ívar...

4/12/04 05:00

kolfinnur Kvaran

Magnþrungin uppgötvun!

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!